www.USNepalOnline.Com: Nepalese News Live from the capital of the world-New York City

News from Nepal & New York

'जनगणतन्त्र ल्याएरै छाड्छौं' -माओवादी वरिष्ठ नेता किरण

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

Maoist leader Mohan Baidhya 'Kiran'. Photo: Sitaram

काठमाण्डौं, November 27, 2008- आफ्नो पार्टीको अन्तिम लक्ष्य जनगणतन्त्र नै भएको बताउँदै नेकपा माओवादीका वरिष्ठ नेता मोहन वैद्य 'किरण' ले जनगणतन्त्र ल्याएरै छाड्ने बताएका छन् ।

हालै सम्पन्न राष्ट्रिय कार्यकर्ता भेलाले जनगणतन्त्र स्थापनाका लागि वातावरण निर्माण गरेको बताउँदै किरणले पार्टीले त्यसै अनुसारको कार्यनीति ल्याएकोपनि दावी गरेका छन् ।

'जनगणतन्त्र ल्याएरै छाड्छौं' किरणले भने- 'राष्ट्रिय कार्यकर्ता भेलाले जनगणतन्त्र प्राप्तिका लागि वातावरण विकसित बनाएको छ ।' आफूहरुको लक्ष्यनै जनगणतन्त्र भएको उनको भनाई थियो । कार्यकर्ता भेलामा जनवादको उत्कृष्ट
अभ्यास भएको बताउँदै माओवादी नेता किरणले आफ्नो दल कुनै हालतमा नफुट्ने बताए ।

पार्टीमा द्वन्द्वात्मक विधिको प्रयोग गरी संघर्षको बीचबाट एकता कायम गरिएको बताउँदै उनले भने- 'हामी अरु कम्युनिष्ट पार्टीभन्दा भिन्न तरिकाले एकता संघर्षबाट फुटमा नभई एकतामै अघि बढेका छौं ।' हालै पारित राजनीतिक कार्यनीतिले एकतालाई थप बल प्रदान गरिएको बताएका उनले मूल्यांकन, संगठन र कतिपय वैचारिक विषयहरु महाधिवेशनमा लगी टुंगो लगाइने जानकारी दिएका छन् ।

सय दिनको अवधिमा सरकारले खासै उपलब्धिमूलक काम नभएको भन्दै आलोचना गरेका उनले सरकारको सय दिन देख्दा ताजुब लागेको बताए । 'गर्नुपर्ने काम पनि भएका छैनन्' उनले भने- 'तर संयुक्त सरकार भएकाले अत्यावश्यक काम गर्न खोज्दा पनि कठिनाई आएको हुनसक्छ ।'

सरकारलाई जनमुखी काम गर्न पार्टीले दबाब दिइरहने बताउँदै बरिष्ठ नेता किरणले राज्यसत्ताका पुरानै संयन्त्र राखेर नयां नेपाल बनाउन खोज्दा समस्या आएको बताए । आफूहरुले आर्थिक क्रान्तिसंगै राजनीतिक क्रान्ति पनि गर्न खोजेकोपनि उनले बताए । सेना समायोजनलाई कसैले रोक्न नसक्ने किरणको भनाई छ ।

सेना समायोजन कार्य नेपाली कांग्रेसले रोक्न नसक्ने उनको दावी छ । नेपाली कांग्रेसका सभापति गिरिजाप्रसाद कोइरालाले सेना समायोजनमा हस्ताक्षर गरिसकेकाले मुखले गर्न दिन्न भन्दैमा केही नहुने बताएका उनले भने- 'गिरिजाबाबुले मुखले भनेर हुँदैन उहांले सेना समायोजन सम्बन्धी सम्झौतामा हस्ताक्षर गरिसक्नुभएको छ ।'

सेना समायोजन हुन दिन्न भन्नेहरु शान्ति प्रकि्रयाको विरोधी ठहरिने बताउँदै किरणले सबै किसिमका अवरोधलाई पन्छाएर सेना समायोजन गराएरै छाड्ने दृढता व्यक्त गरे । किरणले आफ्ना दलका नेताहरु सुविधाभोगी भएकोमा उनले चिन्ता व्यक्त गरेका छन् । 'अनावश्यक रुपमा सुविधाभोगी भएकोमा पार्टीभित्रैपनि ब्यापक कुरा उठेको छ' उनले भने- 'त्यसलाई समयमै नियन्त्रण गर्नेतर्फ लागेका छौं ।'

विगतमा माओवादीले उठाएको भूमिसुधारका नारालाई सरकारमा बसेर लागू गर्न नसकेको बारे सोधिएको प्रश्नमा उनले भने- 'भूमिसुधारको विषय नयां संविधान निर्माणमा ल्याउनेछौं ।' सामन्ती भूस्वामित्वको अन्त्य गर्न भूमिसम्बन्धी हदबन्दी लागू गर्ने एजेण्डा सार्ने उनको भनाई थियो । सरकार, सडक र सदनमा रहेर भूमिसुधारका लागि सशक्त रुपमा प्रस्तुत हुनेपनि उनले बताएका छन् ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»