www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

माओवादी सेनाका क्यान्टोनमेन्टहरुमा भर्तिकालागि युवा-युवतिहरुको भीड
दुबै सेनाले सरकारको आदेश मान्नुपर्ने-प्रधानमन्त्री प्रचण्ड

काठमाण्डौ, 6 Mar, 09- प्रधानमन्त्री पुष्पकमल दाहाल 'प्रचण्ड' ले दुबै सेनाले सरकारको आदेश मान्नुपर्ने बताएका छन् । उता शान्ति सम्झौता विपरित नेपाली सेनाले खोलेको भर्तिलाई सरकारले रोक्न नसकेपछि माओवादी जनमुक्ति सेनालेपनि यसैहप्तादेखि भर्ति खोलेको छ ।

दुबै सेनाले सरकारको आदेश विपरित नयाँ सैन्य भर्ना लिएपछि प्रधानमन्त्री प्रचण्डको यो अभिव्यक्ति आएको हो । पछिल्लो स्थितिले सरकारको नियन्त्रणमा दुबै सेना नरहेको देखाएको छ ।

माओवादी सेनामा भर्तिकालागि सयौं युवाले दर्खास्त दिइसकेका छन् । जनमुक्ति सेनाका क्यान्टोनमेन्टहरुमा भर्तिकालागि युवा-युवतिहरुको भीड नै लागेको छ ।

पछिल्लो समयमा माओवादी नेतृत्वमा रहेको जनमुक्ति सेनासमेत आफ्नै पार्टीप्रति असन्तुष्ट देखिएको छ जसका कारण प्रधानमन्त्रीसमेत रहेका माओवादीका अध्यक्ष प्रचण्डले भर्ति रोक्न आदेश दिएपनि उसले त्यो नमान्ने बताइसकेको छ । शान्ति सम्झौता विपरितको भर्ति नेपाली सेनालेपनि रोकेमामात्र आफूलेपनि भर्ति रोक्ने जनमुक्ति सेनाले बताएको छ ।

दुबै सेनाले भर्ति रोक्न नमानिरहेका बेला प्रधानमन्त्री प्रचण्डले दुबै सेनाले सरकारको आदेश मान्नुपर्ने बताएका हुन् । ११ औं अखिल नेपाल कानून व्यवसायी सम्मेलनको उद्घाटन गर्दै प्रधानमन्त्री प्रचण्डले भने- 'जनमुक्ति सेनापनि विशेष समितिको मातहतमा गैसकेकाले भर्ति रोक्न सरकारले दिएको आदेश उसले मान्नुपर्छ ।'

प्रधानमन्त्रीले नेपाली सेनालाईपनि सरकार र सर्वाेच्च अदालतले दिएको आदेश मान्न आग्रह गरेका छन् । सरकारले यसअघि सैनिक भर्ना रोक्न आदेश दिएपनि सेनाले जारी राखेको थियो । भर्तिका विरुद्धमा सर्वाेच्च अदालतमा मुद्दा परेपछि सर्वोच्चले पनि रोक्न अन्तरिम आदेश जारी गरिसकेको छ ।

तर सेनाले भर्ति समाप्त भै तालिमसमेत सुरु भैसकेको बताएको छ । सेनाले तालिमसमेत सुरु भएको बताएपछि अदालतमा परेको मुद्धाको सम्बन्धमा सत्तारुढ पाँचदलीय गठबन्धनले सैनिक भर्तिलाई मान्यता दिने निर्णय गरिसकेका थिए । यस्तो निर्णय सार्वजनिक भएपछि जनमुक्ति सेनाले यो निर्णय आफ्नालागि पनि लागू हुने बताउँदै भर्ति सुरु गरेको थियो ।

-Sitaram Baral in Kathmandu

Read our more related news: New Archive

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»