दक्षिण कोरियाले नेपाल लगायतका विदेशी मुलुकबाट कामदारहरु नलिने
काठमाण्डौं, January 1, 2009-नेपालीहरुकालागि वैदेशिक रोजगारीको राम्रो गन्तव्यमध्येको एक
दक्षिण कोरियाले तत्कालकालागि नेपाल लगायतका मुलुकबाट कामदारहरु नलिने भएको
छ । विश्वभरि देखिएको आर्थिक मन्दीका कारण कोरियाली सरकार यो निर्णयमा
पुगेको हो।
कोरियाको श्रम मन्त्रालयले एक सूचना प्रकासित गरेको परराष्ट्र मन्त्रालयले
जनाएको छ ।
जानकारी अनुसार तत्कालकालागि विदेशी कामदारहरुलाई कोरियामा रोजगारी अनुमति
स्थगनको निर्णय त्यहाँको सरकारले गरेको छ । वैदेशिक रोजगारकालागि हालको
कोटा पुरा भएको जनाउँदै नयाँ बर्षदेखि यस्तो सूचना सो मन्त्रालयले प्रकासित
गरेको बताइएको छ । कोरियाली सरकारले स्वदेशी कामदारहरुलाई नै प्राथमिकता
दिने नीति बनाएकोपनि समाचारमा जनाइएको छ ।
यो सूचना प्रकासनपछि नयाँ नेपाली कामदारहरु कोरिया जान नपाउने भएपनि यसअघि
नै स्वीकृति पाइसकेका नेपाली कामदारहरु भने कोरिया जान पाउनेछन् । यद्यपी
हजारौं नेपाली बेरोजगार युवाहरुकालागि रोजगारीको सपना बनेको कोरियामा नयाँ
नेपाली कामदार अब केही समयकालागि जान पाउने छैनन् । हाल कोरियामा ५
हजारभन्दा बढि नेपालीहरु कार्यरत छन् ।