www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

एमालेको तर्फबाट पूर्व उपप्रधानमन्त्री बामदेव गौतमले नेतृत्व गर्ने

Former Deputy Prime Minister Bamdev Gautam. Photo: Sitaram

काठमाडौं, August 21, 2008- आज एमाले र फोरमसहितको सरकार गठन हुने भनिएपनि सरकार गठन भोलिमात्र हुने सहमति भएको छ।

मन्त्री मण्डलमा को-को जाने भन्ने फोरमभित्रको विवादका कारण आज सरकार निर्माण हुन नसकेको जानकारी श्रोतहरुले दिएका छन् ।

विहीबार बेलुकीसम्म भएको सहमति अनुसार एमालेको भागमा गृह, स्थानीय विकास ,जलश्रोत, उद्योग तथा बाणिज्य, बन र युवा तथा खेलकूद मन्त्रालय परेका छन् । माओवादीले अर्थ र रक्षामात्र पाउने 'कन्फर्म' भएको छ । यद्यपी फोरमको भागमा शान्ति तथा पुनर्निर्माण, भौतिक योजना लगायतका मन्त्रालय परेको बताइएको छ । एमालेको तर्फबाट स्थायी समिति सदस्य बामदेव गौतमले सरकारको नेतृत्व गर्ने भएका छन् ।

फोरमले परराष्ट्र तथा सूचना र सन्‍चार मन्त्रालय पाउने बताइएको छ । तर सूचना तथा सन्‍चारमन्त्री सरकारको प्रबक्तापनि हुने भएकाले सूचना तथा सन्‍चार मन्त्रालयमा माओवादीले आशा जारी राखेकेा छ । यदि सूचना तथा सन्‍चार मन्त्रालय माओवादीले पाएमा कृष्णबहादुर महरा नै सूचना तथा सन्‍चारमन्त्री बन्नेछन् ।

फोरमले यो मन्त्रालय पाएमा कसले यो मन्त्रालयको जिम्मा सम्हाल्ने भन्ने विवाद रहेको बताइएको छ । फोरमभित्रको यो विवादकाकारणपनि माओवादीले यो मन्त्रालय अन्तमा आफ्नै भागमा पर्ने आशा गरेको हो । जानकारी अनुसार फोरम संसदीय दलका नेता बिजयकुमार गच्छेदार र अर्का नेता शरदिसंह भण्डारीबीच सन्‍चार मन्त्रालय कसले पाउने भन्ने विवाद रहेको श्रोतले बताएको छ । परराष्ट्र मन्त्रालयको जिम्मेवारी भने अध्यक्ष उपेन्द्र यादवले नै गर्ने सम्भावना अत्यधिक छ ।

प्रधानमन्त्री प्रचण्ड ओलम्पिक समापन समारोहमा भाग लिन भोलि बेइजिङ्गतर्फ लाग्दैछन् । त्यसैले प्रधानमन्त्री त्यसतर्फ जानुपूर्व नै मन्त्री मण्डल विस्तार गरिसक्नुपर्ने बाध्यता छ । प्रचण्डको अनुपस्थितिमा एमालेको तर्फबाट सरकारको नेतृत्व गरेका बामदेव गौतमले कावा प्रधानमन्त्रीको जिम्मेवारी सम्हाल्ने सम्भावना छ । गौतम यसअघि नै उपप्रधानमन्त्री भैसकेका कारण उनी नै प्रचण्डपछिका बरिष्ठतम् मन्त्री हुनेछन् । उनलाई उपप्रधानमन्त्रीको जिम्मेवारी दिइने सम्भावनापनि छ ।

हिजो एमालेसँगको छलफल पछि प्रधानमन्त्री पुष्पकमल दाहाल 'प्रचण्ड'ले भदौ ५ गते मन्त्री मण्डल विस्तार हुने र सपथ ग्रहण पनि आजै हुनै जानकारी दिएका थिए ।

एमाले महासचिव झलनाथ खनालले पनि आफूहरुसँगको वार्तामा प्रधानमन्त्रीले सबैलाई लचिलो हुने आग्रह गरेको उल्लेख गरेका थिए । महासचिव खनालले आफ्नो पार्टीले गृह, जलस्रोत र स्थानीय विकास मन्त्रालयको प्रश्ताव राखेको जानकारी दिए ।

यसअघि एमालेलाई स्थानीय विकास मन्त्रालय दिने पहिले नै सहमती भएको तर अहिले माओवादीले सो मन्त्रालय आफैले राख्ने भएपछि विवाद भएको बताईएको थियो ।

यसै गरी सूचना तथा सन्‍चार मन्त्रालयमा सहमती भईसके पनि फोरमले सूचना मन्त्रालयको साटो जलस्रोत मागे पछि मन्त्री मण्डल विस्तार हुन नसकेको थियो ।

मन्त्रालय समयमा गठन हुन नसक्नुमा उपप्रधानमन्त्रीमा फोरमको दाबी रहनुलाई पनि कारण मानिएको छ ।

-Sitaram Baral and Santa Bagam in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»