www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

राष्ट्रपतिमा सिंह निश्चित, उपराष्ट्रपतिमा जोड घटाउ सुरु

काठमाडौं, July 18, 2008- राष्ट्रपतिमा प्रस्तावित माओवादी उम्मेदवार रामराजाप्रसाद सिंहले जित्ने निश्चितजस्तै भएपछि उपराष्ट्रपतिमा कसले जित्ला भन्ने जोड घटाउ सुरु भएको छ ।

माओवादी, कांग्रेस, एमाले र फोरम उम्मेदवारबीच नै प्रतिस्पर्धा भएको खण्डमा पहिलो चरणको प्रतिस्पर्धामा माओवादी उम्मेदवार शान्ता श्रेष्ठ नै शक्तिशाली देखिएकी छिन् ।

राष्ट्रपतिमा माओवादीद्धारा प्रस्तावित रामराजाप्रसाद सिंहले फोरम, तमलोपा, सद्भावना र जनमोर्चाकोसमेत गरी ३ सय १५ भन्दा बढि मत प्राप्त गर्ने पक्का देखिएको छ । संविधान सभामा उल्लेख्य सिटमा रहेका यी तीन दलबाहेक अन्य साना दलसमेतको मतपनि सिंहलाई प्राप्त हुने भएकाले उनी ३ सय ३० भन्दा बढि मतका साथ नेपालको प्रथम राष्ट्रपति बन्नेछन् ।

राष्ट्रपति र उपराष्ट्रपतिमा निर्वाचित हुन सबैभन्दा धेरै मत ल्याउँदैमा हुने स्थिति छैन । जित्ने उम्मेदवारले संविधान सभामा ५० प्रतिसत भन्दा बढि मत ल्याउनुपर्ने प्रावधान राखिएको छ । मधेशवादी दलले सिंहलाई समर्थन गरेका कारण उनले सहजै ५० प्रतिसत मत प्राप्त गरेपनि फोरमले उपराष्ट्रमासमेत उम्मेदवारी दिएकाकारण पहिलो चरणको निर्वाचनबाट उपराष्ट्रपति निर्वाचित हुनसक्ने स्थिति छैन ।

तसर्थ उपराष्ट्रपतिमा कुनै गठबन्धन बन्न नसकेमा दोश्रो चरणको मतदानबाट उपराष्ट्रपति छानिने सम्भावना प्रवल छ । निर्वाचित हुनकालागि ५ सय ९४ मतदातामध्ये कम्तिमा २ सय ९८ मत आवस्यक पर्नेछ । यस अनुसार माओवादी उम्मेदवार शान्ता श्रेष्ठले पहिलो पटकको प्रतिस्पर्धामा अरुको मत नपाएमापनि आफ्नो पार्टीको कम्तिमा २ सय २६ मत प्राप्त गर्ने स्थिति छ ।

कांग्रेसका मानबहादुर विश्वकर्मालेपनि अरु पार्टीको मत पाउन सकेनन् भने आफ्नो दलको १ सय १२ मत पाउनेछन् । एमाले उम्मेदवार अष्टलक्ष्मी शाक्यले पनि आफ्नो पार्टीको २ सय ८ मत पाउनेछिन् । फोरम उम्मेदवार परमानन्द झाले सबै मधेशवादीको मत पाएमा कम्तिमा ८२ मत पाउनेछन् । यस हिसावले कुनैपनि उम्मेदवारले ५० प्रतिसत अर्थात् २ सय ९८ मत जुटाउन सक्ने छैनन् ।

तसर्थ उपराष्ट्रपतिकालागि दोश्रो चरणको मतदान हुनेछ । मत परिणाम उपरोक्त आंकलन अनुसार भएमा तेश्रोमा रहेकी एमालेकी शाक्य र फोरमका झा बाहिरिनेछन् भने दोश्रो चरणमा माओवादी उम्मेदवार शान्ता श्रेष्ठ र कांग्रेसका मानबहादुर विश्वकर्माबीच प्रतिस्पर्धा हुनेछ । त्यो बेला फोरमलगायत मधेशवादी दल सबै र एमालेसमेतको मत जसले पाउन सक्छ उही विजयी बन्नसक्ने छन् ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»