www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

'म देउवाजीलाई चुनावमा पछार्न सक्षम छु ।'- नेकां उपसभापति रामचन्द्र पौडेल

काठमाण्डौं, October 5, 2008- संविधान सभाको चुनाव भएको ६ महिना बितेपनि प्रमुख प्रतिपक्षी नेपाली कांग्रेसले अझैपनि आफ्नो संसदीय दलको नेता चयन गर्न सकेको छैन ।

संसदीय दलको नेता को बन्ने भन्ने अन्योल कायमै रहेका बेला सो पार्टीका उपसभापति रामचन्द्र पौडेलले आफू पार्टी संसदीय दलको नेताका लागि उम्मेदवार बन्ने घोषणा गरेका छन् । दशैंलगत्तै संसदीय दलको नेताकालागि पार्टीमा चुनाव हुने बताउँदै उपसभापति पौडेलले चुनावमा उम्मेदवारी दिनेमात्र होइनजित्ने दाबीसमेत गरेका छन् ।
'म संसदीय दलको नेताका लागि हुने प्रतिष्पर्धामा उम्मेदवार बन्छु र जित्छु' पौडेलको भनाई छ- 'अधिनायकवादको खतरासँग जुध्न कांग्रेसलाई सशक्त भूमिका प्रदान गर्न सक्षम छु ।' संसदीय दलको विधान मस्यौदा तयार भइसकेको जानकारीपनि पौडेलले दिएका छन् ।

'तपाईंले शेरबहादुर देउवालाई संसदीय दलको चुनावमा पराजित गर्नसक्नुहुन्छ ?' भन्ने पत्रकारहरुको प्रश्नमा उनले भने- 'म देउवाजीलाई संसदीय दलको चुनावमा पछार्न सक्षम छु ।' लोकतन्त्रको सम्बन्धमा कसैसंग सम्झौता नगरेको स्मरण गराउँदै भविष्यमा आउनसक्ने चुनौतीसंग जुध्न कांग्रेसलाई अझ सुदृढ बनाउने उनको कथन छ ।

पौडेलले वर्तमान सरकारलाई ढाल्न आफूहरु नलागेको बताउँदै भने- 'हामी सरकार ढाल्दैनौं, आयु किटान गर्ने पक्षमा पनि छैनौं, सरकारले बनाएको नीति तथा कार्यक्रम लागू गरेर देखाओस् भन्ने हाम्रो भनाई छ त्यतिन्जेल हामी प्रतिपक्षीको भूमिका निभाउनेछौं ।' वर्तमान सरकारले सस्ता नारा दिएर जनतालाई भ्रममा पालेको आरोप लगाउँदै पौडेलले समयान्तरमा जनतासामु देखाइएका भ्रम खुल्ने दावीसमेत गरे । 'कांग्रेसले प्रतिपक्षीको भूमिकालाई स्पष्ट रुपमा प्रकट गरेको छु' उनले भने- 'कांग्रेसको भूमिका अत्यन्त जिम्मेवारीपूर्ण छ त्यसलाई बहन गरेर देखाउनेछौं ।'

माओवादीले लोकतान्त्रिक प्रणालीनै समाप्त पार्न खोजेको आरोपसमेत लगाउँदै भविष्यमा अधिनायकवाद र निरंकुशतावाद हावी हुनसक्ने शंकासमेत व्यक्त गरे । त्यसकाविरुद्ध लड्न सशक्त रुपमा प्रस्तुत हुने बताउँदै पौडेलले माओवादीले राजनीतिक प्रणालीको नाममा िसंगो लोकतन्त्रलाईनै समाप्त गर्न खोजेको आरोपपनि लगाए । उनले भने- 'जनगणतन्त्र या अन्य उपसर्ग सुहार्तो, पोलपोट जस्ता तानाशाहले पनि दिएका थिए । माओवादी त्यस्तै शैलीमा प्रस्तुत भइरहेको छ ।' माओवादीले निरंकुशता लाद्न खोजे आफूहरु चुप लागेर नबस्ने बताए ।

सेना समायोजनको सवालमा माओवादीले एकतर्फी कुरा गरेको बताउँदै उनले नेपाली सेनामा पुराका पूरा माओवादी छापामार समायोजन गर्न खोजे खतरनाक अवस्था आउने चेतावनीसमेत दिएका छन् ।

'शान्ति सम्झौतामा सेना समायोजन र पुर्नस्थापना स्पष्ट उल्लेख छ, माओवादी समायोजनको कुरा मात्र उठाउंछ तर पुनस्र्थापनाको कुरै गर्दैन' पौडेलले भने- 'नेपाली सेनाका लागि मापदण्ड नपुगेकालाई कुनै हालतमा सेनामा प्रवेश दिननहुने मान्यतामा कांग्रेस अडिग छ ।'

Ramchandra Paudel. Photo: Santa

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»