www.USNepalOnline.Com: Nepalese News Live from the capital of the world-New York City

News from Nepal & New York

संयुक्त राष्ट्र संघ (UN) का महासचिव मुन नेपाल जाँदै

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

UN General Secretary Ban Ki-moon. Photo: eEyeCam

काठमाण्डौं, October 16, 2008-संयुक्त राष्ट्र संघका महासचिव वाङ कि मुन यही कार्तिकको दोश्रो साता नेपाल आउने भएका छन् । नेपालस्थित संयुक्त राष्ट्रसंघीय मिसन 'अनमिन' प्रमुख इयान मार्टिनले बताएअनुसार कात्तिकको मध्यमा नेपाल आउने महासचिव मुन फिलिपिन्सबाट भारत हुँदै नेपाल आउने छन् ।

नेपाल भ्रमणका क्रममा मुनले राष्ट्रपति डा. रामवरण यादव, प्रधानमन्त्री पुष्पकमल दाहाल 'प्रचण्ड', परराष्ट्रमन्त्री उपेन्द्र यादवलगायत संविधान सभाका सदस्यहरुलाई भेट्ने कार्यक्रम रहेको छ । मार्टिनकाअनुसार नेपालको शान्ति प्रकृयाबारे महासचिव मुनले जानकारी लिनुका साथै लुम्बिनीको पनि भ्रमण गर्ने कार्यक्रमसमेत तय गरिएको छ ।

विहीबार राजधानीमा आयोजित एक साक्षात्कार कार्यक्रममा बोल्दै मार्टिनले यो कुराको खुलाशा गरेका हुन् । साक्षात्कार कार्यक्रममा बोल्दै मुनले सेना समायोजनका लागि दलहरुलाई सहमति निर्माण गर्न आग्रह गरेका छन् । मार्टिनले सेना समायोजनका लागि गठन हुने विशेष समितिको मापदण्ड अनुरुप आवश्यक सहयोगका लागि आफूहरु तयार रहेको प्रतिबद्धतासमेत व्यक्त गरेका छन् ।

'दलहरुले सहमतिबाट सेना समायोजनको मापदण्ड निर्धारण गर्नेमा हामी विश्वस्त छौं' मार्टिनले भने- 'सेना समायोजनका लागि विशेष समिति बन्ने भनिएको छ, त्यसले तय गर्ने मापदण्डबाटै काम अगाडि बढ्नेछ ।' अनमिन शान्ति प्रकृयामा नेपाल सरकारले सहयोग मागेबमोजिमको सहयोग गर्न तयार रहेकोसमेत बताए ।

राष्ट्र संघसँग सेना समायोजनको धेरै अनुभव भएपनि कुन मापदण्ड अपनाउने भन्नेबारे नेपालका राजनीतिक दलहरुलेनै निर्णय गर्नुपर्नेमा उनको जोड थियो । उनले भने- 'दलहरुले सेना समायोजनका लागि सहमतिका साथ मापदण्ड बनाउन् भन्ने हाम्रो आग्रह हो ।' मार्टिनले सेना समायोजनबारे विभिन्न राजनीतिक दल र बुद्धिजीवीबाट आएका धारणालाई स्वाभाविकसमेत भनेका छन् ।

तर अनमिन त्यस्ता बहसमा सहभागी हुन नचाहेको स्पष्ट पार्दै सहमतिबाट आग्रह गरेअनुरुपको सहयोग गर्न सकिने बताए । अनमिनबारे विभिन्न दलका नेताहरुबाट भएको आलोचनाबारे सोधिएको प्रश्नमा उनले भने- 'काम गर्दा समर्थन र आलोचना भइहाल्छन् तर अनमिनले शान्ति प्रकृयामा नेपाल सरकारले आग्रह गरेअनुरुपको भूमिका निभाइरहेको छ ।'

अनमिनले कुनै दल विशेषलाई सहयोग नगरिरहेको मार्टिनको दावी थियो । नेपाली कांग्रेसले पछिल्लो समयमा अनमिन प्रमुख मार्टिन माओवादी पक्षधर बन्दै गएको आरोप लगाएको छ । तर मार्टिनले यो आरोपको खण्डन गर्दै भने- 'मानवअधिकार हननको विपक्षमा अनमिन उभिएको छ, जुनसुकै पक्षबाट पीडित भएमा अनमिनले आफूहरुले निष्पक्ष ढंगले बोलेको छ र त्यसअनुसार कामपनि गरेको छ ।'

'तराईका सशस्त्र समूहलाई वार्तामा ल्याउन अन्मिनको भूमिका रहन्छ ?' भन्ने सन्‍चारकर्मीहरुको प्रश्नमा उनले आफूहरु कुनैपनि सशस्त्र समूहसंग राजनीतिक रुपमा सम्पर्कमा नरहेको बताए । नेपाल सरकारले आवश्यक परेर भूमिका चाहे छलफल गर्न सकिने बताउँदै उनले भने- 'सशस्त्र समूहसंग हुने भनिएको वार्तामा अनमिनले कुनै भूमिका खोजेको छैन ।'

Ian Martin. Photo: eEyeCam

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»