www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

कांग्रेस र एमालेलाई प्रधानमन्त्रीको झटारो

काठमाण्डौ, 1 Feb, 09- आफूले गरेका हरेक गतिविधिलाई अधिनायकवादी भन्ने सत्तारुढ एमाले र प्रमुख प्रतिपक्षी नेपाली कांग्रेसलाई प्रधानमन्त्री पुष्पकमल दाहाल 'प्रचण्ड' ले शनिवार निकै दर्हो शाब्दिक बाण प्रहार गरेका छन्।

गत आइतबारको आफ्नो सम्बोधन अनुसार सरकारी कामकाजलाई सजिलो बनाउन ३ वटा अध्यादेश ल्याउँदा कांग्रेस-एमालेले अधिनायकबादी भन्दै आलोचना गरेपछि प्रधानमन्त्रीले जस्तालाई त्यस्तै जवाफ फर्काएका हुन् । प्रधानमन्त्रीबाट यस्तो जवाफ पाएपछि अधिनायकबादीको आरोप लगाउने कांग्रेस र एमालेका नेताहरुको कुनै भनाई सार्वजनिक भएको छैन ।

कांग्रेसले अध्यादेश ल्याउनुले माओवादी अधिनायकवादी भएको भन्दै अध्यादेश फिर्ता लिन माग गरेको छ । सत्तामै भएको एमालेलेपनि त्यस्तै आरोप लगाएको छ । कर्णाली स्वायत्त प्रदेशको माग गर्दै ज्ञापनपत्र दिन गएका कर्णालीका प्रतिनिधिहरुसँग प्रधानमन्त्रीले भने- 'हामीविरुद्ध संकटकाल लगाएर आतंककारी अध्यादेश ल्याउने र जनताविरुद्ध अधिनायकवादी शासन थोपर्नेहरुले अहिले हामीलाई अधिनायकवादी भन्दै अध्यादेश फिर्ता लिने माग गरेका छन् अहिलेको अध्यादेश उनीहरुले जस्तो जनताको अधिकार खोस्न अहिले जनतालाई सुविधा दिनकालागि ल्याइएको हो ।'

माओवादी विरुद्ध २०५८ मा सेना परिचालनकालागि तत्कालिन नेपाली कांग्रेसको सरकारले अध्यादेशमार्फत् संकटकालीन अध्यादेश ल्याएको थियो जसलाई तत्कालिन प्रतिपक्षी दल नेकपा एमाले ले पनि समर्थन गरेको थियो । संकटकालीन अधिकारका कारण संविधान प्रदत्त वाक स्वतन्त्रता लगायतका अधिकारहरुसमेत निलम्बन गरिएका थिए । यस्तो अध्यादेशको मानव अधिकारवादी र ती पार्टीका कार्यकर्ताहरुले विरोध गरेका थिए । त्यही अध्यादेशकै कारण नेकपा एमाले विस्तारै कमजोर हुँदै गएको थियो । तर 'कालो अध्यादेश' ल्याउने दलहरुले नै आफूले ल्याएको अध्यादेशको विरोध गरेपछि प्रधानमन्त्री प्रचण्डले यस्तो जवाफ फर्काएका हुन् ।

मान्छे मार्न आतंककारी अध्यादेश ल्याउनेहरु नै अहिले परिवर्तनको अनुभूति दिलाउन अध्यादेशमार्फत् विधेयक ल्याउन खोज्दा विरोध गर्न थालेका छन् यो देख्दा हामीलाई अचम्म र लाज दुबै लागेको छ' प्रचण्डले भने- 'यसबाट के देखिन्छ भने उनीहरु विरोधकालागि विरोधमात्र गरिरहेका छन् उनीहरुमा नयाँ चेतनाको विकास भएको छैन, उनीहरुको दिमाग अहिलेपनि पुरानै पाराले चलिरहेको छ ।' उनले अध्यादेशमार्फत् जनतालाई सरकारले छिटोभन्दा छिटो राहत दिन खोज्दा विरोध गर्नुले उनीहरु वास्तवमा जनविरोधी भएको बताएका थिए ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»