www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

राष्ट्रपति डा. यादवका जेठा छोरा डा. चन्द्रमोहन यादव उपनिर्वाचन लड्ने
माओवादी, काङ्ग्रेस, एमाले र फोरमका को, कहाँबाट भिड्दैछन्?

काठमाण्डौ, 13 Mar, 09- डा. रामबरण यादव राष्ट्रपतिमा निर्वाचित भएपछि रिक्त रहेको धनुषा- ५ मा उहाँकै जेठा छोरा डा. चन्द्रमोहन यादव नेपाली कांग्रेसको उम्मेदवार हुने भएका छन् ।

धनुषा क्षेत्र न. ५ बाट निर्वाचित राष्ट्रपति यादवले राजिनामा दिएपछि रिक्त रहेको स्थानमा उनका छोरालाई काँग्रेसले उम्मेदवार बनाएको हो । पिताजस्तै चिकित्सक पेशाका चन्द्रमोहन राजनीतिमा सरिक हुने भएपछि उनले आफू कार्यरत बीर अस्पतालको चिकित्सक पेशाबाट राजिनामा समेत दिएका छन् । सोही क्षेत्रमा उनले तराई मधेश लोकतान्त्रिक पार्टीका उम्मेदवार श्रीकृष्ण यादवसँग प्रतिस्पर्धा गर्नुपर्ने भएको छ । सो क्षेत्रमा माओवादी र एमालेले अहिलेसम्म उम्मेदवार तय गरेका छैनन् । तर माओवादी समेतको समर्थनमा एमालेले केन्द्रीय सदस्य रघुबीर महासेठलाई उठाउने सम्भावना अधिक छ ।

नेपाली कांग्रेसले मोरङ्ग- ७ बाट सभापति कोइरालाका भतिज एबं कांग्रेस केन्द्रीय सदस्य डा. शेखर कोइरालालाई नै उम्मेदवार बनाउने भएको छ । डा. कोइराला गत संविधान सभा निर्वाचनमा सोही क्षेत्रबाटै मधेशी जनअधिकार फोरमका बरिष्ठ नेता विजय गच्छेदारसँग भारी मतान्तरले पराजित भएका थिए । सो निर्वाचन क्षेत्रमा फोरमले उम्मेदवार तय गरिसकेको छैन भने माओवादीले विजय चौधरीलाई उम्मेदवार बनाउने निर्णय गरिसकेको छ । फोरममा अध्यक्ष उपेन्द्र यादव र बरिष्ठ नेता बिजय गच्छेदारबीच विवाद भएकाले डा. कोइरालालाई नै उम्मेदवार बनाएर कांग्रेसले सो क्षेत्रमा विजय हासिल गर्ने योजना बनाएको छ ।

मोरङ्ग- ५ मा एमालेका स्थानीय कार्यकर्ताहरुले गत संविधान सभा निर्वाचनमा माओवादी उम्मेदवारबाट मोरङ्गको क्षेत्र नं २ मा पराजय भोगेका बरिष्ठ नेता भरतमोहन अधिकारीलाई उठ्न जोड गरिरहेका छन् । तर उनी विजयी बन्ने ग्यारेन्टी भएमामात्र सो क्षेत्रमा उम्मेदवार बन्नेछन् । फोरम अध्यक्ष उपेन्द्र यादवले विजय हासिल गरेको सो क्षेत्रमा माओवादीले शिबकुमार मण्डललाई उम्मेदवार बनाएर फोरमको हातबाट सो क्षेत्र हात पार्ने योजनामा छ । माओवादी र एमालेबीच चुनावी तालमेल भएमा सो क्षेत्र माओवादीले एमालेका अधिकारीकालागि छाडिदिएर उसले क्षेत्र नं ५ मा एमालेको समर्थन लिनपनि सक्छ । अथवा कांग्रेसलाई एमालेले ७ नं क्षेत्रमा समर्थन गरेर ५ नं क्षेत्र अधिकारीकालागि सुरक्षित बनाउनपनि सक्छ । सो क्षेत्रमा कांग्रेसले जगन्नाथ िसंह गनगाइलाई उम्मेदवार बनाउने निर्णय गरिसकेको छ ।

नेपाली कांग्रेसले धनुषा- ५, मोरङ्ग- ५ र ७ का अलवा रोल्पा- २ र कास्की- २ मापनि उम्मेदवार तय गरेको छ ।

माओवादी अध्यक्ष प्रचण्डले छाडेपछि खालि रहेको रोल्पा २ मा कांग्रेसका गंगाराम डाँगी उम्मेदवार बन्ने भएका छन् । माओवादीले मगराँत राष्ट्रिय मुक्ति मोर्चाका अध्यक्ष सन्तोष बुढा मगरलाई उम्मेदवार बनाएको छ । एमालेले जिल्ला कमिटीका उपसचिव हरि घर्ति मगरलाई उम्मेदवार बनाउने निर्णय गरेको छ ।

उता माओवादी नेता देव गुरुङ्गले विजय हासिल गरेको कास्की २ बाट कांग्रेसले भूतपूर्व सैनिक संघका अध्यक्ष मेजर दीपक गुरुङ्गलाई उम्मेदवार बनाउने भएको छ । एमालेले पराजित उम्मेदवार खगराज अधिकारीलाई नै उठाउने सम्भावना बढि छ । माओवादीले चाँही कृष्ण गुरुङ्गलाई उठाउने निर्णय गरिसकेको छ ।

यसैगरी कन्‍चनपुर- ४ बाट कांग्रेसले यज्ञराज जोशीलाई उम्मेदवार बनाउने भएको छ । एमाले र माओवादीले सो क्षेत्रमा उम्मेदवार तय गरिसकेका छैनन् ।

स्मरणीय छ, उपनिर्वाचनकालागि चैत्र १ गते उम्मेदवारी दर्ताको कार्यक्रम छ ।

-Sitaram Baral in Kathmandu

Read our more related news: New Archive

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»