नव निर्वाचित राष्ट्रपतिले सपथ ग्रहण खाने दिन काठमाडौं, July 22, 2008-नेपालका नव निर्वाचित राष्ट्रपति डा. रामवरण यादवले साउन ८ गते
दिनको तीन बजे सपथ ग्रहण गर्ने भएका छन् । उनलाई काठमाडौं स्थित शीतल
निवासमा प्रधानन्यायधिशबाट सपथ गराइदै छ ।
राष्ट्रपति यादवले सम्पूर्ण सभासद तथा जनतालाई धन्यवाद दिएका छन् । साउन ६
गते राष्ट्रपतिमा निर्वाचित भए लगत्तै उनले सबै पक्षवीच समन्वयकारीको
भूमिका निभाउने बताएका छन् ।
राष्ट्रपतिको लागि भएको निर्वाचनमा उनले प्रतिद्धन्द्धी रामराजा प्रसाद
सिंहलाई २६ मतले पराजित गरेका थिए । जम्मा ५ सय ९० मध्ये यादवले ३ सय ८ र
सिंहले २ सय ८२ मत प्राप्त गरेका छन् ।
संविधान सभाका अध्यक्ष कुलबहादुर गुरुङ्गले साँझ ६ बजे बसेको संविधान सभा
वैठकमा यादव राष्ट्रपतिमा निर्वाचित भएको घोषणा गरेका हुन् ।
उपराष्ट्रपतिमा भने मधेशी जनअधिकार फोरमका परमानन्द झा यसअघि नै विजय भई
सकेका छन् ।