www.USNepalOnline.Com: Nepalese News Live from the capital of the world-New York City

News from Nepal & New York

अब ४ हजार गाविस होइन ८ सय जिल्ला !

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

Minister Gopal Kirati. Photos: Santa

काठमाडौं, September 2, 2008- संस्कृति तथा पुनर्संरचना मन्त्री गोपाल किरातीले मुलुकलाई ८ सय जिल्लामा विभाजन गर्नु पर्ने बताएका छन् ।

Minister Gopal Kirati. Photos: Santa

भदौ १७ गते राजधानीमा आयोजित कार्यक्रममा मन्त्री किरातीले करिब ४ हजार गाविस राख्दा मुलुकले अनावश्यक आर्थिक भार सहनु परेकाले त्यसको साटो ३ देखि १५ गाविस मिलाएर एउटा जिल्ला बनाउने प्रश्ताव गरेका हुन्‌ ।

७५ जिल्लाको साटो नेपाललाई आठ सय जिल्लामा विभाजन गर्ने प्रस्ताव आफूले मन्त्री परिषद्मार्फत् संविधान सभामा लैजानेपनि उनले बताएका छन् । मन्त्री किराँतीका अनुसार संविधान सभाले नयाँ संविधान बनाएपछि 'नयाँ नेपाल' मा अहिलेजस्ता गाउँ विकास समितिहरु रहने छैनन् ।

उनले अघि सारेको यो धारणाको कांग्रेसका अर्जुननरिसंह केसीदेखि एमालेका प्रदीप ज्ञवालीसम्मले हचुवा धारणा भन्दै विरोध गरेका छन् । तर आफ्नो कुरामा उनी अडिग छन् । पुरानो मान्यता बोक्नेहरुले आफ्नो प्रस्तावको विरोध गरेको बताउने मन्त्री किराँतीका अनुसार नेपाललाई ८ सय जिल्लामा विभाजित गरिए प्रशासनिक रुपले जनतालाई निकै सहज हुनेछ ।

UMl leader Pradeep Gyawali. Photos: Santa

सोही कार्यक्रममा बोल्दै एमाले नेता प्रदीप ज्ञवालीले मन्त्री किरातीले ल्याएको अवधारण माथि छलफल गर्न सकिने बताए । तर राज्य पुनरसंरचना सम्बन्धमा एमालेले पाँच कुरालाई आधार बनाउने नेता ज्ञवालीको भनाई थियो । उनका अनुसार जातीय बसोबास, भौगोलिकता, भाषा, संस्कति, ऐतिहासिक पक्ष र आर्थिक संभाब्यतालाई राज्य पुनरसंरचनाको प्रमुख आधार बनाईनु पर्छ ।

'आठ सय जिल्लाको प्रावधानसहितको राज्य पुनसंरचना मन्त्रि परिषदमा लैजाने तैयारीमा छ' यूएस नेपाल अनलाइनसँगको कुराकानीमा उनले दोहोर्याए- 'यो प्रस्ताव मन्त्रिपरिषदले पारित गरेपछि संविधान सभामा लगिनेछ ।' उनले हाल रहेका गाविसहरु मध्ये तीन देखि १५ गाविसहरु बराबर एक जिल्ला बनाउने गरी मस्यौदा तयार भएको जानकारीपनि दिए ।

'जनसंख्या, भूगोल, जाति, भाषा, समुदाय, आर्थिक अवस्थालाई आधार मानेर जिल्ला बनाइनेछ' मन्त्री किराँतीको भनाई छ- 'हालका जिल्ला सदरमुकाम कायम रहने र थप नयां जिल्ला सदरमुकाम बनाइनेछ ।' ८ सय जिल्ला बनाइएपछि जिल्ला सदरमुकामको रुपमा आठ सय शहर हुने र प्रत्येक जिल्लामा अधिकृत स्तरको कर्मचारी प्रमुख रहने र प्रहरी निरीक्षक सुरक्षा प्रमुखका रुपमा रहने उनको भनाई थियो ।

मन्त्री किराँतीका अनुसार अब राज्यले राज्य पुनसर्ंरचनासम्बन्धी प्रस्तावबारे तल्लो तहसम्म बहस चलाइने बताए । राज्य पुनसर्ंरचना मन्त्रालयले प्रस्तुत गर्ने प्रस्ताव नै सर्वस्वीकार्य हुनुपर्छ भन्ने मान्यतामा आफू नरहेको बताउदै उनी भन्छन्- 'लोकतान्त्रिक विधिबाट स्वायत्त प्रदेश र जिल्लाहरुको निक्र्यौल हुनेछ ।' संविधान सभामा प्रतिनिधित्व गर्ने २५ दलबीचको सहमति र छलफलबाटै राज्यको पुनस्ररचना गरिने उनको कथन छ।

प्रत्येक जिल्लाहरुमा औद्योगिकरण, शिक्षा, स्वास्थ्यलाई प्राथमिकता दिइने बताउँदै मन्त्री किराँतीले राष्ट्रिय एकता र अखण्डताको आधारलाई मनन गरेर राज्यको पुनसंरचना गर्न लागिएको जानकारी दिएका छन् । उनले प्रतिबद्धता जनाउँदै भने- 'सबैको संस्कृति र भाषाको सम्मान गर्ने वातावरण बनाउन संस्कृति तथा राज्य पुनस्रंरचना मन्त्रीको हैसियतले म सकृय हुनेछु ।'

-Sitaram Baral and Santa Bagam in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»