www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

एमाले केन्द्रिय सल्लाहकार कमिटीले उपराष्ट्रपति झाको राजिनामा माग

काठमाडौं, July 28, 2008- नेपाल वार एसोसिएसनले उपराष्ट्रपति परमानन्द झालाई पुन: नेपाली भाषामा सपथ खाएर शपथसम्बन्धी विवादको अन्त्य गर्न सुझाव दिएको छ भने एमाले केन्द्रीय सल्लाहकार कमिटीले उपराष्ट्रपति झाको राजिनामा माग गरेको छ ।

वार एसोसिएसनले सर्बोच्च अदालतलाई कानूनी सल्लाह दिने हैसियत राख्छ भने एमालेको सल्लाहकार कमिटीले केन्द्रीय कमिटीलाई आवस्यक सल्लाह दिने गर्छ ।

उपराष्ट्रपति झाको विरुद्धमा परेको मुद्धामा आजै सर्बोच्च अदालतले निर्णय सुनाउँदैछ । निर्णयको पूर्वसन्ध्यामा नेपाल वार एसोसिएसनका अध्यक्ष विश्वकान्त मैनाली र महासचिव रमणकुमार श्रेष्ठले विज्ञप्ती जारी गर्दै सम्बैधानिक प्रावधान बमोजिम उपराष्ट्रपतिले नेपालीमा सपथ खानुपर्ने बताएका हुन् । वारको विज्ञप्तिपछि सर्बोच्च अदालतलॆ हिन्दी भाषाको सपथ ग्रहणलाई अवैध घोषणा गर्दै नेपाली भाषामा पुन: शपथ ग्रहण गराउन आदेश जारी गर्ने सम्भावना बढेको छ ।

फोरमको उम्मेदवार बनेर उपराष्ट्रपतिमा निर्वाचित झाले एमालेसमेतको समर्थन पाएका थिए । तर एमालेको सल्लाहकार कमिटीले राजिनामा माग गरेपछि एमाले महासचिव झलनाथ खनालसमेत नैतिकरुपले अप्ठ्यारोमा परेका छन् । एमाले सल्लाहकार कमिटीले झाले हिन्दी भाषामा शपथ गरेकोमात्र होइन उनको विगतपनि विवादास्पद रहेको भन्दै राजिनामा माग गरेको हो ।

आफू महासचिवमा टिकिरहन दुई स्थानबाट संविधान सभामा पराजित माधव नेपाललाई राष्ट्रपतिमा निर्वाचित गर्न माओवादी राजी नभएपछि खनालले माओवादीसँगको सहकार्य भंग गर्दै राष्ट्रपतिमा कांग्रेसका डा. रामबरण यादव र उपराष्ट्रपतिमा फोरमका झालाई समर्थन गर्न पुगेका थिए । केन्द्रीय सल्लाहकार कमिटीको सुझाव बमोजिम महासचिव खनाललेपनि झाको राजिनामा माग्छन् वा माग्दैनन् हेर्न बाँकी छ ।

आइतवारपनि देशका विभिन्न भाग लगायत राजधानीमा झा विरोधी प्रदर्शन भए । प्रदर्शनकाकारण उपराष्ट्रपति झालाई सुरक्षाकर्मीहरुले चोरबाटोबाट बहादुर भवनस्थित उपराष्ट्रपतिको कार्यालयमा पुर्याएका थिए । सर्वसाधारणले एकतर्फी बाटोमा सवारी साधन चलाउँदा ट्राफिक नियम लाग्ने भएपनि उनकालागि यो ट्राफिक नियम लागू भएन । उपराष्ट्रपति झाको कार्य सन्‍चालनको पहिलो दिन यसरी सवारीसम्बन्धी प्रचलित नियम उल्लंघनबाट सुरु भएको छ ।

के नियम ठूला मान्छेलाई लाग्दैन भन्ने प्रश्न फेरि सिर्जना भएको छ । शाही कालमा राजपरिवारका सदस्यहरुलाईपनि यसैगरी ट्राफिक नियम उल्लंघन गर्दै निर्धारित स्थानमा पुर्याइने गरिन्थ्यो ।

राजधानीमा भैरहेका उपराष्ट्रपति झाविरोधी विरोध प्रदर्शनकै कारण रिपोटस्र क्लवले आयोजना गरेको साक्षात्कार कार्यक्रममापनि झा उपस्थित हुन सकेनन् । अन्तिम समयमा सुरक्षाकर्मीहरुले झालाई कार्यक्रमस्थलमा ल्याउन नसकिने जानकारी दिएका थिए । क्लवमा झा आउने थाहा पाएपछि विद्यार्थीहरुले पुतलीसडक वरपर प्रदर्शन गर्दै सडक अवरुद्ध पारेका थिए ।

उता मधेशवादी दलहरुले भने भाषा र भेषभूषाको आधारमा राजनीतिक दलहरुले राजनीति सुरु गर्न खोजेको आरोप लगाएका छन् । आइतबार संविधान सभाको बैठकमा बोल्दै फोरम अध्यक्ष उपेन्द्र यादव र तराई मधेश लोकतान्त्रिक पार्टीका नेता ह्दयेश त्रिपाठीले उपराष्ट्रपतिले हिन्दी भाषामा लिएको शपथ विरुद्धमा भैरहेको प्रदर्शनको विरोध गरेका थिए ।

आज सर्बोच्च अदालतले उपराष्ट्रपति झाले हिन्दीमा गरेका सपथ ग्रहणको पक्ष वा विपक्ष- जेमा फैसला गरेपनि यो विषय विवादित बनिरहने सम्भावना देखिएको छ । झाकै पक्षमा सर्बोच्चले फैसला गर्यो भने झाको विरुद्धमा प्रदर्शन गरिरहेकाहरु अरु उत्तेजित हुनेछन् भने विपक्षमा फैसला गरेमा मधेशवादी दलहरु आन्दोलित हुने सम्भावना छ । यसरी उपराष्ट्रपति झा समस्यैसमस्या बनेका छन् ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»