माओवादी आधार क्षेत्र रोल्पा- २ बाट उठ्दैछन् थवाङका चर्चित
माओवादी नेता
माओवादीलाई चुनौती बिद्रोही उमेदवारबाट हुँदैछ
काठमाण्डौ, 9 Mar, 09- आगामी चैत्र २८ गते हुने उपनिर्वाचनमा एकिकृत
माओवादीले आफ्नो आधार क्षेत्र रोल्पा- २ बाट थवाङका चर्चित माओवादी नेता
सन्तोष बुढामगरलाई उठाउनेभएको छ । उनी माओवादीको जातीय मोर्चा मगराँत
राष्ट्रिय मुक्ति मोर्चाका अध्यक्ष छन् ।
एकिकृत नेकपा माओवादीका केन्द्रीय सदस्यसमेत रहेका बुढामगर २०३६ सालदेखि
राजनीतिमा लागेका थिए । पूर्व शिक्षक समेत रहेका बुढामगर २०३८ देखि भूमिगत
बनेका थिए । गत संविधान सभा निर्वाचनमा उनलाई माओवादीले समानुपातिक सूचिमा
राखेपनि संविधानसभा सदस्य भने बनाएको थिएन।
उता सोही निर्वाचन क्षेत्रबाट विद्रोही माओवादीका तर्फबाटपनि उम्मेदवारी
पर्ने देखिएको छ । माओवादीको प्रतिरोध सांस्कृतिक अभियानका अध्यक्षसमेत
रहेका कुलमान बुढाले विद्रोही उम्मेदवारी दिने घोषणा गरिसकेका छन् । अन्य
पार्टीले भने उम्मेदवार तय गरिसकेका छैनन् ।