www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

जनसेनाको मासिक भत्ता ३ हजारबाट ५ हजार पुग्यो
जनतालाई राहत दिन नसक्दा सरकार बदनाम बन्दै

काठमाण्डौं, October 6, 2008- प्रधानमन्त्री पुष्पकमल दाहाल 'प्रचण्ड' ले आपूर्ति मन्त्री राजेन्द्र महतोलाई दशैंको मुखमा अत्यावश्यक बस्तुमा भएको कालोबजारी नियन्त्रण तथा आपूर्ति व्यवस्था सहज बनाउन निर्देशन दिएका छन् ।

आइतबार सम्पन्न मन्त्री परिषद्को बैठकमा प्रधानमन्त्री प्रचण्डले आफ्नो निर्देशनलाई कडाईका साथ पालना गर्नपनि आपूर्तिमन्त्रीलाई भनेका छन् । यसैगरी प्रधानमन्त्रीले अस्थायी शिविरमा रहेका माओवादी जनसेनाको मासिक तलबमानमा २ हजार बृद्धिको निर्णयपनि मन्त्री परिषदको बैठकबाट गराएका छन् ।

दशैंको मुखमा राजधानी लगायत देशभरि खाद्य लगायत अन्य अत्यावश्यक बस्तुको भाउ आकासिएको छ । मन्त्री महतोले आपूर्ति व्यवस्था सहज बनाइएको दावी गरेपनि व्यवहारमा त्यो देखिएको छैन । उपभोग्य बस्तुको मूल्यबृद्धि ३६ देखि ४० प्रतिसतसम्म भएको सर्वेक्षणहरुले देखाएका छन् । ग्याँसलगायतका पेट्रोलियम पदार्थ महङ्गो मूल्य तिर्दापनि पाउनसक्ने स्थिति छैन । दशैं आइसक्दापनि राजधानीमा गरिव तथा मजदुरहरुले मट्टितेलकालागि दिनभर लाइन बसेको दृष्य देख्न पाइन्छ ।

मूल्यबृद्धि, कालोबजारी र अत्यावश्यक बस्तुको अभावका कारण माओवादी नेतृत्वको सरकारको छविपनि अघिल्ला सरकारको जस्तै हुन थालेको छ । आव २०६५-२०६६ को बजेटमा सर्वसाधारणकालागि प्रसस्तमात्रामा राहतका कार्यक्रम ल्याइएपनि मूल्यबृद्धि, अभाव र कालोबजारी नियन्त्रण नभएका कारण जनताले माओवादी नेतृत्वको सरकारलाईपनि 'जुन जोगी आएपनि कानै चिरेको' भन्न थालेका छन् । यो स्थितिका कारण विस्तारै माओवादीको छविपनि अन्य पार्टीको जस्तै बन्न थालेको छ ।

माओवादीलाई समर्थन गर्ने जनसाधारण र पार्टी पंक्तिबाटैपनि यो स्थितिको अन्त्य गर्न प्रचण्डमाथि कडा दबाब परेपछि आइतबारको मन्त्री परिषद्को बैठकमा प्रधानमन्त्रीले आपूर्तिमन्त्रीलाई उपरोक्त निर्देशन दिएका थिए । श्रोतका अनुसार माओवादी नेतृत्वमा सरकार बनेयता सबैभन्दा लामो आइतबारको बैठकमा अधिकांस समय आपूर्ति व्यवस्थालाई कसरी सहज बनाउने भन्ने विषयमा छलफल भएको थियो । सबै मन्त्रीहरुले यो स्थितिका कारण सरकार र मन्त्रीहरु बदनाम बन्दै जान थालेकोमा चिन्ता व्यक्त गरेका थिए ।

आपूर्ति व्यवस्था सहज बनाएर जनतालाई राहत दिन मन्त्री महतोलाई निर्देशन दिएका प्रधानमन्त्रीको विशेष आग्रहमा अस्थायी शिविरमा रहेका माओवादी जनसेनाको मासिक भत्तामापनि बृद्धि गरिएको छ । अन्य दलको विरोधका बाबजुद प्रधानमन्त्रीको बिशेष जोडमा जनसेनाको मासिक भत्ता ३ हजारबाट बढाएर ५ हजार पुर्याइएको छ । जनसेनाले मासिक १८ सय रुपैयाँ थप रासनभत्तापनि पाउँदै आएका छन् । बजेटमार्फत् राष्ट्रसेवक कर्मचारीहरुको तलब मासिक २ हजार बढेकाले जनसेनाको तलवमापनि बृद्धि गरिएको हो ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»