www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

एमालेका पूर्व सांसद राष्ट्रिय प्रजातन्त्र पार्टीतिर

काठमाण्डौ, January 21, 2009- दुई कम्युनिष्ट पार्टी माओवादी र एमाले एकअर्काको कार्यकर्तालाई आफ्नो पार्टीमा भित्र्याउन कम्बर कसेर लागेका बेला नेकपा एमालेका एकजना पूर्व सांसदलाई राष्ट्रिय प्रजातन्त्र पार्टीले आफूतिर आकर्षित गर्न सफल भएको छ ।

डोल्पाबाट ०५६ को निर्वाचनमा निर्वाचित एमाले सांसद नरबहादुर बुढाथोकीसहित म्याग्दीका पूर्व रापंस भीमप्रसाद गौचन राप्रपा प्रवेश गर्न लागेका हुन् । उनीपनि २०५५ मा एमालेमा प्रवेश गरेका थिए ।

एमाले प्रवेश गरेपनि शाही शासनलाई दुबैले समर्थन गरेका थिए । पार्टी प्रवेश लगत्तै आशा गरे अनुसारको जिम्मेवारी नदिएका कारण गौचन उतिबेलै देखि एमालेसँग असन्तुष्ट थिए । उता पन्‍चायती शासन कालमा बदनाम अनुहारहरुलाई पार्टीमा प्रवेश गराएको भन्दै एमाले नेतृत्व आलोचित समेत बनेको थियो । त्यसैले दुबै जना पाखा लागेको अनुभव गर्दै थिए । यसैबीच भएको शाही कदमको फाइदा उठाउँदै दुबैले सो कदमको समर्थन गर्न पुगे ।

उनीहरुसँगै राष्ट्रिय जनशक्ति पार्टीका पूर्व नेता बुद्धिमान तामाङसमेत राप्रपामा प्रवेश गर्ने भएका छन् । राप्रपा विभाजन गरी राष्ट्रिय जनशक्ति पार्टी खोल्नमा तामाङ्गको निकै ठूलो भूमिका थियो । तर संविधान सभा निर्वाचनमा पार्टीले समानुपातिक कोटाबाट सभासद् नबनाएपछि उनीपनि पार्टीसँग असन्तुष्ट थिए । पार्टी प्रवेश गर्न लागेका तीनैजनालाई पार्टीको केन्द्रीय सदस्य बनाउन अध्यक्ष पशुपतिसमशेर सहमत भएको श्रोतले बताएको छ ।

राप्रपा र सूर्यबहादुर थापाले नेतृत्व गरेको राष्ट्रिय जनशक्ति पार्टीबीचको एकता प्रकि्रया अन्तिम टुंगोमा पुगेको चर्चा चलिरहेका बेला पार्टी एकता पूर्व नै बुढाथोकी, गौचन र तामाङ्गको पार्टी प्रवेशको मूल कारण 'अवसरको चाँडो खोजी' लाई मानिएको छ । राप्रपा श्रोतले भन्यो- 'पार्टी एकता भैसकेपछि प्रवेश गरे भने माग गरेजस्तो जिम्मेवारी नपाउन सक्छन् त्यसैले पहिल्यै प्रवेश गरेर उनीहरुले केन्द्रीय सदस्यको जिम्मेवारी सुरक्षित गर्न खोजेका हुन् ।'

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»