www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

बदर र क्रस मतपछि लठुवा सभासदहरुलाई मतदान प्रशिक्षण

काठमाडौं, July 21, 2008- गणतान्त्रिक नेपालका प्रथम राष्ट्रपति र उपराष्ट्रपतिको निर्वाचनमा धेरै मत रद्द भएपछि साउन ५ गते प्रायः सबै दलले आ-आफ्ना सभासदलाई मतदान गर्न सिकाएका छन्।

साउन ४ गते भएको निर्वाचनमा राष्ट्रपतिमा २५ र उपराष्ट्रपतिमा परेको २४ मत खेर गएको थियो ।
नेकपा माओवादी, नेपाली काँग्रेस, मधेशी जनअधिकार फोरम र तराई मधेश लोकतान्त्रिक पार्टीले सिंहदरबार स्थित संविधान सभा दलको कार्यालयमा सभासदहरुलाई मतदान गर्ने तरिका सिकाए ।

निर्वाचन अधिकृतको कार्यालयले राष्ट्रपति र उपराष्ट्रपतिलाई मत दिँदा आफूले रोजेको उम्मेदवारको नामको अगाडि भएको बक्समा 'ठीक' लगाउनु पर्ने व्यवस्था गरेको थियो । तर मतदाता सभासदहरुले सही किसिमले मतदान गर्न नजानेपछि मतदान प्रशक्षण चलाउनु परेको हो ।

बदर भएका मध्ये धेरै मतपत्रमा अंग्रेजी अक्षर एल जस्तो संकेत गरिएको थियो । केही मतपत्रमा माईनस - चिन्ह परेको थियो भने दुई जनाले हस्ताक्षर गरेर मत खसालेको पाईएको छ ।

रद्द भएका २५ मध्ये १८ मत रामराजाप्रसाद सिंहको रहेको तराई मधेश लोकतान्त्रिक पार्टीका नेता ह्रदयश त्रिपाठीले बताएका छन् । त्रिपाठीका अनुसार डा. रामबरण यादवलाई परेको ७ मत मात्रै रद्द भएको थियो ।

यस हिसावले सिंह र यादववीचको मतअन्तर २ रहेको छ । सिंहको सदर मत २ सय ७० तथा बदर १८ गरी २ सय ८८ र यादवको सदर मत २ सय ८३ र बदर ७ गरी २ सय ९० मत देखिन्छ ।

जनमोर्चा नेपालका अध्यक्ष अमिक शेरचनले यादवलाई समर्थन गरेको प्रेस वक्तव्य निकाले पछि शेरचन वाहेक बाँकी सात सभासदले सिंह र उपराष्ट्रपतिमा शान्ता श्रेष्ठलाई नै मतदान गरेको अर्को वक्तव्य सार्वजनिक गरिएको थियो । एकता केन्द्रका महासचिव प्रकाश, स्वास्थ्य तथा जनसंख्या मन्त्री गिरिराजमणी पोखरेल लगायत सातै सभासदको हस्ताक्षर भएको सो विज्ञप्तीमा भोलिको निर्वाचनमा सिंहलाई पुनः मत दिने घोषणा गरिएको छ ।

एकमत मात्रै रहेको चुरे भावर राष्ट्रिय एकता पार्टीका सभासद केशवप्रसाद मैनाली, मधेशी समुदायको भएकाले दुबै राष्ट्रपतिका उम्मेदवारलाई मत नदिएको र उपराष्ट्रपतिमा शान्ता श्रेष्ठलाई दिएको दाबी गरेका छन् ।

काँग्रेस गठबन्धनको उम्मेदवारलाई फोरमको सबै मत नपरेको कुरा आएपछि आजको वैठकमा निकै चर्काचर्की परेको वैठकमा सहभागी एक सभासदले जानकारी दिएका छन् । फोरम अध्यक्ष उपेन्द्र यादवले भने हिजो पनि यादवलाई मत दिएको र भोलि हुने निर्वाचनमा पनि उनैलाई मत दिने कुरा सन्‍चारकर्मीलाई बताएका छन् ।

सिंहलाई मत दिने सहमती भएका मध्ये तराई मधेश लोकतान्त्रिक पार्टी र सद्भावना पार्टीले पनि शान्ता श्रेष्ठलाई मत दिएनन् । श्रेष्ठले प्राप्त गरेका २ सय ४३ मध्ये २ सय २६ मत माओवादी पार्टीको मात्रै भएको बताइएको छ ।

माओवादी र काँग्रेसका सभासदहरुलाई आ-आफ्ना उम्मेदवारलाई मतदान गर्नको लागि दिएको कडा निर्देशनबाट पनि केही 'क्रस मत' परेको आँकलन गर्न सकिन्छ ।

-Santa Bagam in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»