Home | About Us | Send Us News | Photo Gallery | Contact Us | Sitemap Archive | Download | Blog | Forum | Guest Book | Feedback | Links	Enter your search terms Submit search form   Web www.usnepalonline.com
	Local:    Kathmandu:
	News from your web home at the capital of the world-New York City विश्वको राजधानी शहर न्युयोर्कबाट नेपाली खबरहरु
यस भित्रका खुराकहरु: संपादकीय Editorial साताको कुराकानी Interview साताको दोहोरी भाका साताको अनुहार साप्‍ताहिक झटारो हाम्रो बोली Feature Story / News स्था‍नीय खबरहरु Local News नेपालका खबरहरु News from Nepal अन्‍रांष्‍ट्रीय खबरहरु International News साताको अनुहार Faces of the Week Upcoming Events in USA न्‍यूयोर्कमा आगामी कायंक्रमहरु Upcoming Events in NYC न्‍यूयोर्क शहरमा एक साँझ An Evening Out in New York न्‍यूयोर्कका नेपाली संघ-संस्‍थाहरु Nepalese Orgs in NYC न्‍यूयोर्कमा नेपाली ब्‍‍यावसायहरु Nepalese Business in NYC अमेरिकामा नेपाली संस्‍थाहरु Nepalese Orgs in USA अमेरिकामा नेपाली ब्‍‍यावसायहरु Nepalese Business in USA समकालिन साहित्य-रचना Contemporary Writings कविता Poetry मनोरन्जन Entertainment दोहोरी लोक भाकाहरु सुनौं Nepalese Folk Music & Dance बगिंकृत विज्ञापन Classified पाठक प्रतिकृया Readers' Comments पुराना कुराहरु News Archive Audio Archive Video Archive यो वेबसाइट पढ्‍न युनिकोड र प्रीती फन्‍ट Font चाहिन्‍छ: लेख-रचना र खबर पठाउँदा यि  दुइटा फन्‍टमा टाइप गरी पठाउनुहोला नेपाली युनिकोड फन्‍ट डाउनलोड Nepali Unicode Font Download प्रीती Preeti font Download बिबिध Miscellaneous नेपालका आदिवासी-जनजातिहरु Indigenous People of Nepal प्रवासी नेपाली संस्थाह्‍रू Nepali Diaspora Orgs Nepali News Media नेपाली पत्रपत्रिकाहरू दैनिक Daily साप्‍ताहिक Weekly Monthly & Other Media Nepali Online Portals Nepali Radio / F.M. / TV नेपाली अन‍लाइन्‌ पोटंल	News from Nepal: नेपाली खबरहरु
	बिशेष रिपोर्ट: पार्टी चिरफार-१ कुन दलका नेता को? ७४ दलहरुको नालीबेली संबिधानसभा निर्वाचन बिशेष काठमाडौं ब्युरोबाट काठमाडौं, March 12, 2008-निर्वाचन आयोगमा जम्मा ७४ वटा पार्टी दर्ता भएका छन् । सत्तारुढ सात दलीय गठबन्धनका अलवा अन्य साना साना दलहरुलेसमेत निर्वाचन प्रयोजनकालागि दल दर्ता गराएका छन् । निर्वाचन आयोगका अनुसार निर्वाचन प्रयोजनका लागि ७४ दलहरु दर्ता भएकोमा आगामी चैत्र २८ गते हुने निर्वाचनमा ५५ वटा दलहरुलेमात्र भाग लिने भएका छन् । १९ वटा दलले भने चुनावमा भाग नलिने भएका छन् । सात दलीय गठबन्धनभित्रका दलहरु दर्ता भएका दलमध्ये नेपाली कांग्रेस सत्तारुढ गठबन्धनको प्रमुख दल हो । यसको सभापति प्रधानमन्त्री गिरिजाप्रसाद कोइराला रहेपनि उनले पार्टीको कार्यबाहक सभापतिको जिम्मेवारी सशील कोइरालालाई दिएका छन् । यो पार्टीका अन्य शीर्ष नेताहरुमा शेरबहादर देउवा र रामचन्द्र पौडेल रहेका छन् । यसको केन्द्रीय कार्यालय सानेपा बीपीनगरमा छ । चुनावकालागि यो दलले 'रुख' चुनाव चिन्ह पाएको छ । नेपाली कांग्रेसले २५ महिला, २ सय १५ पुरुषसहित २ सय ४० वटै सिटमा उम्मेदवारी दिएको छ । अर्को ठुलो दल नेकपा एमाले को महासचिव माधवकुमार नेपाल छन् भने शीर्ष नेताहरुमा झलनाथ खनाल, बामदेव गौतम, केपी ओली लगायत छन् । बल्खुस्थित मदननगरमा केन्द्रीय कार्यालय रहेको नेकपा एमाले को चुनाव चिन्ह 'सूर्य' हो । २६ महिला र २ सय १४ पुरुष गरी २४० जनाले यो दलको तर्फबाट प्रत्यक्ष निर्वाचनमा उम्मेदवारी दिएका छन् । अर्को ठुलो दल नेकपा माओवादी हो । १० वर्षसम्म सशस्त्र संघर्ष गरी आएको यो पार्टीको शीर्ष नेताको रुपमा अध्यक्ष 'प्रचण्ड' पुष्पकमल दाहाल छन् । अन्य शीर्ष नेताहरुमा मोहन बैद्य किरण, डा. बाबुराम भटराई लगायत छन् । २०४८ को संसदीय निर्वाचन र ०४९ को स्थानीय निर्वाचनपछि पहिलोपटक चुनावमा भाग लिएको यो पार्टीको केन्द्रीय कार्यालय काठमाडौंको बुद्धनगरमा छ भने यो पार्टीले 'गोलाकारभित्र हँसिया हथौडा' चुनाव चिन्ह पाएको छ । सबैभन्दा धेरै महिला उम्मेदवार दिने दल नेकपा माओवादी हो । यो पार्टीबाट ४२ महिला, १ सय ९८ पुरुषसहित २ सय ४० वटै निर्वाचन क्षेत्रमा उम्मेदवारी परेको छ । अमिक शेरचन अध्यक्ष रहेको जनमोर्चा नेपालको केन्द्रीय कार्यालय काठमाडौं कै कोटेश्वरमा रहेको छ । यो पार्टीका शीर्ष नेताहरुमा लीलामणि पोखरल, स्वास्थ्यमन्त्री गिरिराजमणि पोखरेल लगायत छन् । यो नेकपा एकता केन्द्र-मसाल नामक अर्धभूमिगत पार्टीको चुनावी मोर्चा हो । पार्टीको महासचिव भने नारायणकाजी श्रेष्ठ प्रकाश छन् । यो पार्टीको चुनाव चिन्ह 'तारा' हो । २९ महिला, १ सय ८५ पुरुषसहित यो पार्टीबाट देशभरिका निर्वाचन क्षेत्रमा २ सय १४ जना उम्मेदवार छन् । सात दलीय गठबन्धनमा नेपाल मजदुर किसान पार्टीपनि सामेल छ । तर यो पार्टीले बाहिरबाटै सरकारलाई सहयोग गरेको छ । यो पार्टीका अध्यक्ष नारायणमान बिजुक्छे रोहित हुन् । खासगरी भक्तपुर र कर्णालीका केही जिल्लामा प्रभाव रहेको यो पार्टीमा प्रेम सुवाल, सुनिल प्रजापतिलगायतका नेता छन् । यो पार्टीको चुनाव चिन्ह 'मादल' हो । ९८ सिटमा उम्मेदवारी दिएको यो दलबाट २७ महिला, र ७१ जना पुरुष उम्मेदवार छन् । नेपाल सद्भावना पार्टी (आनन्दीदेवी) सात दलीय गठबन्धनको एक घटक हो । यो पार्टीको तर्फबाट श्यामसुन्दर गुप्ता मन्त्री छन् । तर पार्टीका तर्फबाट यसअघि मन्त्री रहेका राजेन्द्र महतो समूह विभाजित भै नेपाल सद्भावना पार्टी गठन गरिसकेको छ । पार्टी अध्यक्ष आनन्दीदेवी िसंहको नाममा पार्टी नाम राखिएपनि अहिले यो पार्टी सम्बन्धी विवाद निर्वाचन आयोगमा छ । १२ महिला, ९३ पुरुष उम्मेदवारसहित यो पार्टीले १ सय ५ निर्वाचन क्षेत्रमा उम्मेदवारी दिएको छ । अध्यक्ष िसंहले मन्त्री गुप्तालाई पार्टीको साधारण सदस्यबाट निस्कासन गरिसकेकी छिन् । तर मन्त्री गुप्ताले आफूले आफैलाई बरिष्ठ उपाध्यक्ष घोषणा गरेका छन् । अध्यक्ष िसंह अशक्त भएकाले पार्टी विधानमा बरिष्ठ उपाध्यक्षलाई सबै अधिकार प्रत्यायोजन गरिएको छ । यसै भएकाले मन्त्री गुप्ताले आफूलाई बरिष्ठ उपाध्यक्षको रुपमा घोषणा गरेका हुन् । यो पार्टीको चुनाव चिन्ह पाँच औंला भएको 'हात' हो । पार्टीको केन्द्रीय कार्यालय बानेश्वरमा राखिएको छ । सात दलीय गठबन्धनमा सीपी मैनालीको नेतृत्वमा रहेको नेकपा माले, नेकपा मालेमा र नेकपा संयुक्त माक्स्वादी मिली बनेको बाम मोर्चापनि सामेल छ । तर बाममोर्चाका घटक दलबीचको विवादका कारण फूट आई सबै पार्टी आपसमा अलग्गिएका छन् । मैनालीले भने आफू बाममोर्चाको अध्यक्ष कायम रहेको बताएका छन् । सरकारमा बाममोर्चाको तर्फबाट मालेका नेता जगतबहादुर बोगटी सामेल छन् । बाममोर्चाले चुनावमा भाग लिएको छैन । नेकपा माले ले भने लिएको छ । केन्द्रीय कार्यालय काठमाडौंको ज्ञानेश्वरमा रहेको यो पार्टीको चुनाव चिन्ह 'हँसिया र तारा' हो । यो पार्टीले १२ महिला, १०८ पुरुष गरी कूल १ सय २० निर्वाचन क्षेत्रमा उम्मेदवारी दर्ता गराएको छ । संसदभित्रका दलहरु सात दलीय गठबन्धनमा सामेल नभएपनि अन्तरिम ब्यवस्थापिका- संसदमा आफ्ना सांसदहरु रहेका पार्टीहरुपनि छन् । यसमध्ये एक प्रमुख दल हो- राष्ट्रिय जनमोर्चा । यो सात दलीय गठबन्धनको एक घटक जनमोर्चा नेपालबाट फुटी बनेको हो । चित्रबहादुर केसी अध्यक्ष रहेको यो पार्टी नेकपा मसाल को चुनावी मोर्चापनि हो । यसको केन्द्रीय कार्यालय काठमाडौंको त्रिपुरेश्वरमा छ भने यसले चुनाव चिन्ह 'गिलाँस' पाएको छ । यसको प्रभाव क्षेत्र प्यूठान र बाग्लुङ्ग हो । अन्तरिम ब्यवस्थापिकामा यो पार्टीका तीन सांसद छन् । १४ महिला र सय १११ पुरुष गरी देशभरिबाट १ सय २५ जनाको उम्मेदवारी यो दलले दिएको छ । अर्को पार्टी हो नेकपा एकिकृत । यो पार्टीको महासचिवमा रामिसंह श्रीषमगर छन् । लामो समय मोहनविक्रम िसंहले नेतृत्व गरेको नेकपा मसाल को नेतृत्व तहमा रही काम गरेका श्रीषसहित यो पार्टीमा सीताराम तामाङ्ग, ऋषि कट्टेल, टंक राई लगायतका नेताहरु रहेका छन् । पार्टीको केन्द्रीय कार्यालय धोवीधारा काठमाडौंमा छ भने यो पार्टीको सीमित प्रभाव बाग्लुङ्ग, प्युठान, खोटाङ्ग लगायतका जिल्लामा छ । यो पार्टीले निर्वाचन आयोगबाट पाएको चुनाव चिन्ह 'दियो' हो भने अन्तरिम व्यवस्थापिका संसदमा यो पार्टीका २ जना सांसद छन् । संविधान सभा निर्वाचनमा यो पार्टीबाट १० महिला र १ सय ३२ पुरुष सहित १ सय ४२ जनाले उम्मेदवारी दिएका छन् । पञ्‍चायती व्यवस्थाको अन्त्यपछि सूर्यबहादुर थापा, लोकेन्द्रबहादुर चन्द लगायतका पाँच नेताहरुले गठन गरेको राष्ट्रिय प्रजातन्त्र पार्टीको अध्यक्ष हाल पशुपति शमशेर राणा छन् । यो पार्टीमा चन्द जोगमेहर श्रेष्ठ, बालाराम घर्तिमगर, दीपक बोहोरा लगायतका नेता छन् । यो पार्टीको चुनाव चिन्ह 'हलो' हो भने यसको पार्टी कार्यालय काठमाडौं चावहिलमा छ । २५ महिला र २१२ पुरुष सहित देशभरि यो पार्टीका कूल २ सय ३७ उम्मेदवार छन् । राप्रपाका संस्थापक अध्यक्ष थापाले भने हाल जनशक्ति पार्टीको नेतृत्व सम्हालेका छन् । शाही शासनका बेला राप्रपा विभाजित भएपछि थापाले डा. प्रकाशचन्द्र लोहनी, नवराज सुवेदी लगायतका नेताहरुलाई साथमा लिएर यो पार्टीको गठन गरेका हुन् । केन्द्रीय कार्यालय काठमाडौं कमलपोखरीमा रहेको यो पार्टीले चुनाव चिन्ह 'छाता' पाएको छ । यस पार्टीबाट १४ महिला र १ सय ८७ पुरुषसहित २ सय १ जना उम्मेदवार छन् । सद्भावना आनन्दीदेवीबाट विभाजित भै बनेको नेपाल सद्भावना पार्टीका अध्यक्षमा राजेन्द्र महतो छन् । यो पार्टीमा अनिल झा, लक्ष्मणलाल कर्ण लगायत नेतृत्वमा छन् । चुनाव चिन्ह 'तीर' पाएको यो पार्टीको केन्द्रीय कार्यालय बानेश्वरमा रहेको छ । ५ महिला र ८८ पुरुष सहित यो पार्टीले ९३ स्थानमा उम्मेदवारी दिएको छ । निर्वाचन आयोगमा दर्ता भएको अर्को पार्टी हो नेकपा संयुक्त । चन्द्रदेव जोशी अध्यक्ष रहेको यो पार्टीको केन्द्रीय कार्यालय काठमाडौंको डिल्लीबजारमा छ । यसअघि बाम मोर्चाको एक घटक रहेको यो पार्टीबाट अन्तरिम व्यवस्थापिका संसदमा गणेश शाहले प्रतिनिधित्व गरेका छन् । यो पार्टीले चुनाव चिन्ह 'हसिया' पाएको छ । पुराना कम्युनिष्ट नेता विष्णुबहादुर मानन्धर यही पार्टीमा छन् । यो पार्टीबाट ६ महिला र ५० पुरुष गरी ५६ जना उम्मेदवार छन् । मधेशवादी दलहरु तराई मधेश लोकतान्त्रिक पार्टी बर्तमान अन्तरिम सरकारमा मन्त्री रहेका कांग्रेसका बरिष्ठ नेता महन्थ ठाकुरको नेतृत्वमा गठन भएको हो । यो पार्टीमा एमालेका केन्द्रीय सदस्य महेन्द्र राय यादव, राप्रपाका केन्द्रीय सदस्य रामचन्द्र राय, राष्ट्रिय जनशक्ति पार्टीका प्रबक्ता सर्वेन्द्रनाथ शुक्ला, नेसपा आनन्दीदेवी का महामन्त्री ह्दयेश त्रिपाठी लगायतका नेता सामेल भैसकेका छन् । यो पार्टीले चुनाव चिन्ह 'हलगोरु' पाएको छ भने यसको केन्द्रीय कार्यालय काठमाडौंको अनामनगरमा छ । यो पार्टीबाट ४ महिला र ९२ पुरुष गरी ९६ जनाले उम्मेदवारी पाएका छन् । अर्को मधेशवादी दल हो मधेश जनअधिकार फोरम । उपेन्द्र यादव अध्यक्ष रहेको यो पार्टीमा पछिल्लो समयमा विजय गच्छेदार, शरदिसंह भण्डारी लगायतका कांग्रेसका नेताहरु सामेल भएका छन् । कांग्रेसबाटै फोरममा प्रवेश गरेका जयप्रकाश गुप्ता यो पार्टीको सहसंयोजक रहेका छन् । २०५४ मै गठन भएपनि गत सालको मधेश आन्दोलनपछि यो दलले व्यापकता पाएको हो । यो पार्टीले चुनाव चिन्हको रुपमा 'बलिरहेको मशाल' पाएको छ । यसका उम्मेदवार ३ महिला र १०२ पुरुष गरी १ सय ५ जना छन् । यी दुवै दल लगायत राजेन्द्र महतोले नेतृत्व गरेको नेपाल सद्भावना पार्टी मिलेर संयुक्त मधेश लोकतान्त्रिक मोर्चाको गठन भएको थियो । मोर्चा र सरकारबीच गत १६ फागुन गते सम्झौता भएपछि तीनै दलहरु छुट्टाछुट्टै रुपमा चुनावमा गएका छन् । अन्य दलहरु गणतन्त्रवादी नेता रामराजाप्रसाद िसंहले नेतृत्व गरेको नवजनवादी मोर्चाले पनि चुनावमा भाग लिएको छ । तराई, पहाड, हिमाली क्षेत्र र विभिन्न जातीय मोर्चाहरु मिली बनेको यो पार्टीले निर्वाचन प्रयोजनकालागि 'बालक' चुनाव चिन्ह पाएको छ । यो पार्टीको केन्द्रीय कार्यालय भीमसेनगोला काठमाडौंमा छ । १ महिला र १८ पुरुष गरी यो दलबाट १८ जनाको उम्मेदवारी परेको छ । राप्रपाबाट शाही शासनकालमै विभाजन भै बनेको राप्रपा नेपालको अध्यक्ष हाल कमल थापा छन् । संस्थापक अध्यक्ष कमल थापा नै भएपनि केही समय यो पार्टीको नेतृत्व रवीन्द्रनाथ शर्माले गरेका थिए । तर गत हप्ता पार्टी नेतृत्व पुन थापाले नै सम्हालेका छन् । पार्टीमा राजेश्वर देवकोटा लगायतका नेता छन् । पार्टीले चुनाव चिन्ह 'गाई' पाएको छ भने यसको केन्द्रीय कार्यालय चुनदेवी काठमाडौंमा छ । यो पार्टीबाट ९ महिला र १ सय ९८ पुरुष गरी २ सय ७ जनाले उम्मेदवारी दिएका छन् । चुनावमा भाग लिने अन्य पार्टीहरुमध्ये मालबरिसंह एमएस थापा मगरले नेतृत्व गरेको राष्ट्रिय जनमुक्ति पार्टीले चुनाव चिन्ह 'घर' पाएको छ । यो पार्टीको केन्द्रीय कार्यालय ललितपुर महालक्ष्मी स्थानमा रहेको छ । ८ महिला र ७६ पुरुषसहित यो पार्टीका ८४ जना उम्मेदवार छन् । उता यो पार्टीका पूर्व महासचिब गोरेबहादुर खपाङ्गीले प्रजातान्त्रिक जनमुक्ति पार्टी को स्थापना गरिसकेका छन् । खपाङ्गीको पार्टीको चुनाव चिन्ह 'काइँयो' हो। यो दलले चुनावमा भाग लिएको छैन। एकै घरका बाबु-छोराले पनि फरक फरक खालका पार्टी खोलेका छन् । यसरी फरक-फरक पार्टी खोल्ने बाबु-छोरा हुन्- शलिममिया अन्सारी र युनुश अन्सारी । एमालेको पहिलो नौ महिने सरकारमा मन्त्री समेत भएका शलिमले आफू अध्यक्ष भै समाजवादी पार्टी नेपालको स्थापना गरी चुनाव चिन्ह 'साइकल' पाएका छन् । यो पार्टीबाट ५ जना पुरुषको उम्मेदवारी परेको छ । उता छोरा युनुशले खोलेको राष्ट्रिय जनता दलको स्थापना गरी 'भलिबल' चुनाव चिन्ह पाएका छन् । यसमध्ये बाबु शलिमको पार्टी कार्यालय लगनखेलमा छ भने छोरा युनुशको पार्टी कार्यालय तीनकुने काठमाडौंमा छ । बाबु शलिम शाही शासनकालमा मन्त्रीपनि भएका थिए । छोरा युनुशको पार्टीबाट १५ पुरुषको उम्मेदवारी परेको छ । बाबु-छोरा दुवैजना बारा- ३ बाट प्रतिस्पर्धा गरिरहेका छन् । जापानी नेपालीको पनि पार्टी नेपालको पर्यटन व्यवसायसँग जोडिएका एक जापानीले पनि राजनीतिक दलको गठन गरेका छन् । सोलुमा होटलमार्फत् नेपालको पर्यटन व्यवसायमा उल्लेख्य योगदान दिएका जापानका ताकिसी मियाहाराले खोलेको पार्टीको नाम राष्ट्रिय विकास पार्टी हो । उनले नेपाली नागरिकता पाइसकेका छन् । यो पार्टीले चुनाव चिन्ह 'रेडियो' पाएको छ भने यसको केन्द्रीय कार्यालय ललितपुरको कुपण्डोलमा छ । यो पार्टीका १२ जना पुरुष प्रतिस्पर्धी छन् । नेमकिपा हुँदै पञ्‍चायतकालमै एमाले प्रवेश गरेका एमालेको केन्द्रीय सदस्य साथै मन्त्री समेत भएका कालिकोटका प्रेमबहादुर िसंहले शाही शासनकालमा पार्टी परित्याग गरेका थिए । उनको पार्टीको नाम समाजवादी प्रजातान्त्रिक जनता पार्टी नेपाल हो । यो पार्टीलाई निर्वाचन आयोगले 'चन्द्रमा' चुनाव चिन्ह दिएको छ । ८ महिला र ४४ पुरुष गरी ५४ जना यस पार्टीबाट उम्मेदवार बनेका छन् । शाहीकालीन मन्त्री स्व. नारायणिसंह पुनमगरले स्थापना गरेको नेपाल समता पार्टीको नेतृत्व हाल पाशाङ्ग गोपर्माले गरेका छन् । यो पार्टीको केन्द्रीय कार्यालय काठमाडौंको सामाखुसीमा छ । यो पार्टीले 'माछा' चुनाव चिन्ह पाएको छ । यो पार्टीबाट २ महिला र १३ पुरुष गरी १५ उम्मेदवार छन् । नेकपा संयुक्त बाट विभाजन भै बनेको नेकपा संयुक्त माक्स्रवादी पार्टीको नेतृत्व हेमन्तबहादुर बिसीले संहालेका छन् । महादेवस्थान मार्ग काठमाडौंमा केन्द्रीय कार्यालय रहेको यो पार्टीले चुनाव चिन्ह 'त्रिशुल' पाएको छ । पुराना कम्युनिष्ट नेता प्रभुनारायण चौधरी यही पार्टीमा छन् । ५ महिला र ४३ पुरुष गरी यो पार्टीबाट उम्मेदवार बन्नेको संख्या ४८ छ । निर्वाचन आयोगमा दर्ता भएको अर्को कम्युनिष्ट पार्टी हो- नेकपा माक्स्रवादी । यो पार्टीको नेतृत्व दुर्गाप्रसाद ज्ञवालीले गरेका छन् भने यसको केन्द्रीय कार्यालय डिल्लीबजारमा रहेको बताइएको छ । यसले पाएको चुनाव चिन्ह 'कोदालो' हो । यसले १ महिला र ६ पुरुष गरी ७ जनालाई चुनावी मैदानमा उतारेको छ । विश्वेन्द्रमान पासवान अध्यक्ष रहेको दलित जनजाति पार्टीले 'कप' चुनाव चिन्ह पाएको छ । यसको केन्द्रीय कार्यालय पुतलीसडकमा छ भने यो पार्टीबाट १ महिला र ५० पुरुष गरी ५१ जनाले उम्मेदवारी दिएका छन् । विष्णु प्रसाई अध्यक्ष रहेको तथा काठमाडौंको अनामनगरमा कार्यालय रहेको हिन्दू प्रजातान्त्रिक पार्टीले चुनाव चिन्ह 'गेरुबस्त्रधारी मानिस' लगाएको छ भने यो पार्टीबाट जम्मा ५ पुरुषले निर्वाचनमा उम्मेदवारी दिएका छन् । खुसीलाल यादव अध्यक्ष रहेको नेपाल राष्ट्रिय जनकल्याण पार्टीले 'दुई आँखा' चुनाव चिन्ह पाएको छ । यो पार्टीको केन्द्रीय कार्यालय गौरीघाट काठमाडौंमा छ भने यो पार्टीबाट जम्मा ३ पुरुषलेमात्र उम्मेदवारी दिएका छन् । शाहीकालीन मन्त्री डा. असर्फी शाह अध्यक्ष रहेको राष्ट्रिय विकास पार्टीले 'हात्ती' चुनाव चिन्ह पाएको छ भने यो पार्टीबाट २२ पुरुषले उम्मेदवारी दिएका छन् । यो पार्टीको केन्द्रीय कार्यालय भक्तिथापा मार्ग बानेश्वरमा रहेको बताइएको छ । मुस्कान सेना पार्टीले चुनाव चिन्ह 'मान्छे' पाएको छ । यो पार्टीको अध्यक्ष सिन्धुपाल्चोकका मुस्कान पौडेल हुन् । उनी युवराज पारश नजिक मानिन्छन् । यो पार्टीले २ महिला र ३१ पुरुष गरी ३३ जनालाई उम्मेदवार बनाएको छ । यसको केन्द्रीय कार्यालय महाराजगाज काठमाडौंमा छ । लिग नेपाल शान्ति एकता पार्टीले जम्मा १० जना पुरुषलाई उम्मेदवार बनाएको छ । यसको केन्द्रीय कार्यालय चावहिलमा छ भने अध्यक्ष घनेन्द्रबहादुर बस्नेत छन् । यो पार्टीलाई निर्वाचन आयोगले 'घोडा' चुनाव चिन्ह दिएको छ । पोखरा- ३ नदीपुरमा केन्द्रीय कार्यालय रहेको भनिएको नेपाल जनभावना पार्टीको सभापति सूर्यबहादुर खड्का 'बिखर्ची' हुन् । यो पार्टीले 'बलिरहेको पाला' चुनाव चिन्ह पाएको छ भने यो पार्टीबाट जम्मा २ जना पुरुषले उम्मेदवारी दिएका छन् । पटक पटक ठगी अभियोगमा पक्राउ परेकी र आफूलाई महाकवि लक्ष्मीप्रसाद देवकोटाको नातिनी बताउने शुष्मा शर्मा बडालले पनि पार्टी खोलेकी छन् । उनको पार्टीको नाम शान्ति क्षेत्र परिषद् हो । केन्द्रीय कार्यालय कालिकामार्ग डिल्लीबजारमा रहेको यो पार्टीले चुनाव चिन्ह 'बजिरहेको ताली' पाएको छ भने यो पार्टीबाट १ महिला र २ पुरुष गरी ३ जना उम्मेदवार बनेका छन् । श्यामकुमार थापा अध्यक्ष रहेको राष्ट्रवादी युवा मोर्चाले 'चश्मा' चुनाव चिन्ह पाएको छ । यो पार्टीबाट ५ पुरुषले उम्मेदवारी दिएका छन् । यसको कार्यालय काठमाडौंको माइतिघरमा छ । 'चितुवा' चुनाव चिन्ह पाएको लिवरल समाजवादी पार्टीको केन्द्रीय कार्यालय कीर्तिपुरमा रहेको बताइएको छ भने यो पार्टीका अध्यक्ष छन् बाबुराम ढकाल शास्त्री । यो पार्टीले जम्मा ३ जना पुरुषलाई उम्मेदवार बनाएको छ । नेपाली जनता दलले 'चक्का' चुनाव चिन्ह पाएको छ । यो पार्टीको का.वा. अध्यक्ष हरिचरश शाह रहेको बताइएको छ । यो पार्टीले १० महिला र ३३ पुरुष गरी ४३ स्थानमा उम्मेदवारी दिएको छ । अमर केसी अध्यक्ष रहेको नेपाल राष्ट्रिय लोकतान्त्रिक दलको केन्द्रीय कार्यालय कामनपा- १६, श्रीरत्न मार्गमा रहेको छ । यो पार्टीबाट १ महिला र १ पुरुष गरी २ जनालेमात्र उम्मेदवारी दिएका छन् । यो पार्टीले पाएको चुनाव चिन्ह 'टोपी' हो । राष्ट्रवादी एकता पार्टीले जम्मा २ महिलालाई उम्मेदवार बनाएको छ भने यो पार्टीको अध्यक्षपनि महिला नै छिन् । उमा श्रेष्ठ 'हिमा' ले नेतृत्व गरेको यो पार्टीको केन्द्रीय कार्यालय काठमाडौंको कालोपुलमा रहेको छ । अटलमान राई अध्यक्ष रहेको जनमुक्ति पार्टी नेपालले 'भर्याङ्ग' चुनाव चिन्ह पाएको छ । यो पार्टीबाट ३ पुरुषले उम्मेदवारी दर्ता गरेका छन् । यसको केन्द्रीय कार्यालय ललितपुरको कुपण्डोलमा छ । लाहान नपा- ४ सिरहामा केन्द्रीय कार्यालय रहेको लोकतान्त्रिक जनता पार्टी नेपालको सभापति डा. योगेन्द्र ठाकुर छन् । यो पार्टीले 'हवाईजहाज' चुनाव चिन्ह पाएको छ । यसले १ महिला र ७ पुरुष गरी जम्मा ८ जनालाई प्रत्यक्ष निर्वाचनमा खडा गरेको छ । पद्मिनी प्रधानाङ्ग अध्यक्ष रहेको सशक्ति पार्टी नेपालले चुनाव चिन्ह 'तराजु' पाएको छ । यो पार्टीबाट ७ जना महिलाले उम्मेदवारी दर्ता गरेका छन् । यसको केन्द्रीय कार्यालय बुद्धनगर काठमाडौंमा छ । राष्ट्रिय जनता दल नेपाल नामको पार्टीले पनि चुनावमा भाग िलंदैछ जसको अध्यक्ष छन् भरतप्रसाद महतो । 'लालटिन' चुनाव चिन्ह पाएको यो पार्टीको केन्द्रीय कार्यालय कोटेश्वरमा रहेको छ भने यो पार्टीबाट ११ जना पुरुषले उम्मेदवारी दिएका छन् । षटकोण चुनाव चिन्ह रहेको शान्ति पार्टी नेपालको अध्यक्ष झनकप्रसाद ढुङ्गाना हु्न् । यसको केन्द्रीय कार्यालय जोरपाटी काठमाडौंमा रहेका छ भने यो पार्टीले ४ महिला र ९ पुरुष गरी १३ जनालाई निर्वाचनमा प्रत्यासी बनाएको छ । श्यामनारायण शर्मा अध्यक्ष रहेको 'कमल' चुनाव चिन्ह पाएको नेपाल जनता पार्टीको केन्द्रीय कार्यालय डिल्लीबजार काठमाडौंमा छ भने यो पार्टीका २ महिला र २३ पुरुष गरी २५ जनाले उम्मेदवारी दिएका छन् । किशोरी महतो अध्यक्ष रहेको लोक कल्याणकारी जनता पार्टी नेपालले 'तीरसहितको धनुष' चुनाव चिन्ह पाएको छ । यो पार्टीको केन्द्रीय कार्यालय कुमारीपाटी ललितपुरमा छ भने यो पार्टीबाट १ महिला र २६ पुरुष गरी २७ जनाले उम्मेदवारी दिएका छन् । जनजाति नेता गोपाल गुरुङ्गको मंगोल नेसनल अर्गनाइजेसन नेपालले 'कुखुराको भाले' चुनाव चिन्ह पाएको छ । यो पार्टीबाट १७ जना पुरुषले उम्मेदवारी दिएका छन् । रबीन्द्रकुमार बस्नेत महासचिव रहेको नेपाल साम्यवादी दललाई आयोगले 'करुवा' चिन्ह दिएको छ भने यो दलबाट जम्मा एक जनाको उम्मेदवारी परेको छ । 'दापभित्रको खुकुरी' चुनाव चिन्ह पाएको संघीय लोकतान्त्रिक गणतान्त्रिक राष्ट्रिय मन्चबाट २ महिला र ४५ पुरुषले उम्मेदवारी दिएका छन् । 'खड्क' चुनाव चिन्ह पाएको नेपाः राष्ट्रिय पार्टीका अध्यक्ष डा. केशवमान शाक्य छन् । यो पार्टी नेवारहरुको पार्टीको रुपमा चिनिन्छ । यसबाट २ महिला र ५ पुरुषले उम्मेदवारी दिएका छन् । यसैगरी उपेन्द्र गच्छदार अध्यक्ष रहेको नेपाल लोकतान्त्रिक समाजवादी दलबाट ११ पुरुषले उम्मेदवारी दिएको देखिएको छ । यो पार्टीले 'कलम' चुनाव चिन्ह पाएको छ । बुद्धिमान डौसीले नेतृत्व गरेको नेपाल सुकुम्बासी लोकतान्त्रिक पार्टीले 'डोको' चुनाव चिन्ह पाएको छ । यो पार्टीबाट ३ पुरुष र ८ पुरुषसहित ११ जनाले उम्मेदवारी दिएका छन् । रबीन्द्रबहादुर सुनार महासचिव रहेको नेपाल दलित श्रमिक मन्चबाट जम्मा एक जनाको उम्मेदवारी परेको छ । यो पार्टीले 'चंगा' चुनाव चिन्ह पाएको छ । ताम्सालिङ्ग नेपाल राष्ट्रिय दलको अध्यक्ष परशुराम तामाङ्ग छन् । 'पूर्जा' चुनाव चिन्ह रहेको यो दलले ५ महिला र २२ पुरुष सहित २७ जनाको उम्मेदवारी दिएको छ । कुबॆरबहादुर राउत अध्यक्ष रहेको नब नेपाल प्रजातान्त्रिक दलका जम्मा २ पुरुष उम्मेदवार छन् । यो पार्टीले 'घण्ट' चुनाव चिन्ह पाएको छ । चुनावमा भाग नलिने पार्टीहरु निर्वाचन प्रयोजनकालागि निर्वाचन आयोगमा दर्ता भएपनि १८ वटा दलहरुले निर्वाचनमा भाग नलिने भएका छन् । भाग नलिने दलमा शाहीकालीनमन्त्री कुवेर शर्माको हरियाली पार्टी, नेपाली कांग्रेसका पूर्व कोषाध्यक्ष रामबाबु प्रसाईं अध्यक्ष रहेको नेपाली कांग्रेस राष्ट्रवादी लगायतका दल छन् । कृष्णप्रसाद भटराई पार्टी सभापति हुँदा कांग्रेसको केन्द्रीय सदस्य रहेका कुवेर शर्माले २०५४ ताका कांग्रेस परित्याग गरी हरियाली पार्टी गठन गरेका थिए । उनी २०४८ को निर्वाचनमा सप्तरी-४ कांग्रेसको टिकट पाई सांसदसमेत बनेका थिए । उनी शाही कालमा पर्यटन तथा नागरिक उड्डयन मन्त्रीपनि भए । उनको दलले निर्वाचन बहिस्कार गरेको छ । यो पार्टीको कार्यालय बानेश्वरस्थित हात्तिगौंडा मार्गमा रहेको छ । लामो समय नेपाली कांग्रेसको कोषाध्यक्ष रहेका रामबाबु प्रसाईंले पनि कांग्रेसबाट अलग भै नयाँ दलको नेतृत्व गरेका छन् । कांग्रेस गणतन्त्रवादी लाइनमा गएकोमा असन्तुष्ट प्रसाईंले नेतृत्व गरेको पार्टीको स्थापना भने शाहीकालीन महिला मन्त्री डा. दुर्गा पोख्रेलले गरेकी थिइन् । पोख्रेलको राजनीतिक जीवनको सुरुवातपनि नेपाली कांग्रेसबाटै भएको थियो । हिन्दूत्वलाई आफ्नो मूलमन्त्र ठान्ने शिवसेना नेपाल नामक पार्टीको नेतृत्व अरुण सुवेदीले गरेका छन् । २०५१ को आम निर्वाचन र ०५४ को स्थानीय निर्वाचनमा यो पार्टीका उम्मेदवारहरु बाँके, नेपालगन्‍जमा नेका र एमालेका निकटतम प्रतिद्धन्दी बनेका थिए । यो पार्टी भारतको शिवसेना निकट मानिन्छ । यसको कार्यालय काठमाडौंको लैनचौरमा छ । काठमाडौंको अनामनगरमा केन्द्रीय कार्यालय रहेको नेपाल कोअपरेटिभ पार्टीको अध्यक्ष तोयानाथ दाहाल छन् । यो पार्टीले पनि चुनावमा भाग नलिने भएको छ । चुनावमा भाग नलिने मध्येको राष्ट्रवादी मिलन केन्द्र नेपाल दल नामक पार्टीको अध्यक्ष गणेशबहादुर पाण्डे छन् भने यो पार्टीको कार्यालय चक्रपथमा रहेको छ । राजाका कट्टर समर्थक यो दलका अध्यक्ष गणेशबहादुर पाण्डेमाथि शाही शासनकाल र पञ्‍चायती कालमा बहुदलमाथि गुण्‍डा परिचालनगरी आक्रमणमा संलग्न रहेको आरोप लाग्ने गर्थ्यो । निर्वाचन आयोगमा दर्ता भएपनि नेकपा मालेमा केन्द्र अहिले नेकपा माओवादी मा बिलिन भैसकेको छ । यो पार्टीका अध्यक्ष कृष्णदास श्रेष्ठ हाल नेकपा माओवादी को केन्द्रीय सल्लाहकार समितिको अध्यक्ष छन् भने महासचिव नन्दकुमार प्रसाईं पनि माओवादीमै छन् । यसअघि बाम मोर्चाको एक घटक रहेको यो पार्टीका महासचिव प्रसाईं पार्टी माओवादीमा बिलिन भएपछि माओवादी सांसद बनेका छन् । श्यामप्रसाद लामा अध्यक्ष रहेको नेपाल जनतन्त्र पार्टीको कार्यालय मैतिदेवी काठमाडौंमा छ । काठमाडौंको बालाजुमा कार्यालय रहेको नेपाल जनसंघ पार्टीका अध्यक्ष पदमबहादुर लामा छन् भने धोविधारा पुतलीसडक मा कार्यालय रहेको राष्ट्रिय जनएकता पार्टीको अध्यक्ष मनमोहन शम्शेर राणा छन् । गणेशबहादुर श्रेष्ठ अध्यक्ष रहेको प्रजातान्त्रिक शक्ति पार्टीको कार्यालय भने काठमाडौंको लैनचौरमा छ । बाराको जीतपुरमा कार्यालय रहेको भनिएको राष्ट्रिय जन प्रजातान्त्रिक पार्टीको अध्यक्ष कामेश्वरिसंह सुवेदी रहेको बताइएको छ । उता काठमाडौंको कालिमाटीमा कार्यालय रहेको नेपाली राष्ट्रिय जनभावना पार्टीको अध्यक्ष भीमबहादुर तामाङ्ग रहेका छन् । गोरेबहादुर खपाङ्गीमगरले नेतृत्व गरेको प्रजातान्त्रिक जनमुक्ति पार्टीको कार्यालय ललितपुरको धोविघाटमा छ । नेपाल जागृत दल नामक पार्टीलेपनि चुनावमा भाग लिएन । यो पार्टीको कार्यालय काठमाडौंको पुरानो बानेश्वरमा छ भने यसको अध्यक्ष सोममाया तामाङ्ग छिन् । काठमाडौंको स्वयम्भूमा कार्यालय रहेको नेपाल प्रजातान्त्रिक युवा पार्टीको अध्यक्ष भने लक्ष्मण पौडेल छन् । अम्बिका राणाले नेतृत्व गरेको नेपाल बहुदल पार्टी पनि निर्वाचन आयोगमा दर्ता भएको देखिन्छ । यसको केन्द्रीय कार्यालय लाजिम्पाटमा छ । उपेन्द्र यादवले नेतृत्व गरेको मधेशी जनअधिकार फोरमबाट फुटेको फोरमको अर्को समूहलेपनि निर्वाचनमा भाग नलिने भएको छ । यसको नेतृत्व भाग्यनाथ गुप्ताले गरेका छन् । यो समूह संघीय गणतान्त्रिक राष्ट्रिय मोर्चाको एक घटक थियो । तर अघिल्लो हप्ता सरकारसँग भएको सम्झौता यसले अस्वीकार गरेको थियो । बिनोद डाङ्गी महामन्त्री रहेको नेपाल परिवार दलले पनि निर्वाचनमा भाग लिएको छैन । मधेश आन्दोलनका क्रममा मधेशमा रहेका पहाडी समुदायमाथि आक्रमण बढेपछि मधेश र चुरे क्षेत्रमा बसोबास गर्ने नेपालीहरुले चुरेभावर एकता समाजको गठन गरेका थिए । यसले अहिले दलको रुप धारण गरेको छ । नेपाली कांग्रेस सर्लाहीका नेता केशव मैनाली यसको अध्यक्ष छन् । यस पार्टीमा चुरे क्षेत्रमा रहेका नेका र एमालेका नेता-कार्यकर्ता सामेल छन् । 'सुदर्शन चक्र' चुनाव चिन्ह पाएको यो पार्टीबाट २ महिला र २१ पुरुषसहित २३ जनाले उम्मेदवारी दिएका छन् । -Sitaram Baral in Kathmandu
	तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस् Please add yours and view our readers' comments at: Guest Book page»

Advertise With Us | Affiliate | Terms of Service | Disclaimer | Privacy Policy | Copyright/IP Policy | RSS | FAQ
Copyright © 2007-8 USNepalOnline.Com. All rights are reserved. URLs: USNepalOnline.Com, USANepalOnline.Com, AjakoAwaj.Com
a media initiative of Global Federation of Indigenous People of Nepal, USA (GFIPN)
Questions & queries? Write us at: feedback@usnepalonline.com. Developed by eEyeElements®