नेपाली रुपान्‍तर अमेरिकादपंण.कम AmericaDarpan.Com बाट साभार:
न्यूयोर्कमा प्रशान्त
न्यूयोर्क, इण्डिन आइडल विजेता प्रशान्त तामाङले आफ्ना प्रशंसकहरुलाई ज्याकोव ज्याभिट्स सेन्टरमा आयोजित कार्यक्रममा मन्त्रमुग्ध पारेका छन् । करिब २ हजार उत्साही नेपाली, भारतीय र तिब्बतीहरु कर्न्र्सट हलमा प्रवेश पाउन तीनघण्टासम्म लाइनमा उभिएका थिए ।
कार्यक्रममा जब प्रशान्तले नेपाली गीत 'वीर गोर्खाली' गाए, दर्शकहरुले पनि गर्वका साथ उनको स्वरमा साथ दिंदै गाए । यो गीत प्रशान्तको भर्खरै रिलिज भएको एकल एल्बम 'धन्यवाद' मा रहेको छ । सांगीतिक कार्यक्रमभरि प्रशान्तले आफ्ना समर्थकहरुप्रति बारम्बार आभार प्रकट गरेका थिए । नेपालीमा बोल्दै उनले गीतको बीच-बीचमा आफ्ना संर्घष र विजयको जीवनकथा सुनाए । नेपाली मूलको भारतीय भएपनि हृदयमा उनी सच्चा गर्विलो नेपाली देखिन्थे ।

कार्यक्रमका दौरान सबै उमेरका प्रशंसकहरुको भीड उनलाई र्स्पस गर्न सुरक्षा गार्डहरुलाई पेलेर मञ्चतर्फ सोहोरिएको थियो । प्रशान्तले लजाएका केही केटीलाई आफूसँगै पेमगीत गाउन मञ्चमा डाकेका थिए ।

कार्यक्रममा तामाङ सोसाइटी अफ अमेरिकाले परम्परागत खादा र प्रशंसापत्रसहित प्रशान्तको सम्मान गरेको थियो भने तामाङ पहिरन लगाएका तामाङ केटीहरुले उनको स्वागत गरेका थिए । त्यसपछि आठजना केटी P-R-A-S-H-A-N-T अक्षर लेखिएको टी-सर्ट लगाएर मञ्चमा आएका थिए । प्रशान्तले उनीहरुलाई स्नेहले अंगालो मार्दै आफ्नो एल्वम दिएका थिए ।

कार्यक्रमको आयोजना मुनलाइट रेकर्ड्स, पार्टी नेपाल डट कम र नेपाली आवाजले गरेका हुन् । प्रशान्त तुङ्गसुङ्ग, दार्जिलिङ्गका निवासी हुन् । उनी, आमा रुपा तामाङ र पिता प्रहरी अधिकृत मदन तामाङ्गका एकमात्र छोरा हुन् । उनकी एउटी बहिनी छिन् । उनका पिताको निधन भैसकेको छ । प्रहरी सेवामा जागिर भएका प्रशान्त इण्डिन आइडल प्रतियोगिता जित्ने पहिलो नेपाली मूलका भारतीय हुन् ।

नेपाली मूलका साहसी तथा प्रतिभावान भारतीयहरुको नाम लिएबिना भारतको आधुनिक इतिहास पूरा हुँदैन । हामीमध्ये धेरैलाई थाहा छैन कि, भारतको राष्ट्रगान 'जन गण मन' को संगीत रचना नेपाली मूलका क्याप्टेन राम सिं ठाकुरले गरेका थिए ।

'म भक्त छु आफ्नो जाति (नेपाली) को, मेरो विन्ती फालाफाल नगर
चोट लागेर दुखेको यो दिललाई, नुन छरी अझ बेहाल नगर
जाति धर्म बुझें जहिले देखि, जाति पेममा जोगी भएको छु
म अलख जगाउँदै डुल्दैछु, मलाई भिक्षु भनी अपगाल नगर'

माथिको यो गीत बीसौं शताब्दीका सबैभन्दा स्मरणीय लोकगीतका रचनाकार तथा गायक मास्टर मित्र सेन थापा मगर (१८९५-१९४६) को हो । उनी धर्मशाला, हिमाचल प्रदेशका थिए । नेपाली मूलका उनले आफ्ना गीतद्वारा पहिलोपटक सफलतापूर्वक नेपाल, भारत, वर्माभन्दा परसम्मका नेपालीलाई जोडेका थिए ।

भारतको स्वतन्त्रता आन्दोलनको बेलामा हजारौं नेपाली र नेपाली मूलका भारतीयहरु औपनिवेशिक व्रिटिश शासनविरुद्ध लडेका थिए र भारतको स्वतन्त्रताको लागि ज्यानसमेत दिएका थिए । त्यसक्रममा नेपाली भारतीय मेजर दुर्गा मल्ललाई अगष्ट २४, १९४४ मा पुरानो दिल्ली जेलमा र क्याप्टेन दलबहादुर थापालाई मे ३, १९४५ मा दिल्लीको सेन्ट्रल जेलमा प्राणदण्ड दिइएको थियो । यसरी उनीहरु शहीद भएका थिए ।

७७ वर्षघि महात्मागान्धीको 'नमक यात्रा' मा दुइ नेपाली महावीर गिरी र खड्गबहादुर सिं गिरी पनि सहभागी भएका थिए ।

नेपाली हुनुमा गौरव गरौं । प्रशान्तको सफलता मनाऔं । नेपाली मूलका भारतीयहरुको गौरवशाली वर्तमान र विगतका गाथालाई फैलाऔं ।

-प्रदीप थापा
सम्पादक
NepalDirectory.Org
USNepalOnline.Com

Prashant Tamang
in NYC 2007
Photos by Pemba G. Sherpa
















Prashant! Photos: eEyeCam