Barsgman Pun Magar 'Ananta' and former Minister
Balaram Gharti Magar at the program in Lalitpur. Photos: Smita
रोल्पालाई माओवादीको गढ बनाउन सफल माओवादी कमाण्डर र
रोल्पा कै पूर्व मन्त्री बालाराम घर्ती मगर काने खुशी गर्दाको क्षण हेर्न
लायक थियो । यो संयोग जुरेको हो- मगर समाज सेवा केन्द्र ललितपुरको बाह्रौँ
वार्षिक साधारण सभामा । तर यि दुई बिपरित ध्रुब बिच के कुरा भो कसैलाई थाहा
हुन सकेन।
नेकपा माओवादीका सचिवालय सदस्य तथा संविधान सभा सदस्य
वर्षमान पुनमगर 'अनन्त'ले साधारण सभाको उद्घाटन गर्नुभएको थियो ।
एक-अर्काको सहयोगबाट नै समाज माथि उठ्ने र एकता बढ्ने भएकोले मगर समाज सेवा
केन्द्र जस्ता संस्थाको हरेक समाजमा धेरै आवश्यकता भएको अनन्तले
कार्यक्रममा बताउनु भयो ।
२०५२ मा स्थापित केन्द्रले एम्बुलेन्स सन्चालन, मगर भाषा कक्षा सन्चालन,
रक्तदान तथा जनचेतनामूलक कार्यक्रम सन्चालन गर्दै आएको छ ।
साधारण सभाका केन्द्रका सहसचिव देवकुमारी बुढाथोकीले प्रगति प्रतिवेदन तथा
कोषाध्यक्ष तुलबहादुर थापामगरले आर्थिक प्रतिवेदन प्रस्तुत गर्नुभएको थियो
।
उपत्यकामा मगरको मृत्यु हुँदा मलामी समेत नपाइने अवस्थामा मगरहरुलाई सेवा
गर्ने उद्देश्यले सो केन्द्र स्थापना गरिएको संस्थापक अध्यक्ष तुलबहादुर
श्रीशमगरले बताउनुभयो ।
सो अवसरमा कोसी पीडितको सहयोगका लागि केन्द्रका
तर्फबाट १५ हजार रुपियाँ बृटिश गोरखा राहत कोषका अध्यक्ष डीबी बम्जनलाई
हस्तान्तरण गरिएको थियो ।