www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

प्रचन्ड र ओबामाले ब्यहोर्नु परेको सैन्य नियती

काठमाण्डौ, 31 Jan, 09- नयाँ शक्तिलाई पुरानो परम्परावादी मान्यतासँग लड्न कति अप्ठेरो हुँदो रहेछ भन्ने कुरा १० बर्ष लामो जनयुद्ध लडेर प्रधानमन्त्री भएका पुष्पकमल दाहाल 'प्रचण्ड' र अमेरिकाको इतिहासमै काला जातिबाट पहिलो पटक राष्ट्रपति बनेका बाराक ओवामाले सेनाबाट ब्यहोर्नुपरेको अबरोधले दिएको छ।

नेपाली प्रधानमन्त्री प्रचण्ड र अमेरिकी राष्ट्रपति ओबामा दुबैले यतिबेला सेनाबाट अप्ठेरो झेलिरहेका छन् । अमेरिका र नेपालको इतिहासमा दुबै देशका शक्तिशाली राजनेताहरुले एकै पटक यस्तो अप्ठेरो स्थिति व्यहोर्नु परेको रोचक संयोग जुरेको छ ।

शान्ति सम्झौता विपरित भएको सैन्य भर्ना प्रकृया रोक्न सरकारले दिएको आदेश नेपाली सेनाका प्रधान सेनापति रुक्माङ्गद कटवालले मानेनन् भने अमेरिकी राष्ट्रपति ओबामालेपनि यस्तै चुनौति सेनाबाट झेल्नु परेको छ । ग्वान्तानामो टापुमा रहेको अमेरिकी सैनिक बन्दीगृहमा चलिरहेको मुद्धा स्थगित गर्न राष्ट्रपति ओबामाले दिएको आदेश सैनिक अदालतका न्यायाधिस जेम्स पोहलले मानिरहेका छैनन् । सैन्य भर्ना सम्बन्धमा देखिएको विवादलाई नेपालस्थित अमेरिकी राजदूतावासले चासोका साथ हेरिरहेका बेला स्वयं अमेरिकामा यस्तै विवाद सिर्जना भएको छ ।

राष्ट्रपति पदको सपथ लिएर लगत्तै राष्ट्रपति ओबामाले सो सैनिक अदालतमा चलिरहेका मुद्धाहरु ३ महिनासम्म स्थगित गर्न आदेश दिएका थिए तर न्यायाधिस पोहलले साउदी नागरिक अबद अल रहिम नासिरीको सुनुवाई भैरहेको मुद्धा स्थगित गर्न नमानेका समाचार विश्वभर प्रशारण भैसकेको छ । उनले सो मुद्धा छिट्टै टुङ्ग्याउनुपर्ने भन्दै स्थगित गर्न अस्वीकार गरेको बताइएको छ । जसरी अमेरिकामा देखिएको यो विवादको अन्त्य कसरी हुन्छ भन्ने थाहा छैन त्यस्तै नेपालमा देखिएको सैन्य भर्ना विवादको अन्त्य कसरी हुने हो त्योपनि अनिश्चित बनेको छ ।

विश्वकै शक्तिशाली राष्ट्र अमेरिकाका शक्तिशाली राष्ट्रपति ओबामाले सैनिक न्यायाधिसबाट जस्तो अप्ठेरो र अटेरी स्थितिको सामना गर्नु परेको छ त्यस्तै स्थितिको सामना नेपाली प्रधानमन्त्री प्रचण्डलेपनि भोग्दैछन् । जतिबेला राष्ट्रपति ओबामाको आदेश अनुसार नासिरीको मुद्धा स्थगित गर्न नसक्ने अवज्ञा सैनिक अदालतका न्यायाधिस पोहलले अस्वीकार गरे त्यही दिन नेपालमा पनि सेनाले सरकारको आदेश उल्लंघन गर्दै शुक्रबार सैन्य भर्नाको रिजल्ट प्रकासित गरिदिएको छ ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»