राष्ट्रियताका सवालमा राप्रपा माओवादीसंग मिलेर
जाने
-बिशेष
काठमाडौं ब्युरोबाट काठमाडौं, July 27, 2008-राप्रपा नेपाल अध्यक्ष कमल थापाले राष्ट्रियताका सवालमा नेकपा
माओवादीसंग मिलेर जाने बताएका छन् । बुटवलमा आयोजित साक्षात्कार
कार्यक्रममा बोल्दै थापाले राष्ट्रियता गम्भीर संकटमा परेको बताउँदै
राष्ट्रियताको विषयमा माओवादीसँग सहकार्यको आवस्यकता औंल्याएका हुन् ।
थापाले अन्य दलभन्दा माओवादीमा राष्ट्रिय भावना बलियो भएको बताए । दलहरुले
विदेशीको इशारामा परेर पद बाँडफाँड गरेको उनको आरोप थियो । माओवादी
राष्ट्रिय एकताका सवालमा संघर्ष गर्ने पार्टी भएकाले आफूहरुको त्यसबारे
कुरा मिल्ने बताए । यद्यपि उसको उग्रवामपन्थी व्यवहारको आलोचना गर्न
नछाड्ने उनको भनाई थियो ।