www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

नेपालको नीतिबाट चीन खुशी

काठमाडौँ, September 22, 2008- चीनका लागि नेपाली राजदूत टंक कार्कीले नेपाली भूमिबाट चीनविरोधी गतिविधि गर्नेहरुमाथि नेपालले लिदै आएको नीतिबाट चीन खुशी भएको बताएका छन् ।

राजदूत कार्कीले नेपाली भूमि छिमेकी मुलुकविरुद्ध प्रयोग हुननदिने नीति कार्यान्वयन भएबाट चिनियाँ नेताहरुले सकारात्मक धारणा राख्दै आएको बताएका छन् ।

'चीनविरोधी गतिविधिविरुद्ध नेपालले चाल्दै आएको कडा कदमबाट चीन निकै खुशी छ' राजदूत कार्कीले भने- 'नेपाली भूमि आफूविरुद्ध प्रयोग नहुनेमा चीन विश्वस्त छ ।' नेपालको एक चीन नीतिनै राष्ट्रिय नीति भएबाट पनि चीनले नेपाललाई ठूलो विश्वास गरेको बताए । नेपाली भूमिबाट छिमेकीविरुद्ध गतिविधि संचालन गर्न खोज्नेहरु कुनै हालतमा सफल नहुने उनको भनाई थियो ।

राजदूत कार्कीले नेपाललाई चीनले खुलेर सहयोग गर्ने चाहना राखेको बताउँदै उनले भने- 'हामीले पहल गर्नुपर्छ, चीन सहयोगका लागि तत्पर छ ।' चीनले नेपालमा आर्थिक लगानीको इच्छा देखाएको उनको भनाई थियो । जलविद्युत्को विकासमा उल्लेख्य चिनिया लगानीको सम्भावना भएको र त्यसबारे कुरा अगाडि बढेको बताउँदै कार्कीले चीनले नेपालमा सहयोग गर्ने नगर्ने नेपालको नीतिमा भर पर्ने भन्दै उपयुक्त वातावरण निर्माण गर्नुपर्नेमा जोड दिएका छन् ।

चीनसँगको व्यापार घाटा कम गर्ने, बढीभन्दा बढी सीमा व्यापारका लागि नाका खोल्ने, चिनिया लगानीका लागि उपयुक्त वातावरण निर्माण गर्नुपर्ने आजको आवश्यकता रहेको बताएका कार्कीले नेपालले चीनको विकास र आर्थिक नीतिबाट धेरै कुरा सिक्नसक्ने बताउँदै भने- 'राजनीतिक व्यवस्थाबाट लगानीकर्ताहरु सशंकित हुनुपर्दैन भन्ने पाठ चीनले सिकाएको छ । आजको आवश्यकता भनेको लगानीका लागि उपयुक्त वातावरण बनाउनुपर्ने हो ।'

चीनजस्तो राजनीतिक र आर्थिक रुपमा उदयीमान शक्तिलाई छिमेकीका रुपमा पाउनु नेपालका लागि गर्वको विषय भएको बताउँदै चीनसँगको सम्बन्ध सुदृढ गर्न आफूले भूमिका खेल्नेपनि बताए । 'आर्थिक लगानीका सम्भावनाबारे पनि महत्वपूर्ण प्रस्ताव गरेको छ' उनले भने- 'ल्हासा हुँदै खासासम्म आइपुग्ने रेल विस्तार, विभिन्न नाका खोलेर सडक निर्माण, जलविद्युत्को विकासमा लगानी बढाउनपनि पहल गरिएको छ ।'

रक्षामन्त्री रामबहादुर थापा 'बादल' को आसन्न चीन भ्रमणमा राजनीतिक र आर्थिक विषयमा छलफल हुने बताउँदै उनले भने- 'अहिलेनै सबै कुरा नभनौं रक्षामन्त्रीको भ्रमणबाट नेपालको हितमा उल्लेख्य सफलता हासिल हुनेछ ।' नेपालले प्रस्ताव राखे चीन नेपालकालागि थप सहयोगका लागि प्रतिवद्ध भएको उनको भनाई छ ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»