Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्ताहिक झटारो
हाम्रो बोली
Feature Story / News
स्थानीय खबरहरु
Local News
नेपालका खबरहरु
News from Nepal
अन्रांष्ट्रीय खबरहरु
International News
साताको अनुहार
Faces of the Week
Upcoming Events in USA
न्यूयोर्कमा आगामी कायंक्रमहरु
Upcoming Events in NYC
न्यूयोर्क शहरमा एक साँझ
An Evening Out in New York
न्यूयोर्कका नेपाली संघ-संस्थाहरु
Nepalese Orgs in NYC
न्यूयोर्कमा नेपाली ब्यावसायहरु
Nepalese Business in NYC
अमेरिकामा नेपाली संस्थाहरु
Nepalese Orgs in USA
अमेरिकामा नेपाली ब्यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
बगिंकृत विज्ञापन Classified
पाठक प्रतिकृया
Readers' Comments
पुराना कुराहरु News Archive
Audio Archive
Video Archive
बिबिध Miscellaneous
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्ताहिक Weekly
Monthly & Other Media
Nepali Online Portals
Nepali Radio / F.M. / TV
नेपाली अनलाइन् पोटंल
News from Nepal: नेपाली खबरहरु
माओवादीलाई आतंककारी भनेपछि राजदूत मुखर्जी र्याखर्याखती
Shiva Shankar Mukharjee, Indian Ambassador to Nepal. Photo: Sirab
काठमाडौं, April 22, 2008-संविधान सभा चुनावमा सहभागी भै संविधान निर्माण तथा सरकारको नेतृत्व गर्न लागेको माओवादीप्रति नेपालकालागि भारतीय राजदूत शिबशंकर मुखर्जीले आतंककारी शब्द भने प्रयोग गरेरै छाडे ।
उनले भने- 'दुई वर्षको यो अवधिमा एउटा आतंककारी संगठन बैधानिक रुपले मूलधारको राजनीतिमा आएको छ । यसप्रति हामी खुसी छौं ।' सरकार बनाउने तैयारीमा रहेको माओवादीलाई आतंककारी संगठन भनेपछि उनी पत्रकारहरुको प्रश्नै-प्रश्नको घेराउमा परे ।
प्रश्नका झटाराले निकै अप्ठेरोमा पारेपछि उनले आफ्नो भनाई सच्याए । र भने- 'यो विगतको कुरा हो अहिले चुनावमा आएर माओवादी बैधानिक संगठन बनिसक्यो । अब उनीहरुलाई आतंककारी भनिरहनु उचित छैन ।' चुनावबाट आएको सरकार भएकाले माओवादी नेतृत्वको सरकारलाई भारतले पहिले झैं सहयोग जारी राख्ने बचनपनि दिए । आफ्नो देशकालागि टाउको दुखाईको विषय बनेका भारतीय माओवादीहरुलाई उनले सुझाव दिए- 'नेपालका माओवादीहरु झै उनीहरुपनि मूलधारको राजनीतिको बाटोमा आउनुपर्छ ।'
भनिन्छ- 'मरेको लासलाई जुम्रालेपनि छोड्छ ।' साँच्चै हो रहेछ । नारायणहिटी दरवारबाट विदाईको अन्तिम तैयारीमा रहेका राजतन्त्रका अन्तिम प्रतिनिधि राजा ज्ञानेन्द्रलाई विदेशीहरुले कुनै सहयोग त के सल्लाहपनि दिन चाहँदा रहेनछन् । एक वर्षअघिसम्म राजतन्त्र र प्रजातन्त्रलाई आधार बनाएर नेपाललाई सहयोग गरेको बताउने नेपालकालागि भारतीय राजदूत शिबशंकर मुखर्जीले यो अन्तिम घडीमा राजा ज्ञानेन्द्रलाई आफ्नो कुनै सल्लाह र सुझाव नभएको बताएका छन् ।
साढे तीन वर्षको कार्यकाल समाप्तीपछि राजदूत मुखर्जी बुधबार स्वदेश फर्कंदैछन् । उनको कार्यकालको अन्तिम दिन रिपोटस्र क्लबले मंगलबार उनीसँग एक साक्षात्कार कार्यक्रमको आयोजना गर्यो । आधा घण्टा लामो साक्षात्कारमा पत्रकाहरुले उनलाई सोधे- 'तपाईंको कार्यकालको अन्तिम क्षणमा राजा ज्ञानेन्द्रलाई तपाईंको कुनै सुझाव छ? जवाफमा राजदूत मुखर्जीले भने- 'म उनलाई अब कहिल्यै कुनैपनि सुझाव दिन सक्दिन ।'
राजतन्त्रको बारेमा निर्णय गर्ने अधिकार उनले नेपाली जनतासँगै रहेको बताए । 'यस सम्बन्धमा निर्णय गर्न संविधान सभा चुनावद्धारा नेपाली जनताका प्रतिनिधिहरु आइसकेका छन्' राजदूत मुखर्जीले भने- 'नेपाली जनताको भावना अनुसार राजतन्त्रको बारेमा निर्णय गर्न अधिकार चुनिएर आएका जनताका प्रतिनिधिहरुलाई छ । उनीहरुले जे निर्णय गर्नेछन् भारत सरकारले नेपाली जनताको त्यो निर्णय शिरोधार्य गर्नेछ ।'
सम्पन्न संविधान सभाको चुनाव भएका आफूले देख्न पाएकोमा उनले खुसीपनि प्रकट गरे । 'नयाँ नेपाल बनाउने प्रकृयामा सहयोग गर्ने मौका हामीलेपनि पायौं' उनको भनाई थियो- 'यसकालागि मेरो देश, मेरो देशको सरकार खुसी छ । मपनि त्यत्तिकै खुसी छु ।' शाही शासनकालका बेला राजदूतको जिम्मेवारी सम्हाल्न नेपाल आएका यी कुटनीतिज्ञले योपनि थपे- 'सम्बेदनशील घडीमा म यहाँ आएको थिएँ मेरो कार्यकाल कस्तो रह्यो त्यो तपाईंहरुले मूल्याङ्कन गरिदिनुहोस् ।'
अन्य नेपालीलाई जस्तै यी भारतीय कुटनीतिज्ञलाईपनि चैत्र २८ गतेको चुनावपनि नहुने पो हो कि भन्ने लागेको रहेछ । 'किनभने सर्नु नपर्ने चुनाव अघि दुई पटक सरिसकेको थियो' उनले थपे- 'चुनाव भयो राम्रो भयो अब नेपाली जनता विकासको काममा लाग्नुपर्छ । राजनीतिक र विकासलाई अब सँगसँगै लैजानुपर्छ । राजनीति सप्रिएपछिमात्र विकास हुन्छ भन्नु गलत हो दुबै कुरा सँगसँगै लैजान सकियो भनेमात्र नेपालको भविष्य सुन्दर हुनेछ ।'
संविधान सभा चुनाव यता उनले माओवादी अध्यक्ष प्रचण्डलाई दुई पटक भेटिसकेका छन् । आइतबार बेलुकीपनि उनले प्रचण्डलाई भेटेका थिए । तर भेटकाबारे विस्तृत जानकारी दिन चाहेनन्। यसरी उम्किन चाहे- 'म आफ्नो कार्यकाल सकेर स्वदेश फर्कन लागेकाले भेटेको हुँ । विदाईको बेलाको भेट भएकाले अन्य महत्वपूर्ण कुरा केहीपनि हुन पाएन ।'
त्यसअघिको भेटमा उनले भारतीय विदेशमन्त्री र प्रचण्डबीच फोनमा वार्ता गराइदिएका थिए । त्यही भेटमा मुखर्जीले प्रचण्डलाई भारत भ्रमणको निम्तो दिएका थिए ।
चुनावी परिणाम जति अप्रत्यासित आयो त्यस्तै अप्रत्यासित सहयोगको बचन भारत सरकारले माओवादीलाई दिएको छ । भारतले माओवादीलाई गर्ने सहयोग र समर्थन निशर्त भएको खुलाशापनि उनले गरे । 'बैधानिक रुपले सत्तामा पुगेको कुनैपनि शक्तिलाई सर्त राख्नुहुँदैन भन्ने हाम्रो मान्यता छ' उनले थपे- 'माओवादी नेतृत्वको सरकारलाई भारतले निशर्त समर्थन गर्नेछ ।'
स्मरणीय छ, राजदूत मुखर्जीको स्थानमा राकेश सुद नयाँ राजदूत बनेर नेपाल आउँदैछन् । सुद द्धन्दग्रस्त अर्को एसियाली मुलुक अफगानिस्तानका निवर्तमान राजदूत हुन् ।
-Sitaram Baral in Kathmandu
Please add yours and view our readers' comments at: Guest Book page»