Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्ताहिक झटारो
हाम्रो बोली
Feature Story / News
स्थानीय खबरहरु
Local News
नेपालका खबरहरु
News from Nepal
अन्रांष्ट्रीय खबरहरु
International News
साताको अनुहार
Faces of the Week
Upcoming Events in USA
न्यूयोर्कमा आगामी कायंक्रमहरु
Upcoming Events in NYC
न्यूयोर्क शहरमा एक साँझ
An Evening Out in New York
न्यूयोर्कका नेपाली संघ-संस्थाहरु
Nepalese Orgs in NYC
न्यूयोर्कमा नेपाली ब्यावसायहरु
Nepalese Business in NYC
अमेरिकामा नेपाली संस्थाहरु
Nepalese Orgs in USA
अमेरिकामा नेपाली ब्यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
बगिंकृत विज्ञापन Classified
पाठक प्रतिकृया
Readers' Comments
पुराना कुराहरु News Archive
Audio Archive
Video Archive
बिबिध Miscellaneous
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्ताहिक Weekly
Monthly & Other Media
Nepali Online Portals
Nepali Radio / F.M. / TV
नेपाली अनलाइन् पोटंल
News from Nepal: नेपाली खबरहरु
UML leaders: Madhavkumar Nepal, Amritkumar Bohara, Jhalanath Khanal, KP Oli and Bamdev Gautam.
Archive» Words: Sitaram Baral. Photo: Sources, Sitaram, Tribune India & illustration: eEyeCam
काठमाडौं, May 15, 2008-महासचिव माधव नेपालको राजिनामापछि एमालेको नेतृत्व हत्याउनेमा तीब्र शक्ति संघर्ष देखिएको छ । यो संघर्षमा पार्टीका पूर्व महासचिव झलनाथ खनाल सबैभभन्दा शक्तिशाली देखिएका छन् । निवर्तमान महासचिव माधव नेपालले नयाँ महासचिवको रुपमा उनलाई प्रस्ताव गरेपछि ओली सबैभन्दा बलियो प्रत्यसी देखिएका हुन् ।
खनाललाई महासचिव बन्नै नदिने एउटा समूहपनि निस्किएको छ । खनाललाई महासचिव बन्नै नदिने समूहको नेतृत्व स्थायी समिति सदस्य केपी ओलीले गरेका छन् ।
संविधान सभा चुनावमा पार्टीको करारी हारपछि महासचिव नेपालले राजिनामा दिएपछि पार्टीको कार्यबाहक नेतृत्व अमृत बोहोराले सम्हालिरहेका छन् । तर गत बैशाख १५ देखि बसिरहेको केन्द्रीय समितिको बैठकमा नयाँ नेतृत्व चयन गर्ने नगर्ने बिषयमा निकै विवाद देखिएको छ । पार्टीको नेतृत्व कसलाई दिने भन्ने विवादकारण पछिल्लो समयमा पार्टीको बैठक लम्बिएको छ । संवभत विरोध र समर्थनकाबीच विहीबारको बैठकले खनाललाई नयाँ पार्टी प्रमुखको रुपमा चयन गर्नेछ ।
एमालेभित्र 'स्थायी प्रतिपक्ष' को रुपमा चिनिएका सीपी मैनाली पार्टीमा नरहेपछि स्थायी समिति सदस्य ओलीलाई स्थायी प्रतिपक्षको रुपमा लिने गरिएको छ । पार्टीभित्र 'प्रतिपक्ष' को भूमिका निर्वाह गरेका ओली आफैपनि नेतृत्वको आशामा छन् । नेपाल महासचिव छँदा दोश्रो बरियता क्रममा रहेका ओली खनाल महासचिव भएमा बरियता क्रममा निकै पछाडि पर्नेछन् । माधव नेपाल महासचिव बनेपछि खनाल र ओलीबीच दोश्रो नम्बरको नेता को हो भन्नेमा विवाद थियो ।
जानकारी अनुसार असोजभित्र हुने महाधिवेशन अघिसम्म पार्टीको नेतृत्व आफै सम्हाल्ने पक्षमा बोहोरा थिए । तर निवर्तमान महासचिव माधव नेपालले खनालको समर्थन गरेपछि बोहोरा कमजोर बनेका छन् । महासचिवबाट राजिनामा लगत्तै हतार-हतारमा नेपालले बोहोरालाई कार्यबाहक महासचिव बनाउने भूमिका निर्वाह गरेका थिए । बोहोरालाई कठपुतली महासचिव बनाएर वास्तविक महासचिव आफै बनेको आरोप लागेपछि खनाललाई समर्थन गर्न नेपाल बाध्य भएका हुन् ।
जानकारी अनुसार खनाललाई निवर्तमान महासचिव नेपालका अलवा बामदेव गौतम, सहाना प्रधान, इश्वर पोखरेल, मुकुन्द न्यौपाने, केशव बडाललगायतका स्थायी समितिका अधिकांस सदस्यहरुको समर्थन प्राप्त छ । ओलीलाई स्थायी समितिसदस्य प्रदीप नेपालमात्र, केन्द्रीय सदस्यहरु प्रदीप ज्ञवाली, पृथ्वीसुब्बा गुरुङ्ग, कृष्णगोपाल श्रेष्ठ आदिलेमात्र समर्थन गर्ने स्थिति छ । ओली पार्टीबाहिरमात्र होइन पार्टीभित्रपनि छुच्चो नेताको रुपमा परिचित छन् ।
निवर्तमान महासचिव नेपालले खनाललाई नयाँ महासचिवको रुपमा प्रस्ताव राख्नुलाई कतिपयले षडयन्त्रको रुपमापनि हेरेका छन् । किनभने आउँदो असोजसम्म एमालेको आठौं महाधिबेशन भैसक्छ । अहिले खनाललाई आफूले एकातिर महासचिव बनाएर सहयोग गरेजस्तो गर्ने र अर्कोतिर केपी ओली एबं प्रदीप नेपालद्धारा बिरोध गराएर उनलाई असफल बनाई फेरि नेतृत्व आफैले हत्याउने चालबाजीको रुपमापनि लिइएको छ ।
पटक-पटक आफ्नो पदमाथि संकट आउँदा महासचिव नेपालले यही नीति अख्तियार गर्दै आएका छन् । माघ १९ को 'शाही कू' का बेला महासचिव नेपाल पक्राउ परेपछि कार्यबाहक महासचिव बनेका खनाललाई आफू रिहा भएपछि महासचिव नेपालले कावा महासचिवको जिम्मेवारीबाट मुक्त गराएका थिए । त्यसबेला खनाल महासचिवको रुपमा आठौं महाधिबेशनसम्म रहन चाहन्थे । तर ओलीबाट बिरोध गराएर उनलाई कार्यबाहक महासचिवको जिम्मेवारीबाट मुक्त गराइएको थियो ।
निवर्तमान महासचिव नेपाल र खनालबीच कहिलेपनि राजनीतिक निकटता देखिएको छैन । ०५३ मा महाकाली सन्धिका विरोधी बामदेब गौतम पक्षधरहरुले नेपाललाई पदबाट हटाएर खनाललाई स्थापित गर्न खोजेको र त्यसलाई खनालले पनि स्वीकार गरेपछि यी दुई नेताबीचको सम्बन्ध त्यति हार्दिकतापूर्ण छैन । त्यसैले निवर्तमान महासचिव नेपालले महासचिव बन्न खनाललाई गरेको सहयोगलाई कतिपयले 'अँगालो हालेर छुरा धस्ने' व्यवहारको रुपमा चित्रित गरेका छन्।
बिगत १८ दिनदेखि जारी एमाले केन्द्रीय कमिटीको आजको बैठकले खनाललाई नयाँ नेताको रुपमा चयन गरेमा उनी करिव २० वर्षपछि पार्टी नेतृत्वमा पुनस्थार्पित हुनेछन् । उनी ०४६ सम्मपनि तत्कालिन नेकपा माले को महासचिव थिए । ०३९ मा तत्कालिन महासचिव सीपी मैनालीलाई पार्टी महासचिवबाट अपदस्थ गरेर खनाललाई पार्टी महासचिव बनाइएको थियो । ०४६ मा सम्पन्न पार्टीको चौंथो महाधिवेशनले खनालको सट्टा मदन भण्डारीलाई पार्टी महासचिव चुनेको थियो ।
-सीताराम बराल Sitaram Baral in Kathmandu
Please add yours and view our readers' comments at: Guest Book page»