www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

एमालेको धनी उमेद्वार निर्वाचन आयोगको कार्वाहीमा

काठमाण्डौं, 27 Mar, 09- धनुषा- ५ को उपनिर्वाचनमा पार्टीको तर्फबाट उम्मेदवारी दिएका एमालेका केन्द्रीय सदस्य रघुबीर महासेठ निर्वाचन आयोगको कार्वाहीमा पर्ने भएका छन् ।

आचार संहिता तोडेको अभियोगमा निर्वाचन आयोगले उनलाई कार्वाही गर्ने भएको हो । महासेठ उपनिर्वाचनमा कार्वाहीमा पर्ने पहिलो उम्मेदवार भएका छन् ।

निर्वाचन आयोगले उनीमाथि उप-निर्वाचनमा आचार संहिता विपरित रंगीन पोष्ट प्रयोग गरेको आरोप लगाएको छ । रंगीन फोटो अंकित महंगो पोष्टर प्रयोग गरेर एमाले उम्मेदवार महासेठले आचार संहिता तोडेको बताउँदै धनुषा- ५ का निर्वाचन अधिकृतलाई महासेठमाथि कार्वाहीको आदेश दिएको छ ।

महासेठ उप निर्वाचनमा खडा भएका उम्मेदवार मध्ये सबैभन्दा धनी मानिन्छन् । संविधान सभा निर्वाचनमा धनुषा- ४ बाट पराजित भएका महासेठ गैर आवासीय नेपाली संघका अध्यक्ष उपेन्द्र महतोका बहिनी ज्वाईं हुन् । एमालेले महतोको आर्थिक हैसियतप्रति मध्यनजर गर्दै महतोकी बहिनी तथा महासेठकी धर्मपत्नी जुलीकुमारी महतोलाई संविधान सभा सदस्यसमेत बनाएको छ ।

संविधान सभा निर्वाचनमा पराजित भएपनि पैसाकै आडमा उनलाई उपनिर्वाचनमापनि टिकट दिइएको र उनकी श्रीमतिलाई पनि समानुपातिक क्षेत्रबाट संविधान सभा सदस्य बनाइएको आरोप लाग्दै आएको छ । स्थानीय विकास मन्त्रीसमेत रहेका रामचन्द्र झाले जुलीलाई सभासद् बनाइएपछि असन्तुष्टी प्रकट गर्दै पार्टी केन्द्रीय सदस्यबाट राजिनामा समेत दिएका थिए ।

निर्वाचन आयोगले संविधान सभा निर्वाचनमा खडा भएका एउटा उम्मेदवारलाई प्रयोग गर्न दिइने गाडी अर्काे उम्मेदवारले प्रयोग गरेमा गाडी जफत गरी दुबै उम्मेदवारमाथि कार्वाही गर्न सबै उपनिर्वाचन क्षेत्रका उम्मेदवारहरुलाई निर्देशन दिएको छ । पार्टीहरुले धेरै गाडी प्रयोग गर्न 'डमी' उम्मेदवार खडा गर्ने प्रबृति रहेकाले निर्वाचन आयोगले यस्तो निर्देशन दिएको हो ।

फोटो- एमाले उम्मेदवार रघुबीर महासेठ

-Sitaram Baral in Kathmandu

Read our more related news: New Archive

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»