www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

राष्ट्रपतीय चुनावले हेरौं ककस्लाई टुटाउँछ, फुटाउँछ ?

काठमाडौं, July 22, 2008- प्रधानमन्त्री गिरिजाप्रसाद कोइराला र एमालेका निवर्तमान महासचिव माधव नेपाललाई राष्ट्रपति बन्न नदिने योजनामा माओवादीले सफलता हासिल गरे पनि राष्ट्रपतीय चुनाव नेकपा माओवादी कालागि निकै ठूलो धक्का सावित भएको छ ।

प्रधानमन्त्री कोइराला आफू राष्ट्रपति बन्ने र आफूले आफैलाई प्रधानमन्त्री पदबाट राजिनामा दिने योजनामा थिए । यसैगरी संविधान सभा चुनावमा मधेश र पहाडका दुई-दुई निर्वाचन क्षेत्रबाट पराजित एमालेका निवर्तमान महासचिव माधव नेपाल माओवादीको बैशाखी टेकेर राष्ट्रपति बनी आफ्‍नो गुमेको प्रतिष्ठा आर्जन गर्न खोज्दै थिए ।

प्रधानमन्त्री कोइरालालाई राष्ट्रपति बनाएर कांग्रेस सम्भावित प्रधानमन्त्री प्रचण्डलाई हर पाइलामा अवरोध गर्न चाहन्थ्यो भने माधव नेपाललाई राष्ट्रपति बनाएर महासचिव झलनाथ खनाल आगामी महाधिवेशनमापनि आफू महासचिवमा निर्वाचित हुन चाहन्थे । कोइराला र खनालका यी योजना असफल पार्न माओवादी सफल भएपनि आफ्नै राष्ट्रपति निर्वाचित गर्न भने माओवादीपनि असफल रह्यो ।

आ-आफ्नै योजनामा रहेका कांग्रेस र एमालेले अन्तिम समयसम्म कोइराला र नेपालको नामबाट पछि हट्न चाहेनन् । एमाले महासचिव खनालसमेत माधव नेपालको नामबाट पछि नहटेपछि माओवादीले गणतन्त्रबादी नेता रामराजाप्रसाद सिंहको उम्मेदवारी दिएको थियो । त्यसैले यादव राष्ट्रपति हुनुमा कांग्रेस र एमाले भन्दा पनि माओवादीकै भूमिका बढि देखिन्छ ।

किनभने उम्मेदवारी दर्ता अघिसम्म राष्ट्रपतिको रुपमा डा. यादवको नाम कुनै चर्चामा थिएन । माओवादीले मधेशी मूलका सिंहलाई अगाडि सारेपछिमात्र कांग्रेसलेपनि मधेशी मूलकै डा. यादवलाई अघि सारेको हो । यसैगरी एमालेलेपनि मधेशी मूलका दलित रामप्रित पासवानलाई अघि सार्यो । त्यसैले जो निर्वाचित भएपनि नेपालको पहिलो राष्ट्रपति मधेशी मूलको व्यक्ति बन्नुमा माओवादीको भूमिका बढि देखिएको छ ।

राष्ट्रपति निर्वाचनमा विजयी भएलगत्तै कांग्रेस राजनीतिमा डा. यादवको राजनीतिक उचाई व्हात्तै बढेको छ । पार्टी एकता अघिसम्म कांग्रेसको सहमहामन्त्रीमात्र रहेका डा. यादवलाई एकतापछि महामन्त्री बनाइएको थियो । उनीभन्दा जुनियर प्रजातान्त्रिक कांग्रेसतर्फका बिमलेन्द्र निधि महामन्त्री हुने भएपछि असन्तुष्ट बनेका यादवको असन्तुष्टि साम्य पार्न यादवलाई महामन्त्रीमा पदोन्नत गरिएको थियो ।

प्रधामन्त्री कोइरालाका अलवा कांग्रेसमा डा. यादवभन्दा सिनियर नेताहरुमा शेरबहादुर देउवा, सुशील कोइराला, रामचन्द्र पौडेल, गोपालमान श्रेष्ठ, कूलबहादुर गुरुङ्गलगायत छन् । प्रम कोइरालापछि कांग्रेसमा देउवा, सुशील र पौडेलबीच नेतृत्व खिचातानी हुने सम्भावना थियो । तर पहिलो राष्ट्रपति बनॆर बढ्ने उनको व्यक्तित्वले यादवलाई कांग्रेस राजनीतिको शीर्ष स्थानमा पुर्याउने सम्भावना बढेको छ ।

डा. यादवको बिजय कांग्रेसकालागि सुखद देखिएपनि देउवा, सुशील र पौडेललाई पछि पार्ने गरी डा. यादवको नेतृत्वमा कांग्रेसभित्रै यसरी नयाँ समीकरण बन्ने सम्भावना देखिएको छ भने एमाले र माओवादीभित्र राष्ट्रपतीय निर्वाचनले विभाजन ल्याउने संकेत देखा परेको छ ।

महासचिव भएको तीन महिना बित्दा नबित्दै माओवादीसँग मिल्दै-एकता तोड्दै गरेपछि एमाले महासचिव खनालको नेतृत्व क्षमता र सैद्धान्तिक अडानबारे प्रश्न चिन्ह उठ्न थालिसकेको छ ।

उता माओवादी उम्मेदवार रामराजाप्रसाद सिंहको हारले माओवादी पंक्तिभित्रपनि तीब्र निराशा पैदा गरेको छ । सुरुमा राष्ट्रपति एमालेलाई दिने भनेर गरिएको सहमति तोड्दै सिंहलाई राष्ट्रपति बनाइएको घटनाले माओवादी पंक्तिभित्रपनि असन्तुष्टि छ ।

खासगरी बरिष्ठ नेता डा. बाबुराम भट्टराईको जोडबलले गर्दा एमालेसँगको समीकरण भंग गरेको आरोप डा. भट्टराईमाथि छ । त्यसैले माओवादीभित्र डा. भट्टराईविरोधी समूह अरु सकृय हुन सक्छ ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»