www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

एमाले नेताहरुको मुटुमा ढ्याङ्ग्रो ठोकाउने अभिब्यक्ती

काठमाण्डौं, October 14, 2008-नेपालको शक्तिशाली विद्यार्थी संगठन अनेरास्ववियूकी नवनिर्वाचित केन्द्रिय अध्यक्ष रामकुमारी झाँक्रीमगरले आफ्नै बर्गतले निर्वाचन जित्न नसक्ने एमालेका हिम्मतहारा नेताहरुको कटु आलोचना गरेकी छन् ।

माओवादी सहयोगमा चुनाव लड्न एमाले नेता माधव नेपाललाई माओवादी अध्यक्ष प्रचण्डको आग्रह र नेपालले त्यो आग्रह अस्वीकार नगरेपछि झाँक्रीले पार्टीका बरिष्ठ नेता नेपालको आलोचना गरेकी हुन् ।

पोखरामा गत महिना सम्पन्न अनेरास्ववियूको राष्ट्रिय सम्मेलनमा आफूलाई चुनाव हराउन गरिएको कैयौं हत्कण्डाका बाबजुद अत्याधिक बहुमतले विजयी भएलगत्तै दशैं मान्न गृह जिल्ला गुल्मी पुगेकी झाँक्रीले आफ्नो स्वागतमा आयोजित कार्यक्रममा भनिन्- 'माओवादीको बैशाखी टेकेर एमालेका बरिष्ष्ठ नेताहरुले उपचुनाव जित्नुपर्ने भएको छ, पार्टीकालागि यो भन्दा दुर्भाग्यपूर्ण स्थिति के हुन्छ ?'

यसै साता माओवादी अध्यक्षसमेत रहेका प्रधानमन्त्री प्रचण्डले एमालेका निवर्तमान महासचिव माधव नेपालको निवास पुगी संविधान मस्यौदा समितिको संयोजकको जिम्मेवारी सम्हाल्न, उच्चस्तरीय राजनीतिक संयन्त्रको संयोजक बन्न वा उप निर्वाचन लडेर संविधान सभामा निर्वाचित भई आउन आग्रह गरेका थिए ।

प्रधानमन्त्री प्रचण्डले एमाले नेता नेपालले उपचुनावमा प्रतिस्पर्धा गरेमा उनलाई विजयी बनाउन आफ्नो पार्टीले पूर्ण रुपले समर्थन गर्ने बताएका थिए । माओवादी अध्यक्ष प्रचण्डले जितेर खाली गरेका रोल्पा- २ वा देव गुरुङ्गले खाली गरिदिएको कास्की- २ मा चुनाव लड्न माओवादीले महासचिव नेपाललाई प्रस्ताव गरेको बुझिएको छ ।

एमाले नेता नेपालले माओवादी अध्यक्ष प्रचण्डका उपरोक्त तीन प्रस्ताव तत्काल अस्वीकार गर्न सकेनन् बरु यस विषयमा पार्टीमा सल्लाह गरी निर्णय दिने जवाफ दिएका थिए । पदकालागि लोभी मानिने नेपालले माओवादीले गरेको यो प्रस्ताव अस्वीकार गर्नुको साटो पार्टीमा सल्लाह गर्ने भनेपछि उनको पार्टीभित्र आलोचना सुरु भएको छ ।

यसै सन्दर्भमा अखिल नेतृ झाँक्रीले एमाले नेता नेपालको आलोचना गरेकी हुन् । अनेरास्ववियूको गत राष्ट्रिय सम्मेलनमा एमाले नेता नेपालसहितका नेताहरु झाँक्रीलाई अखिल अध्यक्ष बन्न नदिने योजनामा थिए । एमालेभित्र अझै शक्तिशाली मानिने निवर्तमान महासचिव नेपाल पक्षीय उम्मेदवार गोकूल घर्तिमगरलाई फराकिलो मतान्तरले पराजित गर्दै झाँक्री अखिल नेतृत्वमा पुगेकी हुन् । यस अघी उनी उपाध्यक्ष थिइन्‌।

माओवादीको बैशाखी टेकेर एमाले नेताहरुले चुनाव जित्नुपर्ने दयनीय स्थिति सिर्जना भएको भन्दै नेतृ झाँक्रीले अनेरास्ववियूको सम्पूर्ण शक्ति पार्टीको पुनर्गठनमा लगाइने बताएकी छिन् । झाँक्री हाल गृह जिल्ला गुल्मीमै रहेकी छिन् । गुल्मीमा उनले दिएको अभिव्यक्तिले काठमाडौंमा रहेका एमाले नेताहरुको मुटुमा ढ्याङ्ग्रो ठोकेको छ ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»