www.USNepalOnline.Com: Nepalese News Live from the capital of the world-New York City

News from Nepal & New York

'जनसेनालाई नेपाली सेनामा 'मर्ज' गर्ने होइन समायोजन गरिने'- प्रधानमन्त्री

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

काठमाण्डौं, October 17, 2008- प्रधानमन्त्री पुष्पकमल दाहाल 'प्रचण्ड' ले सबै जन सेनालाई नेपाली सेनामा विलय नगरिने बताएका छन् । प्रचण्डले भने- 'सेना समायोजनका लागि मन्त्रि परिषदको आगामी बैठकले विशेष समिति गठन गरी प्रकृया अगाडि बढाउनेछ ।'

बाढीपिडितका लागि संकलन गरेको २ लाख ८९ हजार ७ सय ५४ रुपियां हस्तान्तरणपछि बोल्दै उनले जनसेनालाई पूराकापूर 'मर्ज' गर्ने नभई समायोजन र पुनःस्थापना गरिने बताए ।

'नेपाली सेनामा जनसेनालाई पूराकापूरा मर्ज गर्ने भनेको होइन समायोजन र पुनःस्थापना गर्ने भनेको हो' सोही अवसरमा प्रचण्डले भने- 'सेना समायोजनका लागि मन्त्रि परिषदको आगामी बैठकले विशेष समिति गठन गरी प्रकृया अगाडि बढाउनेछ ।' सेना समायोजनबारे आएको विवादास्पद अभिव्यक्तिबाट आफू आश्चर्यचकित भएकोपनि प्रधानमन्त्री प्रचण्डले बताए ।

आफ्नो दिमागमा सेना समायोजन नगर्ने भन्ने शब्दावलीसमेत नरहेको उनको भनाई थियो । बृहत शान्ति सम्झौतामा सेनाको समायोजन र पुनःस्थापना गर्ने उल्लेख गरेकाले सोहीबमोजिम प्रकृया बढाउने बताएका प्रधानमन्त्रीले परराष्ट्रमन्त्री उपेन्द्र यादवले सेना समायोजनबारे दिएको अभिव्यक्ति गलत भएको उनको ठहर थियो ।

परराष्ट्रमन्त्री उपेन्द्र यादवले 'प्रधानमन्त्रीले कतिपय अन्तर्राष्ट्रिय मन्‍चहरुमा माओवादीको जनमुक्ति सेनालाई नेपाली सेनामा समायोजन नगर्ने भनी अभिव्यक्ति दिएको बताएका थिए । यसबारेमा आफूले यादवसँग जानकारी मागेको बताउँदै प्रधानमन्त्री प्रचण्डले भने- 'मैंले परराष्ट्र मन्त्रीजीसँग उहाँको यो अभिव्यक्तिबारे सोध्दा उहांले समायोजन नभई मर्ज गर्न नहुने भनेको बताउनुभयो ।'

प्रधानमन्त्री प्रचण्डले सेना समायोजनकालागि विशेष समितिले मापदण्ड तयार गर्ने र जनसेनालाई नेपाली सेनाका अलवा प्रहरी, सीमा सुरक्षा, औद्योगिक बलमा समायोजन गर्न सकिने बताए । 'जन सेनाको इच्छालाई पनि ध्यानमा दिएर समायोजन प्रकृया अगाडि बढाइनेछ' प्रधानमन्त्रीको भनाई थियो- 'बृहत शान्ति सम्झौतामा सेनाको समायोजन र पुनःस्थापना गर्ने बुंदा उल्लेख भएकोले यो त्यति गम्भीर विषय होइन ।'

शान्ति प्रकृयालाई तार्किक निष्कर्षमा पुर्याउन सरकार कटिवद्ध भएर लागेको बताउँदै प्रचण्डले संविधान निर्माणलाई समयमै पूरा गर्न सरकारले तत्काल काम थाल्नेपनि बताएका छन् । 'दुई वर्षमै संविधान निर्माण हुन्छ' प्रधानमन्त्रीको भनाई थियो- 'दलहरुबीच सहमति र सहकार्य निर्माण गरी संविधान निर्माणलाई समयमै पूरा गरिनेछ ।'

शान्ति प्रकृयालाई तार्किक निष्कर्षमा पुर्याउनकालागि देशमा सहमति र सहकार्य स्थापित हुँदै गएको बताएका प्रधानमन्त्री प्रचण्डले नेपाली कांग्रेसका सभापति गिरिजाप्रसाद कोइरालासंग सहमति र सहकार्यका बारेमा आगामी शनिबार कुराकानी गर्ने जानकारीपनि दिएका छन् । 'संविधान निर्माणमा सबैको सहयोग चाहिन्छ' प्रधानमन्त्रीको भनाई थियो- 'गिरिजाबाबुसँग त्यसबारे शनिवार कुरा गर्नेछु ।'

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»