काठमाडौं- ब्लड डोर्नस एसोसिएसन अफ नेपालले आगामी साता विश्व रक्तदाता दिवस मनाउने भएको छ । जुन १४ का दिन मनाइने सो दिवस सो एसोसिएसनले विभिन्न कार्यक्रम गरी मनाउन लागेको हो ।

जेठ २४ अर्थात् जुन ७ मा जनचेतना र्याली, जेठ २५ गते साईकल र्याली, २६ गते चित्रकला प्रतियोगिता, २७ गतॆ बक्तृत्वकला प्रतियोगिता, २८ गते ईन्टरनेट रक्तदान प्रविधिको महत्वको विषयमा अन्र्तकि्रया, २९ गते दुर्लभ आरएच ब्लड ग्रुप भएकाहरु र कलाकारहरुबीच भेटघाट र रक्तदान कार्यक्रम गर्ने र अन्तिम दिन अर्थात् जेठ ३१ गते समापन तथा पुरस्कार वितरण कार्यक्रमको आयोजना गरिने छ ।

रक्तदाता र रक्तदान कार्यक्रम आयोजना गर्ने ब्यक्ति र संस्थालाई प्रोत्साहन गर्ने उद्देश्यले गठित सो एसोसिएसनको सकि्रयताकै कारण नेपालमा हालसम्म रगतको आपुर्ति हुँदै आएको छ ।

एसोसिएसनले विश्वकप फुटवल प्रतियोगिताको बेला मानिसहरु राति अवेरसम्म जागा रहने र दिउसो सुत्ने भएकोले यो अवधिमा रगतको अभाव हुन सक्ने अवस्था आउने जानकारी दिँदै सबैमा रक्तदानको लागि आव्हानसमेत गरेको छ । नेपालमा हाल २०० देखि ३०० यूनिटसम्म होल ब्लड र ५० देखि ६० यूनिटसम्म् रक्ततत्व आवश्यक पर्ने गरेकोमा सबै प्रायः रक्तदान मार्फत् पूर्ति हुने गरेको छ ।

एसोसिएसनले रक्तदान प्रतिको जनचेतना बढाउँदै यसलाई देशब्यापी बनाउन आवश्यक जानकारी समेटिएको बेबसाईट समेत सचालनमा ल्याएको छ । रक्तदान सम्बन्धी जानकारी एसोसिएसनले सन्चालन गरेको www.bloodmembers.com मार्फत पाउन सकिने छ । सो संस्थाले माध्यमिक र उच्चमाविमा क्लब २५ गठन गरेर बर्षको कम्तिमा दुई पटक रक्तदान गर्न चेतना अभिबृद्धि गर्ने, एसएमएसमार्फत अभियान संचालन गर्ने कार्यक्रम पनि संचालन गर्दै छ ।

-Sitaram Baral in Kathmandu

Comments

Name *
Email (For verification & Replies)
URL
Code   

Submit Comment