प्रधानमन्त्री प्रचन्डद्वारा पहिले भारत,
दोश्रो अमेरिकाको भ्रमण गरिने
काठमाडौँ, September 5, 2008- आगामी सेप्टेम्बर
१६ तारिखदेखी अक्टोबर १ तारिख बिच हुन लागेको सङ्युक्त राष्ट्र सङ्घको ६३
औं महासभा बैठकमा भाग लिन अमेरिकाको यात्रामा निस्कनु अघी प्रम प्रचन्डले
आगामी सेप्टेम्बर १४ तारिखमा भारतको भ्रमण गर्ने भएका छन्।
प्रधानमन्त्री पुष्पकमल दाहालको भदौ २९ गते (September 14) हुने भारत भ्रमण
नेकपा माओवादी वैठकबाट अनुमोदित भएको छ ।
माओवादी केन्द्रिय समितिको भदौ २० गते बसेको वैठकमा प्रधानमन्त्रीको पहिलो
राजनीतिक भ्रमण भारत हुने कुरालाई अनुमोदन गरेको हो ।
संघीय गणतान्त्रिक नेपालका प्रथम प्रधानमन्त्री प्रचण्डको पहिलो विदेश
भ्रमण चीनमा भएकोमा भारतले चित्त दुखाएको चर्चा चलेपछि पहिलो राजनीतिक
भ्रमण भारत मै गरिने योजना तय भएको हो ।
प्रधानमन्त्री निवासमा बसेको वैठकमा जनमुखी बजेट ल्याइने तयारी भईरहेको
माओवादी नेता दीनानाथ शर्माले जानकारी दिए । सरकारको नीति तथा कार्यक्रम
भने सरकारमा सहभागी दलहरु भएको सम्झौताको आधारमा तयार गरिने नेता शर्माले
बताए ।