Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्ताहिक झटारो
हाम्रो बोली
Feature Story / News
स्थानीय खबरहरु
Local News
नेपालका खबरहरु
News from Nepal
अन्रांष्ट्रीय खबरहरु
International News
साताको अनुहार
Faces of the Week
Upcoming Events in USA
न्यूयोर्कमा आगामी कायंक्रमहरु
Upcoming Events in NYC
न्यूयोर्क शहरमा एक साँझ
An Evening Out in New York
न्यूयोर्कका नेपाली संघ-संस्थाहरु
Nepalese Orgs in NYC
न्यूयोर्कमा नेपाली ब्यावसायहरु
Nepalese Business in NYC
अमेरिकामा नेपाली संस्थाहरु
Nepalese Orgs in USA
अमेरिकामा नेपाली ब्यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
बगिंकृत विज्ञापन Classified
पाठक प्रतिकृया
Readers' Comments
पुराना कुराहरु News Archive
Audio Archive
Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्ताहिक Weekly
Monthly & Other Media
Nepali Online Portals
Nepali Radio / F.M. / TV
नेपाली अनलाइन् पोटंल
News from Nepal: नेपाली खबरहरु
काठमाडौं, June 23, 2008- पर्वतमा सशस्त्र प्रहरीका जवानहरुले रासनको विषयलाई लिएर सुरु गरेको विद्रोह सेलाउन नपाउँदै मध्य पश्चिमी जिल्ला बाँकेमा अर्को विद्रोह सुरु भएको छ ।
बाँकेको नेपालगन्ज नजिकै रहेको बागेश्वरी सशस्त्र प्रहरी गणका जवानहरुले गण आफ्नो नियन्त्रणमा लिएका छन् । गणभित्रैबाट माओवादीको पक्षमा नारावाजीसमेत भएको छ । गणभित्र अधिकृतहरुका व्यवहार र रासनमा हुने आर्थिक अनियमिताका बारेमा पटक पटक आवाज उठाउँदासमेत सुनुवाई नभएको भन्दै जवानहरु शनिवार असार ७ देखि विद्रोहमा उत्रेका हुन् ।
गणका प्रमुख सशस्त्र प्रहरी उपरीक्षक शेखरिसंह बुढाथोकीमाथि कुटपिट गरी विद्रोहको सुरुवात भएको थियो । कुटपिटपछि उनी त्यहाँबाट उम्कन सफल भए । त्यसयता त्यहाँका जवानहरुले अन्य अधिकृतहरुलाई आफ्नो कब्जामा राखेका छन् । आइतबार सुर्खेतबाट मध्यपश्चिम क्षेत्रमा सशस्त्र प्रहरी डिआइजी राजकुमार राना स्थिति बुझ्न गणमा जान खोजेपनि आन्दोलनमा उत्रेका सशस्त्र प्रहरीका जवानहरुले उनीमाथिपनि ढुङ्गा मुढा गरी खेदेका छन् । गणको मूलढोकामा तालाबन्दी गरिएको र फलामे किला लगाएर अबरोध सिर्जना गरिएको छ । उनीहरुले गणभित्र नारावाजीसमेत गरिरहेका छन् ।
गणभित्र सशस्त्र प्रहरीका जवानहरुको नियन्त्रणमा रहेका अधिकृतहरुसँग रहेको फोन र सन्चार सेटसमेत जवानहरुले खोसेर आफ्नो नियन्त्रणमा राखेका छन् जसले गर्दा अधिकृतहरुसँग उपल्लो निकायले सम्पर्कसमेत गर्न सकेको छैन । घटनाकाबारेमा बुझ्नकालागि गृहमन्त्रायका सहसचिव मोदराज डोटेल सशस्त्र प्रहरीका अतिरिक्त महानिरीक्षक नारायण पाण्डेसहितको टोली नेपालगन्ज पुगेपनि उनीहरुसँग विद्रोही जवानहरुले सात दल, नागरिक समाज, मानवअधिकारवादी, सन्चारकर्मीहरुलाई अगाडि राखेरमात्र वार्ता गर्ने सन्देश पठाएका छन् ।
यसअघि यस्तै खालको विद्रोह पर्वतस्थित सशस्त्र प्रहरी चण्डिका गणमा भएको थियो । असमान रुपमा काम लगाइएको र रासनपानी वितरणमा भेदभाव गरेको भन्दै असार ४ गते राति ११ बजे गणका जवानहरुले प्रहरी निरीक्षक रामकृष्ण हमालसहित ५ जनालाई कुटपिट गरेका थिए । गणमा कार्यरत विरामी प्रहरी जवानहरुलाई ड्युटीमा नगएको भन्दै यातना दिइएको तथा कम गुणस्तरको रासन दिने गरिएको भन्दै जवानहरुले अधिकृतहरुलाई कुटपिट गरेका थिए ।
घटनापछि प्रहरी उपरीक्षक गणपति गोबिन्द क्षेत्री तीनजना निरीक्षकसहित गणबाहिरै लुकेर ज्यान जोगाएका थिए । स्थितिलाई नियन्त्रणमा लिन बाहिरबाट गएका सुरक्षाकर्मीका सवारी साधनमाथिपनि उनीहरुले आक्रमण गरेका थिए । गणपति क्षेत्रीलगायतका अधिकृतहरुको गल्तीकाकारण घटना भएको भन्दै सशस्त्र प्रहरीले गणपति क्षेत्रीलाई कपिलबस्तुको चन्द्रौटास्थित गण, डीएसपी सूर्य सेनलाई बीरगन्,ज डिएसपी रोशन श्रेष्ठ पूर्व क्षेत्रीय कार्यालय, इन्सपेक्टर रामकृष्ण हमाललाई काठमाडौंस्थित सशस्त्र प्रहरी अस्पतालमा सरुवाको निर्णय गरेको छ ।
सरुवापछि पर्वतको विद्रोह शान्त भएलगत्तै बाँकेमा बिद्रोह सुरु भएको छ । उपल्ला अधिकृतहरुले आफूहरुलाई हेप्ने, दुव्र्यवहार गर्ने र कमसल स्तरको खाना खुवाउने गरेको विषयलाई लिएर भएका यी दुई स्थानका सशस्त्र प्रहरीका सिपाहीहरुले गरेको विद्रोहले देशव्यापी रुप लिने सम्भावना बढेको छ । पर्वतमा भएको घटना सेलाउन नपाउँदै बाँकेमा घटना सुरु हुनुले यही देखाउँछ । सैनिक तथा प्रहरी संगठनमा उपल्ला तहका सैनिक अधिकृतहरुले तल्लो तहका सैनिकहरुमाथि व्यापक शोषण गर्ने गरेका छन् ।
लोकतन्त्र अघि अनुशासनको नाममा आफूमाथि हुने शोषणका विरुद्ध सिपाहीहरुले आवाज उठाउन नसक्ने स्थिति थियो । तर लोकतन्त्रको स्थापना र माओवादी शान्ति प्रकृयामा आएपछि सिपाहीहरुसमेत खुलेर आफूमाथि भएका अन्याय र शोषणकाविरुद्ध खुलेर बोल्नसक्ने भएको पर्वत र बाँकेको घटनाले देखाएको छ ।
यसबीचमा सैनिक तथा प्रहरी संगठनभित्रपनि लोकतान्त्रिकरण हुनुपर्ने आवाज व्यापक रुपमा उठेको छ । तर उपल्ला तहका अधिकृतहरुले सैनिक प्रकृतिका संगठनभित्र लोकतान्त्रिकरणले बिकृति ल्याउने बताउँदै आएका छन् ।
-Sitaram Baral in Kathmandu
Please add yours and view our readers' comments at: Guest Book page»