www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

अब सल्लाहकार नियुक्तिको पालो
माओवादीलाई सेनाको सुराक दिने पूर्व रक्षा सचिव सल्लाहकारमा ?

काठमाडौं, August 27, 2008- माओवादी नेतृत्वमा सरकार गठन भएपछि बरिष्ठ मन्त्रीहरुले आफ्ना सल्लाहकारहरु राख्ने तैयारी गर्न थालेका छन् । सल्लाहकारहरुलाई सरकारले मन्त्री र राज्यमन्त्री सरहको हैसियत र सुविधा दिने गरेको छ । मन्त्रालयहरुको नीति निर्माणमा सल्लाहकारहरुको महत्वपूर्ण भूमिका हुने गर्छ ।

प्रधानमन्त्री पुष्पकमल दाहाल 'प्रचण्ड' को प्रेस सल्लाहकारमा माओवादी केन्द्रीय सदस्य तथा विदेश विभाग सदस्य राम कार्की (पार्थ क्षेत्री) आउने भएका छन् । यसैगरी प्रधानमन्त्रीको रक्षा सल्लाहकारमा बिष्णुदत्त उप्रेतीलाई ल्याइने भएको छ ।

प्रेस सल्लाहकारमा ल्‍याइन लागेका कार्की संविधान सभा निर्वाचनमा पराजित माओवादीका एकमात्र केन्द्रीय सदस्य हुन् । गृह जिल्ला सप्तरी भएपनि ताप्लेजुङ्ग- १ बाट प्रतिस्पर्धा गरेका कार्की संविधान सभा निर्वाचनमा करिव ३ सय मतलेमात्र पराजित भएका थिए ।

रक्षा सल्लाहकार बनाइन लागेका उप्रती भने रक्षा मन्त्रालयका पूर्व सचिव हुन् । माओवादी विरुद्ध सेना परिचालन भएका बेला उनी नेपाली सेनाको परिचालन गर्ने रक्षा मन्त्रालयका सचिव थिए । रक्षा सचिव भएर सेनाको विषयमा राम्रो जानकारी हासिल गरेकाले उनलाई ल्याइन लागिएको बताइएको छ ।

उप्रेती माओवादी अध्यक्ष प्रचण्ड २०२७ सालतिर पाटन संयुक्त क्‍याम्पसमा पढ्दा प्रचण्डका 'रुम पार्टनर' समेत थिए । माओवादीविरुद्ध सेना परिचालन भएकाबेला रक्षा सचिव रहेका व्यक्तिलाई प्रधानमन्त्रीको रक्षा सल्लाहकार बनाइन लागेपछि माओवादी जनयुद्धलाई कस्ता कस्ता व्यक्तिले सहयोग गरेका रहेछन् भन्ने चर्चा हुन थालेको छ ।

माओवादीविरुद्ध सेना परिचालन भएपनि सेनाका अधिकांस सूचना

माओवादीकहाँ पुग्ने गरेका थिए । त्यसैले सेनाले माओवादीविरुद्ध गरेका अधिकांस अपरेशनहरु असफलसमेत हुने गरेको थियो । माओवादीले भने सेनाभित्रको यथार्थ सूचना प्राप्तगरी आक्रमण गरेर सेनालाई अधिकांस लडाईंमा पराजित गरेका थिए ।

रक्षा सचिव भैसकेका उप्रेतीमात्र होइन नेपाली सेनाका बरिष्ठ जनरलहरुसमेत माओवादीमा प्रवेश गरिसकेका छन् । सेनाको मेजर जनरल भइसकेका कुमार फुदुङ्ग माओवादीको तर्फबाट सुनसरी- २ मा संविधान सभा निर्वाचनमा प्रत्यासी बनेका थिए । उनलाई माओवादीले अन्तरिम व्यवस्थापिका- संसदको सदस्यपनि बनाएको थियो ।

नेपाली सेनाको सैनिक शिक्षालयका प्राध्यापक रहेका सैन्यविद् डा. इन्द्रजीत राईपनि माओवादीमा प्रवेश गरी संविधान सभा सदस्य बनिसकेका छन् । यसैगरी राजाका पूर्व सैनिक सचिव विवेक शाहपनि माओवादीको नजिक देखिएका छन् । रक्षा मन्त्री रामबहादुर थापा 'बादल' ले पूर्व जनरल फुदोङ्ग वा शाहमध्ये एकलाई रक्षा सल्लाहकार बनाउने अनुमान गरिएको छ ।

परराष्ट्रमन्त्री उपेन्द्र यादवलेपनि आफ्नो सल्लाहकार नियुक्त गरेका छन् । उनले कतारकालागि पूर्व राजदूत श्यामानन्द सुमनलाई आफ्नो सल्लाहकार बनाएका छन् । उनी परराष्ट्र मन्त्रालयका पूर्व सहसचिव हुन् । सुमनले मधेशी जनअधिकार फोरमका विदेश विभाग प्रमुखको जिम्मेवारीपनि सम्हालेका छन् ।

सूचना तथा सन्‍चारमन्त्री कृष्णबहादुर महराको सल्लाहकारमा भने महेश्वर दाहाल हुने पक्कापक्कीजस्तै छ । दाहालले यसअघिपनि महराको सल्लाहकारको जिम्मेवारी सम्हालेका थिए । माओवादीको केन्द्रीय समिति सदस्यसमेत भैसकेका दाहालले माओवादी मुखपत्र जनादेश साप्ताहिकको सम्पादकको जिम्मेवारीसमेत लिइसकेका छन् । उनीहरु सबैको नियुक्तिलाई मन्त्री परिषद्ले स्वीकृत गर्नुपर्छ ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»