Inside

All Time Top 50 News

'अर्की आईमाई' उपन्याससंगै किन चर्चामाछिन् अमेरिका निवासी लेखिका नीलम कार्की निहारिका ? PDF Print E-mail
Share
User Rating: / 1
PoorBest 
Written by Pradeep Pariyar Thapa Magar   
Friday, 28 March 2014 17:30

Special: 10 photos, 1 video: न्यू योर्क- आधा दशक लामो अमेरिका बसाई र भोगाईसंगै जन्मिन पुगेको 'अर्की आईमाई' उपन्याससंगै अहिले निक्कै चर्चामाछिन् लेखिका नीलम कार्की निहारिका । नेपालमा स्नातकोतर (एमएड, एमएम) गरी प्राध्यापन, रेडियो आरजे र नेपाल टेलिभिजनमा लोकप्रिय टेलिहेल्थ कार्यक्रम सन्चालन र लेखनलाई संगसंगै अघि बढाएकी निहारिका अमेरिका आएपछि भने आफ्ना दुई छोराहरुको स्याहारसुसारमा 'फूल टाइम' बेबिसिटिङ गर्छिन् तर उनले यसबीच बेली (२०६८, कथा संग्रह) र 'अर्की आईमाई' (२०७०, उपन्यास) प्रकाशन गरेकिछिन्। उनका श्रीमान अमेरिकाको नर्थ क्यारोलिनामा मेडिकल डाक्टर हुन्।


Author Neelam Karki Niharika. Photos by Pradeep Thapa for USNepalOnline

त्यतिमात्र कहाँ हो र ! उनलाई नेपालको कान्तिपुर प्रकाशनले बर्षका दश ब्यक्तित्व अन्तरगत साहित्यतर्फ मनोनयन गर्‍यो भने नई प्रकाशनले 'विदेशमा रहेर पनि नेपाली भाषा र साहित्यमा सदैव जागरूक' लेखिका भन्दै २०७० सालको 'नइ गणेशदुर्गा पुरस्कार' द्वारा सम्मानित गर्‍यो।

Author Neelam Karki Niharika's novel 'Arki Aaimaai' is seen along with her other books. Photo courtesy: Neelam Karki Niharika

निलम कार्की निहारिकाको उपन्यास 'अर्की आईमाई' अन्तर्राष्ट्रिय नेपाली साहित्य समाज (अनेसास) द्वारा अमेरिकाको डिसी महानगर क्षेत्रमा गत बर्ष २०१३ को नोवेम्बर ३० र डिसेम्बर १ तारिख आयोजित 'तेस्रो अन्तर्राष्ट्रिय नेपाली साहित्य सम्मेलन' मा सामूहिकरुपमा गीता खत्री, नायिका गौरी मल्ल, डा. बिष्णुमाया परियार, गायिका नलिना चित्रकार, भारती गौतम, गंगा लिगल, दीपा राई, मनु लोहोरुङ राई, मिना पन्त, कविता पौडेल, कुन्ती थापा, सरस्वती रिजाल, ममता कर्माचार्य, अस्मिना रन्जित, आचार्य प्रभा र अनु शाहले लोकार्पण गरेका थिए।

Author Neelam Karki Niharika's novel 'Arki Aaimaai' released by group of Nepalese women personalities in Washington DC on December 1, 2013. Photos by Pradeep Thapa for USNepalOnline

बिसं २०३१ सालमा पाल्पामा जन्मेकी लेखिका निहारिकाको यस अघी हवन (२०६२, कथा संग्रह), ब्रेन फिभर (२०६२, कविता संग्रह), कागजमा दस्तखत (२०६५, कथा संग्रह), नीलम कार्की निहारिकाका कविता (२०६३, कविता संग्रह) र बेली (२०६८, कथा संग्रह) प्रकाशन भईसकेको छ।

हेर्नुहोस् युएस नेपाल अनलाइनले नेपाली लेखिका नीलम कार्की निहारिकासंग गरेको बिशेष भिडियो अन्तरवार्ता:

Interview with Nepalese author Neelam Karki Niharika, author of 'Arki Aaimai' in New York, March 1, 2014


'अर्की आईमाई' को चर्चा फेसबुकको 'वाल' भित्तामा यस्तो छ:

कति बर्सौ छुटेका परिवार भेटाएको छ फेसबुकले, कतिलाई माया पिरती बसाएको छ । छिनकोछिनमा देशबिदेशको समाचार दिने गरेको छ फेसबुकले । त्यस्तै, आफुले लेखेका गीत, गजल, कथा, कविता साथी माझ बाढ्ने ठाउँ पनि बनेको छ- फेसबुक । पाठकले आफनो धरणासमेत सजिलो गरि राख्न सक्ने मध्यम बनेको छ- फेसबुकको 'वाल' यानेकी भित्ता । त्यस्तै, पछिलो समय प्रकासनमा आएको उपन्यास 'अर्की आईमाई' बारे पाठकले आफनो धरणा फेसबुकमासमेत पोखेको देखिएको छ । तर फरक यत्ति छ, कुनै पत्रिकामा एक ब्यक्तिले आफनो धारणा राखी दिदा त्यो पत्रिकाले गरेको समिक्षा हुन् जान्छ तर पाठकले सामाजिक संजालमा राखेको अभिब्यक्ती भने नितान्त उसको मात्र बिचार हुन्छ। तर एउटा लेखककोलागि यो नितान्त ब्यक्तिगत बिचार अभिब्यक्ती आफ्नो कृतिको जाँच्ने कसी मात्र होइन बल्की आफ्ना पाठकहरुसंग अझ नजिकको सम्बन्ध कायम गर्ने अहोभाग्य बन्दछ।

Author Neelam Karki Niharika with her friends Dr. Bishnu Maya Pariyar, actress Gauri Malla, singer Nalina Chitrakar. Photos by Pradeep Thapa for USNepalOnline

प्रस्तुत छ, लेखिका नीलम कार्की निहारिकाको अनुमति लिएर युएस नेपाल अनलाइनले लेखिका निहारिकाका मित्र र प्रसंशकहरुको फेसबुकको 'वाल' (भित्ता) बाट संकलन गरेको 'अर्की आईमाई' उपन्यास सम्बन्धित टिप्पणी:

Author Neelam Karki Niharika's novel 'Arki Aaimaai' released by group of Nepalese women personalities in Washington DC on December 1, 2013. Photos by Pradeep Thapa for USNepalOnline

निर्मला खड्का, ईजाराल

केहि दिन यता सबै 'अर्की आईमाई' को प्रेममा लिप्त देख्दा बाँकि सबैलाई होसियार भई आफ्नोलागि पनि सुरक्षित पार्नुहोस् भन्ने सल्लाह दिन मन लागेको छ । अलि पछि खोज्दा पनि नभेट्टीएको खबर सुन्दा म दुखि हुने छु ।

प्रदीप सुबेदी, बेनी नेपाल

ति 'अर्की आईमाई' पनि कस्ती त अर्को पुरुशकोपछि लागेर अर्की आईमाइलाई आफ्नो झोलीमा चापी कस्न वाध्य पार्ने ? झोली खाली किन नहोस् ताल्चा देखेसी चोरको मनमा लोभ पलाउछ रे होस् गरिसियोस् है।

मिरा मन थापा, ईजरायल

आजभोली सबैतिर 'अर्की आइमाई' 'अर्की आइमाई' भनेको सुन्छु। बिचार्नुस् है घरकी आइमाईले कुच्चाले हानेको खबर छ्यासछ्यास्ती सुन्ने र पढ्ने सामर्थ्य छैन नि अब हामीसँग।

मधुकर अधिकारी, धादिग, नेपाल

माटो मन मुटु छोडेर 'अर्की आईमाई' तिर लागे कि क्या हो ? नत्र त यत्रो ठुलो स्वरमा खबरदारी सुनिन्न्थ्यो कि ?

कृष्ण अविरल, कपन

पछिल्लो समय बजारमा आएको निकै रोचक र स्तरीय उपन्यास । लाग्छ किनेपछि पक्कै पछुताउनु पर्दैन । यस उपन्यासकाबारेमा दिवांगत स्रष्टा जगदीश घिमिरेलेसमेत मुक्तकण्ठले प्रशंसा गर्नु भएको छ ।

भक्तिप्रसाद पौडेल, कृतिपुर

उपन्यासकारका यी शब्द पाठकको मन 'अर्की आइमाई' तिर आकर्षित गर्न पर्याप्त छन्- तपार्इंको उपन्यास पाठकले पढ्नैपर्ने कारणचाहिँ के हुन् ? यसमा मचाहिँ दुइटा कारण दिन्छु । पहिलो, देशकालागि । हरेक वर्ष देशले विदेशमा पौरखी युवा निर्यात गरिरहेको छ । किन पलायन हुँदै छ त देशको शक्ति ? विदेशयात्रा मात्र आकर्षण हो या बाध्यता ? के त्यसको खोजी भएको छ ? रेमिट्यान्सले देश थेगेको छ भन्दै हरेक वर्ष कति डलर भित्रियो भन्ने अंक जोडेर कति रमाउने ? यो कुरामा गम्भीर भएर मनन गर्न यो उपन्यासले सघाउने छ भन्ने आशामा छु म । दोस्रो, समाजका लागि । मानव बेचबिखन कुन हदसम्म हुन सक्छ ? कसरी हुन सक्छ ? मान्छेले कस्तोसम्म सम्झौता गर्नुपर्छ बाँच्नकालागि ? कतिले आफ्ना सन्तानका लागि भनेर सन्तान नै बेचिदिएका छन् । बजारमा झोलाहरू बिकिरहेका छन् हिजोभन्दा धेरै । र, त्यो झोलाले यात्रुको सामानमात्र बोकेर लाँदैन, परिवारको खुसी र देशको भविष्य पनि पोको पारेर बाहिर लगिरहेको छ । तर, पनि हामी विदेश हिँडिरहेका छौँ । गलत हो भन्छौँ, तर विवश छौँ र त्यतै लाग्दै छौँ । अपवादबाहेक आफ्नो देशबाहिर हामीले पाउने इज्जत 'अर्की आइमाई' को भन्दा माथि कहाँ होला र ? यो सामाजिक विघटन र पीडाको विषयलाई बुझ्न मेरो उपन्यास सहयोगी हुन्छ भन्ने मलाई लाग्छ ।

Actress Gauri Malla and singer Nalina Chitrakar. Photos by Pradeep Thapa for USNepalOnline

हरि बिनोद अधिकारी, कृतिपुर

पढ्नै पर्ने नया पुस्तक अर्की आइमाई । नीलम कार्की निहारिकाको 'अर्की आईमाई' साँच्चै मन छुने उपन्यास रहेछ । अमेरिका बस्ने नेपालीहरुको एउटा विम्ब । जाने आइमाईको अवस्था र र मनोदशा । राम्रोसंग केलाइएको रहेछ । धन्यवाद नीलम, फेरी पनि यस्तै लेखेर बाणीविहिनको बाणी बोलिदेउ...

सुबिन भट्टराई (उपन्यासकार, काठमांडू)

मेरो दृष्टिकोणमा (कोहि सहमत हुनुपर्छ भन्ने छैन..): नेपाली साहित्यमा "पारिजात" र "बानिरा गिरि" पछि यदि कोहि मन छुने लेख्छ भने त्यो "नीलम कार्की निहारिका" नै हो । शिरिषको फुल र कारागार पछि राम्रो लेख्ने महिला नीलम कार्की निहारिकको "अर्की आइमाई" मा केहि झिना मसिना कमि कमजोरी भएको भएता पानि यसले लामु समयपछि एउटा प्यास मेट्ने काम भने जरूर गरेको छ ।

सुमन शर्मा, झापा

म साहित्यको फुच्चे पाठक हु, 'अर्की आईमाई' कोबारे चर्चा फेसबुकबाट नै सुने, मनमा पढ्ने हुटहुटि जाग्यो, किताब किन्न सहर गए र सर्लक्क निले राम्रो भोजन भन्ने लग्यो, तिप्त भए । कुरा त्यतिमा सकिन, ठुला भन्ने पत्रिकामा 'अर्की आईमाई' कोबारे लेखिएको टिपणीमा आखा पर्न भ्यायो, तर म घोरिए त्यो समिक्षा थियो कि 'अर्की आईमाई' को बजार घटाउने संयत्र ? होइन 'अर्की आईमाई' संग डराएकै हुन ति ? बडो डराउन पर्ने नै छ है लेखन चाही ।

चन्द्रवीर तुम्बापो (कबि)

उसो त नेपाली साहित्यमा नीलम कार्की निहारिका कुनै नयाँ नाम होइन उनी केहि बर्ष एता अमेरिका रहदै आएकीछिन् । उनी एउटा हस्तक्षेपकारी कलम हो । 'अर्की आइमाई' महिला सर्जकबाट आएको सुन्दर कृति मान्न सकिन्छ ।

Dr. Bishnu Maya Pariyar. Photos by Pradeep Thapa for USNepalOnline

डा. बिष्णुमाया परियार, बोस्टन, अमेरिका

निलमजीको ''अर्की आईमाई'' उपन्यास बिमोचन गर्ने बेलामा म पनि उपस्थित थिएं। त्यो दिनै मैले लेखिकाकै हातबाट यो पुस्तक पाएकी थिएं। उपन्यास भर्खर मात्र पढेर सकाएं। उपन्यासको पात्र ताराको कहानी पढ्दा आफूले अमेरिकामा ११ बर्षदेखि घरेलु हिंशाबाट पीडित महिलाहरुको पक्षमा काम गर्दा भेटेका वास्तबिक जीवनका ति सयौं महिलाहरुको अनुहार, पिडा र शोषण सम्झिन पुगें। सपनाको देश भनिने अमेरिकाको मीठो सपना बोकेर अमेरिका छिरेका अनगिन्ती आप्रवासी महिलाहरुको सपना एकाएक चकनाचुर हुन्छ जतिखेर उनीहरु पुरुषको खेलौना बन्न पुग्छन् अनि शरीरिक र मानसिकरुपमा घाईते हुन पुग्छन्। निलमजीले त्यो बस्तुगत तीतो तथ्यलाई मर्मस्पर्शी ढंगले उपन्यासमा उजागर गरेकिछिन्। निलमजीलाई मुरिमुरी धन्यवाद समाजको अँध्यारो पाटोलाई साहित्यको उज्यालो घाममा ल्याएर पाठकका सामू देखाई दिनुभएकोमा।

गणेस खडका

खुशी लाग्यो। अब पुस्तक सग्लो छाम्ने हुटहुटी रह्यो ।

सिता अर्याल

हामीले 'अर्की आईमाई' भेट्ने कसरि होला ?

दिवाकर स्वप्निल

'अर्की आईमाई' लाई पूर्वी नेपालसम्म शूभ यात्रा । बिर्तामोडमा स्वागत छ । लेखिका, प्रकाशक र बजार बितरकमा धन्यवाद तथा शुभकामना । 'अर्की आईमाई' बिर्तामोडको कुन कुन पसलमा आउँछिन् थाहा पाए इच्छुक साथीलाईसमेत जानकारी गराउन हुन्थ्यो ।

संजु बजगाई, क्यानाडा

सबैको हातमा 'अर्की आईमाई' होस् ।

गीता खत्री, न्यू योर्क, अमेरिका

नीलमको नयां उपन्यास 'अर्की आईमाई' एउटै थलोमा बसेर बिहानैदेखि पढेर सिध्याएं । सरल भाषामा लेखिएको यो उपन्यास मलाई दैनिकी जस्तो लाग्यो । पढदै गएं पढदै गएं । अनि आंखा चिम्लेर ध्यान मग्न भएं । हो म दुइ दशकको हाराहारीमा अमेरिकामा बसेकीलाई दैनिकी जस्तै लाग्नु स्वभाविकै हो । यसभित्र उनले लेखेका कुराहरु हाम्रो दिनदिनकै भोगाइभित्रै पर्दछ । त्यसैले मैले पढी सक्दा दैनिकीभित्र रुमलिन पुगेको होला । तर यो उपन्यास यसभन्दा धेरै माथिल्लो कोटीमा पदर्छ । यो उपन्यास शिक्षामुलक छ । अमेरिका भनेर हत्ते हाल्नेकालागि अथवा अमेरिका बसेका केटाहरुसंग बैबाहिक सम्बन्ध जोडन एक पटक हैन धेरै पटक सोच्न बाध्य गराउंछ । यसमा अमेरिकाको चित्रण राम्रोसंग उतार्न सफल भएकीछिन निलम निहारिकाले । भारतसंगको खुल्ला सिमानाले गर्दा हाम्रा चेलीहरु सजिलैसंग बेचिन सक्छन् । त्यहाकै कोठीमा आफ्नो जीवन बिताउन बाध्य हुन्छन् । यी कुराहरु पुरानै हुन् । त्यस्तै, अमेरिकामा पनि नजानिदोपाराले हाम्रा चेलीहरु बेचिएका छन् । कोठाभित्रै पिल्सिएको खबर सुन्नमा नआएको होइन । यसलाई निलम बहिनीले अक्षररुपी कलाले राम्रोसंग उतार्न सफलभएकी छिन् । उपन्यासको शिर्षकसंग मेल खाने गरी सरलभाषामा चित्रण गर्न सफल भएकी छिन् । पात्रहरुलाई आप्mलनै जन्मभूमिमा फर्काउन सफल भएकी छिन् । निलमलाई धेरै बधाई तथा शुभकामाना दिदै अन्य कृतिहरु छिटै पढन पाइयोस् भन्दै पुन बधाइ छ।

दुर्गा ढेगा, पाल्पा

मलाई लागेको पनि थियो, यहाँ पक्कै जन्मथलो धेरथोर कथा छ । तर रहेछ, दुरदराजको कथा । तर हामीसँगै जोडिएको । पढ्दा रोकिने ठाउँ छैन । रोक्न मनले मान्दैमान्दैन । आकारमा सानो पुस्तक । तर खुराक धेरै । अमेरिका बुझाउने पुस्तक । मज्जाले, पाठकलाई स्पर्ष गर्न सफल । जाँडोमा आङ न्यानो पार्ने । एक उत्कृष्ट कृति ।

Writers Gobinda Giri Prerana and Amar Neupane. Photo courtesy: Neelam Karki Niharika

गोबिन्द गिरि प्रेरणा, भर्जिनिया, अमेरिका

हवन जस्तो उत्कृष्ट कथाकृतिका सर्जक नीलमको अघिल्लो कृति वेली पनि पाठक अध्येताले रुचाएका हुन् । अव अहिले चर्चामा छ 'अर्की आईमाई' उपन्यास । उपन्यास लेख्न सरल छैन, सहज छैन, किन भने यौटा सिंगो कृतिलाई यौटै अदृष्य धागोले उनेर यौटै सूत्रमा आवद्ध गराउनु पर्ने मात्र नभई आद्योपान्त पठनीय हुन जरुरी छ । सो, यो उपन्यास रोचक र पठनीय छ । विदेशी पृष्ठभूमिमा कृति रचना गर्न जोखिम मोल्नु पर्ने हुन्छ । किनभने लामो समय प्रवासमा रहँदा पनि प्रवासका कैयन् पक्षहरु सवैलाई उजागर भैसकेको हुँदैन । अतः विषय र संस्कृति, संस्कारका कुराहरुमा तालमेल नहुन सक्ने प्रसस्त सम्भावनाहरु हुन्छ । त्यस्तो जोखिम मोलेर नीलमले अर्की आइमाईको सिर्जना गरेकी छिन् यो वडो स्वागत योग्य पक्ष हो । अमेरिका स्वप्न जगत हो, अमेरिका वुझिनसक्नु छ, अमेरिकामा वस्ने नेपालीहरुको नालीवेली झन् वुझिनसक्नु छ । खुल्ला समाजको सधैं हावासमेत छिर्न प्रतिवन्ध लागेको वन्द घरभित्रका कथा जन समक्ष ल्याउनु चानचुने कुरा होइन । यसमा नीलमले आँट गरिन् । यो आँटले अमेरिकी पृष्ठभूमिमा लेखिएको यौटा थप कृतिको जन्म भयो । 'अर्की आईमाई' को जन्म भयो । यौटै कृतिमा धेरै कथा र धेरै पक्ष समेट्न सम्भव हुँदैन । नीलमले अर्की आइमाई मार्फत यौटी नेपाली चेलीको कथा पस्केकी छिन् र पठनीयरुपमा पाठकको हातमा सुम्पेकी छिन् । अर्की आइमाई कृतिमार्फत उपन्यास जगतमा पदार्पण गरेकी नीलमलाई उपन्यास संसारमा हार्दिक स्वागत छ।

अम्देम्बे राज सहयात्री, मलेसिया

कस्तो संयोग ...हातको सानो चोटले गर्दा आफ्नो नित्यकर्ममा अवरोध आए पनि आजको दिन 'अर्की आईमाई' संग दिन बित्यो मेरो समग्रमा भन्नु पर्दा 'अर्की आईमाई' ले मलाई आज दिन भरी साथ दिईन् चोटको दुखाइको महसूस अलिकती पनि भएन ।

राजेश्वर उदय, तानसेन, नेपाल

युवा लेखिका बहिनी नीलम भास्करको नविन सोचका साथ शक्तिशाली कृति हामी माझ पस्कनु भएको छ सुन्दर तरिकाले ..अर्की आइमाईको पिडा, जीवन यथार्थतालाई सुन्दर तरिकाले अभिव्यक्त भएको छ अब फेरी कहिलै कोहि पनि अर्की आइमाई बनि बाँच्न नपरोस्.... 'अर्की आईमाई' मा...सुन्दर अति सुन्दर ...पढे असाद्धै मन पर्यो ...युवा श्रष्टालाई बधाई...

'अर्की आईमाई' पछिल्लो समयमा आर्को एक नबिन उपन्यास हो । बैदेसिक रोजगार को लागि देस छाडेर जान बिबस नेपालि को कथा लाई उनकी छन उपन्यास कार नीलम कार्की निहारिकाले । 'अर्की आईमाई' बाट एक अम्स - हरेक दिन जसो देशले विदेशमा पौरखी युवा निर्यात गरिरहेको छ । किन पलायन हुँदै छ त देशको शक्ति ? विदेशयात्रा मात्र आकर्षण हो या बाध्यता ? के त्यसको खोजी भएको छ ? रेमिट्यान्सले देश थेगेको छ भन्दै हरेक वर्ष कति डलर भित्रियो भन्ने अंक जोडेर कति रमाउने ? यो कुरामा गम्भीर भएर मनन गर्ने कसले हो ? नेता या नागरिक ले ? मानव बेचबिखन कुन हदसम्म हुन सक्छ ? कसरी हुन सक्छ ? मान्छेले कस्तोसम्म सम्झौता गर्नुपर्छ बाँच्नका लागि ? हेर्ने कसले हो ? कतिले आफ्ना एक सन्तानका निम्ति अर्को सन्तान नै पनि बेचिदिएका छन् । बजारमा झोलाहरू बिकिरहेका छन् हिजोभन्दा धेरै । र, त्यो झोलाले यात्रुको सामानमात्र बोकेर लाँदैन, परिवारको खुसी र देशको भविष्य पनि पोको पारेर बाहिर लगिरहेको छ । तर, पनि हामी विदेश हिँडिरहेका छौँ । गलत हो भन्छौँ, तर विवश छौँ र त्यतै लाग्दै छौँ । सम्मान र ईज्जत को कुरा गर्ने हो भने अपवाद बाहेक आफ्नो देशबाहिर हामीले पाउने इज्जत अर्की आइमाईको भन्दामाथि कहाँ होला र ?

भवानी क्षेत्री

'अर्की आईमाई' पढेपछि: "उ केवल यात्री हो। आफ्नो यात्रा गर्नुछ बस् 'अर्की आईमाई' भित्र पस्दापस्दै मन परेको वाक्य हो यो। इहलिना अथवा घर न २७२१ की कामदार महिलाको कथाबाट शुरु हुन्छ उपन्यास। थुप्रै उपशिर्षक रहेको यो उपन्यसलाई धेरै कथाहरु मिलेर पूर्णता दिएकोछ। मतलब उपन्यस बनेको छ। आम नेपाली छोरीको जीवन कथाबाट शुरु भएर उसले भोग्नु परेका दुःख, पिडा, बार, बन्देज हिड्नु परेका उकाली ओराली हुदै उपन्यस सकिन्छ।

एउटी पढ्दै गरेकी केटीको अचानक बिबाह हुन्छ। आफ्नो बिबाह हुने कुरा उसलाई थाहा हुदैन। एउटा बाख्राको पाठोकी जत्तीको मुल्य पनि राख्दैन उसको इच्छाले। एउटा उमेरले जेठो अपरिचित मान्छेको साथ लगाएर पठाइ दिन्छन आफ्नै बा आमाले छोरीलाई। अबिभावकले बनाई दिएको लोग्नेसंग जादै गर्दा सोच्छे उसले "बा आमाले दिइ पठाए म शुवर्णजीको स्वस्नी भएँ" । न उसको इच्छ,नत खुसी, न मन्जुरी केही चाहिएन छोरी मान्छेको। मानौ छोरी पशु हो जती बेला जसलाई दिए हुन्छ। बा र दाइले भने पछी जे सुकैमा सहि गरी दिन सक्ने छोरीको बिस्वासलाई खै बचाउन सकेको नेपाली समाज ले? आदी आदी...

मेरा एक जना मित्र छन् अमेरीकामा। उनी तीन दिनपछि म्यसेजको जवाफ फर्काउछन्। उनको ब्यस्तता देख्दा लग्थ्यो अमेरीका आगोको भट्टी हो र त्यो आगोको भट्टीमा बसेर मान्छे हरदम उम्लीनै रहन्छन्। मेरो ठनाइ ठिक हो वा 'अर्की आईमाई' भित्रका नेपाली जीवन शैली ठिक हो भ्रम भयो मलाई। नीलम कार्की निहारीकाद्धारा लिखित १७७ पेजको यो पुस्तक अमेरीका नपुगेका, छोरी त्यहा पुगेपछि सुखी र खुसी हुन्छन् भन्ने सोचाइ भएका मान्छेहरुको निम्ती के रहेछ त अमेरीका भनेर सुटुक्क हेर्ने आँखी झ्याल हो भन्ने लाग्यो मलाई । यो पुस्तकमा त्यहा पुगेका नेपालीहरुको रहन सहन, उठबस् देखी लिएर संस्कार, संस्कृति र केटाकेटी मिलाएर बिबाह र सम्बन्ध बिच्छेद दुबै गराइ दिनेसम्म चरित्रको सजिव चित्रण भएको छ। एक पल्ट सबै साहित्यिक मित्रहरुले पढ्नै पर्ने पुस्तक लाग्यो मलाइ। बधाइ धन्नेवाद र कामना नीलम अर्को यस्तै राम्रो कृति चाडै आवोस्।

राजेश्वर उदय, तानसेन, नेपाल

'अर्की आईमाई' लेखकले परिवेश परिस्थिति नजिकबाट नियाल्नु भएको रहेछ भन्ने कुरा लेखकीय सजिबताले प्रस्ट गर्छ। 'सबित्री' को आगमनले अझ धेरै सोच्न बाध्य गराउछ 'अर्की आईमाई' मानब चरित्र र हाम्रो स्वार्थी समाजको बाध्यता बिबसता छर्लंग पार्न सफल उपन्यास हो भन्दा फरक पर्दैन। समग्रमा 'अर्की आईमाई' पढ्ने पर्ने आख्यान रहेछ । हार्दिक बधाई...

शमा श्री

युवा लेखिका बहिनी नीलम भास्करको नविन सोचकासाथ शक्तिशाली कृति हामी माझ पस्कनु भएको छ सुन्दर तरिकाले ...अर्की आइमाईको पिडा, जीवन यथार्थतालाई सुन्दर तरिकाले अभिव्यक्त भएको छ अब फेरी कहिलै कोहि पनि अर्की आइमाई बनि बाँच्न नपरोस् ...'अर्की आईमाई' मा ...सुन्दर अति सुन्दर ...पढे असाद्धै मन पर्यो ...युवा श्रष्टालाई बधाई...

Read related news:

-अमेरिका निवासी नीलम कार्की निहारिकालाई नइ गणेशदुर्गा पुरस्कार प्रदान गर्ने

-सीमान्तीकृत समुदायलाई केन्द्रमा राखेर लेखिएको 'बेली' कथा सङ्ग्रहको चिरफार

-नेपाली अमेरिकन बाल कवि हिमांशु कुंवरको संस्मरण Colorful Boy सार्बजनिक

-Neelam Karki 'Niharika': कविता: दशैको कोसेली

Comments

Please login to post comments or replies.
 

Be the first to know

Member Login





OUR COMMITMENT

USNepalOnline.Com is a New York-based popular community news portal dedicated to the Nepalese community in New York and around the world. We bring news and views from Nepal and from the Nepalese Diaspora. We are committed to providing a wide array of international features relating to Nepalese politics, people, lives, culture and so on. Our dedicated editors, representatives, and contributors in New York, Nepal and from elsewhere work to bring Nepal and the Nepalese into the cyber-world as it happens. We operate as a primary news source that touches the lives of the Nepalese community in ways that matter most to our readers. Our mission is to provide quality news and educational resources about Nepalese culture and its people within and beyond the Nepalese-American community.