www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

विहीबारभित्र मन्त्रिमण्डल विस्तार हुने
'हामी अधिकार प्राप्त गर्न सक्षम छौं विदेशीले दबाब दिइरहनुपर्दैन ।'
काठमाडौं, August 20, 2008- वरिष्ठ माओवादी नेता मोहन वैद्य 'किरण' ले मन्त्रालय बाँडफाँडमा कुरा मिलिसकेको बताउँदै विहीबार मन्त्रिमण्डल विस्तार हुने पक्कापक्की भएको बताएका छन् ।

नेता किरणले कोशीको बाढीग्रस्त क्षेत्रबाट फर्केपछि सहमति पत्रमा हस्ताक्षर हुने जानकारीपनि गराएका छन्।

किरणको भनाई थियो- 'मन्त्रालय बाँडफाँडमा कुरा मिलिसकेको छ भोलिसम्ममा मन्त्रिमण्डल विस्तार हुन्छ ।' उनले माओवादीबाट डा. बाबुराम भट्टराईले अर्थ मन्त्रालय र रामबहादुर थापा 'बादल' ले रक्षा मन्त्रालयको जिम्मेवारी लिने टुंगो लागेको र अन्य मन्त्रालयका बारेमा विहीबार नै टुंगो लाग्ने बताए ।

आफू भने सरकारमा नजाने बताउँदै नेता किरणले सरकारमा सहभागी जाने नेताहरुको नाम तय भएपछि पार्टीभित्र पनि जिम्मेवारी बाँडफाँड हुने बताए । कार्यवाहक अध्यक्षका बारेमा भने टुंगो नलागेको जानकारी पनि उनले दिए । सरकारमा सहभागी नहुनेले पार्टी सन्‍चालनको जिम्मेवारी लिने बताउँदै किरणले केन्द्रीय समितिको बैठक बसी जिम्मेवारी बाँडफांडको टुंगो लगाउने बताए ।

नेता किरणले जनमुक्ति सेनाले प्रधानमन्त्रीको सुरक्षा खटाउने नखटाउनेबारे टुंगो नलागेको जानकारीपनि दिए । जनमुक्ति सेनालाई प्रधानमन्त्रीको सुरक्षार्थ नखटाउने भन्ने निर्णय नभएको बताउँदै उनले भने- 'नेपाली सेना र जनसेनाको भूमिका महत्वपूर्ण छ कसैकोपनि भावनामा चोट पुर्याउनुहुन्न भन्ने पक्षमा छौं ।'

सेनाबारे स्वस्थ चर्चा नभएको भन्दै नेता किरणले नेपालको राष्ट्रियताकालागि नेपाली सेना र जनसेना दुवैको उच्च योगदान रहेको बताए । प्रधानमन्त्री हुँदैमा प्रचण्डको जनमुक्ति सेनासंगको सम्बन्ध नटुटेको बताए । किरणले भने- 'नेकपा माओवादी ले दुवै सेनालाई उत्तिकै विश्वास गरेको छ ।' सेना समायोजन प्रकृया छिट्टै अघि बढ्ने उनको भनाई थियो ।

नेकपा एमाले स्थायी कमिटी सदस्य भरतमोहन अधिकारीले मन्त्रालय बाँडफाँडमा सहमति बनिसकेको बताए । उनको भनाई थियो- 'सहमति बनिसक्यो हस्ताक्षर गर्न मात्र बाँकी छ ।' भोलि मन्त्रिमण्डल बन्ने कुरा उनलेपनि दोहोर्याए । आफ्नो दलले आजै आफ्ना तर्फबाट सरकारमा जाने मन्त्रीहरुको नाम दिने जानकारीपनि अधिकारीले दिए ।

नेपाली कांग्रेसका केन्द्रीय सदस्य डा. प्रकाशशरण महतले माओवादीले राज्यका संरचनालाई पार्टीमुखी बनाउन खोजेको आरोप लगाउँदै एकतन्त्रका पक्षधर कम्युनिष्टको शैलीमा पार्टीले निर्णय गर्ने र त्यही लागू गर्ने परम्पराको थालनी प्रधानमन्त्रीको सुरक्षार्थ जनसेनाको परिचालनबाट शुरु गर्न खोजिएको बताए ।

मधेशी जनअधिकार फोरमका प्रवक्ता वीपी यादवले आफ्नो दलले पाउने चारवटा मन्त्रालयमध्ये उपप्रधानमन्त्री र परराष्ट्रमा उपेन्द्र यादव, सूचना तथा सन्‍चारमा जयप्रकाशप्रसाद गुप्ता, जलस्रोतमा विजयकुमार गच्छेदार जाने तय भएको बताए । बाँकी एक मन्त्रालय, दुईवटा राज्य र एक सहायकमन्त्रीको भोलिसम्म टुंगो लाग्ने जानकारी दिए ।

संविधान निर्माण मधेशको अधिकार सुनिश्चित गर्न आफूहरु सरकारमा सहभागी हुन लागेको उनको भनाई थियो । विदेशी शक्तिलाई चलखेल गर्न नदिन आफूहरु सशक्त रुपमा लाग्नेपनि बताए । हिन्दीलाई दोस्रो राष्ट्रिय भाषा बनाउन विदेशीले दबाब दिनु आवश्यक नभएको उनको भनाई थियो । उनले भने- 'हामी अधिकार प्राप्त गर्न सक्षम छौं विदेशीले दबाब दिइरहनुपर्दैन ।'

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»