www.USNepalOnline.Com: Nepalese News Live from the capital of the world-New York City

News from Nepal & New York

सिक्किमका मुख्यमन्त्री पवन चाम्लिङ्ग विरुद्ध नेपाली नागरिकता लिएको आरोप

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

काठमाण्डौ, January 22, 2009- नेपाली नागरिकता लिएको भन्दै सिक्किमका मुख्यमन्त्री पवन चाम्लिङ्ग विरुद्ध प्रधानमन्त्री मनमोहन सिंह र गृहमन्त्रीसमक्ष भारतीय जनता पार्टी 'भाजपा'ले लिखित उजुरीसमेत गरेको छ ।

कुनैपनि भारतीय मुख्यमन्त्रीले नेपाली नागरिकता लिएको आरोप लागेको यो पहिलो पटक हो । नेपाली नागरिकता लिएको आरोपमा मुख्यमन्त्रीविरुद्ध अदालतमा समेत मुद्दा दायर गर्ने तयारी भइरहेको भाजपाले पत्रकार सम्मेलन मार्फत जनाएका छन् ।

सिक्किम राज्यमा पुगेका भाजपाका पूर्वोत्तर राज्य प्रभारी हरेन्द्र प्रतापले अघिल्लो आइतबार गान्तोकमा पत्रकार सम्मेलन आयोजना गरी मुख्यमन्त्री पवन चाम्लिङसँग भारतीय नागरिकताको अतिरिक्त नेपाली नागरिकतासमेत रहेको आरोप लगाएका थिए । भाजपा नेता हरेन्द्रले गान्तोकमा एक पत्रकार सम्मेलन आयोजना गरी मुख्यमन्त्री चाम्लिङको नेपाली नागरिकताको फोटोकपीसमेत देखाएको पश्चिम बंगाल पुगेर फर्केका जनआस्था साप्ताहिकका सहायक सम्पादक अरुण बरालको कथन छ । ती भाजपा नेताले नागरिकताको फोटोकपीका अतिरिक्त भारीले घरको खजाना तिरो रसिद र 'जनसंख्या प्रमाणपत्र' सम्बन्धी कागजपत्र पनि देखाएका थिए ।

भाजपा पूर्वोत्तर क्षेत्र हेर्ने प्रभारी प्रमुखले पत्रकार सम्मेलनमा पेस गरेको कागजातमा मुख्यमन्त्री चाम्लिङको जन्म इलाम जिल्लाको शनिश्चरे उल्लेख भएको र ठेगाना वतनमा झापा जिल्ला बुधबारे गाविस- ५ भएको पत्रकार बरालको कथन छ । भाजपा नेता हरेन्द्र प्रतापले चाम्लिङसँग सम्बन्धित कागजातहरुको फोटोकपी देखाउँदै 'मुख्यमन्त्रीले बुधबारे गाविसका अध्यक्ष रघुनाथ निरौलाको सिफारिसमा झापा जिल्ला प्रशासन कार्यालय चन्द्रगढीबाट नेपाली नागरिकता लिएको' तथ्य पेश गरेका थिए । नेपाली नागरिकताको प्रमाणपत्र संख्या १०३७१ रहेको भाजपा नेता प्रभारीले गान्तोकका पत्रकारलाई बताएका थिए।

ती भाजपा नेताले मुख्यमन्त्री चाम्लिङले नेपालको संविधानको धारा ३ नागरिकता ऐन १९६२ अनुसार त्यस्तो नेपाली नागरिकता लिएका गत साल अर्थात् सन् २००८ मा मात्रै चाम्लिङले बुधबारे गाविसबाट जनसंख्या प्रमाणपत्र लिएको र त्यसमा मुख्यमन्त्री चाम्लिङसहित श्रीमती टीकामाया, छोरा विजय विशाल, बुहारी विनिता र छोरी शिला चाम्लिङको नाम उल्लेख भएको प्रभारीले बताएका थिए । गत वर्ष गाविसलाई 'घरको खजाना' भन्दै १० रुपैयाँ तिरेको रसिदको नक्कल पनि प्रभारीले गान्तोकमा देखाएका थिए । तर मुख्यमन्त्री चाम्लिङ्गका भनिएका कागजपत्रहरु नक्कलीजस्ता लाग्ने पत्रकार बरालको कथन छ ।

फोटो- सिक्किमका मुख्यमन्त्री पवन चाम्लिङ्ग (माथि) र पत्रकार अरुण बराल Photos archive: Sitaram

सिक्किममा अत्यन्त लोकपि्रय नेपाली नेता एबं मुख्यमन्त्री चाम्लिङ्ग विरुद्ध बेला- बेला यस्ता हत्थकण्डाहरु अपाइने गरिएको छ । केही बर्षअघि नेपाली माओवादी नेता राम कार्की पार्थ क्षेत्रीलाई मुख्यमन्त्री चाम्लिङ्गले आफ्नो सल्लाहकार बनाएको भन्दै सिक्किम संसदमा विपक्षीहरुले आवाज उठाएका थिए । तर त्यो आरोपपनि असत्य सावित भयो । सिक्किममा चुनाव नजििकंदै गरेका बेला उनलाई हराउनकालागि यस्तो हत्थ्कण्डा अपाइएको अनुमान गरिएको छ ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»