www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

किरात लिम्बू समुदायका महागुरु फाल्गुनन्दको १२४ औं जन्मजयन्ती मनाइदै

काठमाण्डौं, November 11, 2008- किरात लिम्बू समुदायका महान समाजसुधारक महागुरु फाल्गुनन्द लिङ्देनको १२४ औं जन्मजयन्ती पूर्वी नेपाल तथा राजधानीमा भव्यतापूर्वक मनाइएको छ ।

यो सप्ताहभरी महागुरु फाल्गुनन्दको महत्व उहाँले पुर्याउनुभएको योगदानको चर्चा लगायतको विषयमा अन्तरकृया र गोष्ठीहरु सम्पन्न भएका छन् ।

उहाँकै सम्झना गर्दै किरात लिम्बू समुदायले सोमबार साँझ दिपावलीसमेत गरेका छन् ।
जन्मजयन्तीकै अवसरमा किरात याक्थुङ चुम्लुङ र किरात धर्म तथा साहित्य उत्थान संघले संयुक्तरुपमा सोम्बार राजधानीमा झाँकी प्रदर्शन र्याली तथा एक समारोहको आयोजना गरेका छन् । काठमाण्डौंको राष्ट्रिय सभागृहमा आयोजित समारोहको राष्ट्रपति डा. रामवरण यादवले उट्घाटन गर्नुभयो ।

समारोहको उद्घाटन गर्दै राष्ट्रपति यादवले जातीय जगलाई मजबुत बनाउँदै राष्ट्रिय एकताका लागि गोलवद्ध हुन आग्रह गर्नुभयो । उहाँले भन्नुभयो 'विश्व शान्तिका अग्रनायक भगवान् बुद्धलगायत ऋषिमुनीहरुको जन्म, कर्मभूमि नेपालको किराँती कुलमा जन्मिएर महागुरु फाल्गुनन्दले चलाएको समाज सुधार अभियानलाई निरन्तरता दिनुपर्छ ।'

Falgunanda. Photo courtesy: Chumlung.Org.np

President Dr. Rambaran Yadav taking part the the Falgunanda Jayanti in Kathmandu. Photos: Khagendra

कार्यक्रममा प्रधानमन्त्री पुष्पकमल दाहाल 'प्रचण्ड'ले शुभकामना पठाउँदै बहुभाषी, धर्म, संस्कृतिले ओतप्रोत नेपालमा महागुरु फाल्गुनन्दले थाल्नुभएको समाज सुधारको अभियानले किरात समुदायलाई मात्र नभई राष्ट्रिय एकतालाईसमेत बल पुग्ने विश्वास व्यक्त गर्नुभयो ।

किरात लिम्बू समुदायले समाज सुधारक महागुरु फाल्गुनन्द लिङ्देनलाई राष्ट्रिय विभूति घोषणा गर्न आह्वानसमेत गरेका छन् ।

महागुरु फाल्गुनन्द वि.सं. १९४२ कात्तिक २५ गते ईलाम जिल्लाको इभाङ्ग चुक्चिनाम्बामा सामान्य किसान परिवारमा जन्मिनुभएको थियो ।

सानै ८ वर्षको उमेरमा अदृष्य शक्तिको गहिरो प्रभावमा पर्नुभएको उहाँले जीवनपर्यन्त अहिन्सात्मक शान्ति र सत्मार्गको पक्षमा उपदेश र ज्ञानगुन छर्दै हिड्नुभएको थियो ।

पूर्वी नेपालको विभिन्न ठाउँ लगायतका स्थानहरुमा उहाँले किरात माङहिम् मन्दिरहरुको स्थापना गर्नुभएको थियो ।

विशेष गरेर किरात लिम्बू समुदायको सामाजिक, राजनैतिक, आर्थिक तथा संस्कारमा आमूल सुधारका लागि महागुरु फाल्गुनन्दले उल्लेखनीय योगदान पुर्याउनुभएको थियो ।

उहाँकै नेतृत्वमा वि.सं. १९८८ वैशाख २४ गते १० लिम्बुवान, १७ थुमका प्रतिनिधिहरुलाई चुम्लुङ भेला गरी १० बुँदे लिखित सत्य धर्म मुचुल्का सम्पन्न भएको थियो । जस्लाई कुरिती र कुसंस्कारमा रुमल्लिरहेका लिम्बू समुदायका लागि आर्थिक, राजनैतिक र संस्कार सुधारको महत्पूर्ण दस्तावेजको रुपमा लिइन्छ ।

आधुनिक किरात धर्मको प्रवर्तकका रुपमा लिइने महागुरु फाल्गुनन्दको देहान्त भने वि.सं. २००५ सालमा भएको थियो ।

-Khagendra Makhim in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»