www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

पूर्व सभामुख सुवास चन्द्र नेम्वाङ्ग संविधान सभा अध्यक्षमा निर्विरोध निर्वाचित

Newly elected Constitutional Assembly Chair Subhaschandra Nembang. Photo: Santa

काठमाडौं, July 23, 2008- पूर्व सभामुख सुवास चन्द्र नेम्वाङ्ग संविधान सभा अध्यक्षमा निर्विरोध निर्वाचित भएका छन् । उम्मेदवारी दर्ता गर्ने निर्धारित साउन ८ गते साँझ ५ बजे सम्ममा नेम्वाङ्गकॊ मात्रै उम्मेदवारी परेपछि उनी निर्विरोध भएका हुन्‌ ।

नेम्वाङ्ग संविधान सभाको अध्यक्षमा निर्वाचित भएको औपचारिक घोषणा भने साउन ९ गते विहान ११ बजे बस्ने संविधानसभा वैठकबाट गरिने छ । संविधानसभाका कार्यवाहक महासचिव मनोहरप्रसाद भट्टराईका अनुसार भोलि बस्ने वैठकमा 'एक मात्र उम्मेदवारी परेकाले माननीय सुवास चन्द्र नेम्वाङ्गलाई अध्यक्ष भएको घोषणा गरियोस' भन्ने प्रश्ताव लगिने छ ।

संविधान सभा अध्यक्ष स्वयमले अन्य सभासद सामु पद तथा गोपनियताको सपथ ग्रहण गर्ने कानुनी व्यवस्था रहेको छ । सपथ ग्रहण लगत्तै वैठकको अध्यक्षता गर्दै आएका कुलबहादुर गुरुङ्गले नव निर्वाचित अध्यक्षलाई वैठकको बाँकी कारवाही अगाडि बढाउने जिम्मेवारी सुम्पनेछन् ।

तराई मधेश लोकतान्त्रिक पार्टीले अध्यक्ष पदको उम्मेदवारी लिएर गए पनि दर्ता गर्न भने आएनन् ।
काँग्रेस एमाले र फोरम गठबन्धनलाई माओवादीको तर्फबाट उम्मेदवारी पर्ने आशंका थियो । माओवादी सभासद विनोद पहाडीले भने सबै पदमा समावेशी गराउने आफ्नो पार्टीको निति अनुसार जनजाति समुदायका उम्मेदवार नेम्वाङ्गको विरुद्धमा उम्मेदवारी दर्ता नगराएको बताए । सभासद पहाडीले युएस नेपाल अनलाईनसँग भने 'हाम्रो पार्टीको नीति नै समावेशीता हो । जनजाति समुदायको उम्मेदवार भएपछि अर्को उम्मेदवार किन दिने ?'

संविधानसभा उपाध्यक्षमा भने माओवादीले आफ्नो पार्टीको उम्मेदवार ल्याउन सक्ने स्रोतले जनाएको छ । स्रोतका अनुसार दलित समुदायबाट तिलक परियार र जनजाति महिलाबाट जयपुरी घर्ति मगर मध्ये एकलाई माओवादीले अघि सार्दैछ ।

संविधान सभा अध्यक्ष सुवास चन्द्र नेम्वाङ्गको जिबनी

सभा सन्‍चालनमा निकै कुशल मानिने सुवास चन्द्र नेम्वाङ्गको जन्म वि. स. २००९ साल फागुन २८ गते ईलाम जिल्लाको सुन्तलावारीमा भएको हो । २०२८ सालबाट विद्यार्थी राजनीति प्रारम्भ गरेका नेम्वाङ्ग १९ बर्षको उमेरमै ईलाम क्याम्पसको स्ववियू सभापति बन्न सफल भएका थिए ।

२०३५ सालदेखि २०५१ सालमा काठमाडौं स्थित नेपाल ल क्याम्पसमा अध्यापन गराएका नेम्वाङ्गले सर्वोच्चमा वकालत पनि गरे । नेम्वाङ्ग २०४३ देखि ०४५ सम्म नेपाल बार एशोसिएसनको महासचिव भईसकेका छन् ।

एमालेको नेतृत्वमा रहेको ९ महिने शासन कालमा नेम्वाङ्गले कानुन न्याय तथा संसदीय व्यवस्थामन्त्री, सामान्य प्रशासन मन्त्री र स्थानीय विकास मन्त्रीको जिम्मेवारी निभाएका थिए ।

नेपालगंजमा भएको छैठौं महाधिवेशनबाट एमाले केन्द्रीय सदस्यमा निर्वाचित नेम्वाङ्ग सातौं महाधिवेशनमा पनि केन्द्रीय सदस्य बन्न सफल भए ।

२०६२, ०६३ को जनआन्दोलन पश्चात पुनरस्थापित प्रतिनिधि सभाको सभामुख बनेका नेम्वाङ्गले संविधान सभाको अध्यक्षता गर्ने अवसर पाउने भएका छन्।

-Santa Bagam in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»