www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

पेट्रोलियमको मूल्य घटेपनि दैनिक उपभोग्य बस्तुको मूल्य ज्‍यूँकात्‍यूँ

काठमाण्डौं, October 26, 2008- अन्तर्राष्ट्रिय बजारमा पेट्रोलियम पदार्थको मूल्यमा आएको भारी गिरावटलाई मध्यनजर गर्दै नेपाल आयल निगमले नेपालमा पनि इन्धनको मूल्य घटाउने निर्णय गरेको छ ।

पेट्रोलियम पदार्थको मूल्यबृद्धिकाकारण दैनिक उपभोग्य बस्तु र यातायातको पनि मूल्य बढेको थियो । तर पेट्रोलियम पदार्थको मूल्य घटेपनि यातायात र दैनिक उपभोग्य बस्तुको मूल्य भने घटाइएको छैन । तिहारको मुखैमा सरकारले दैनिक उपभोग्य बस्तुको मूल्यपनि घटाउने हो भने सरकारप्रति जनविश्वास अरु बढ्ने देखिन्छ ।

अन्तर्राष्ट्रिय बजारमा तेलको मूल्यमा भएको गिरावटसँगै पेट्रोलको मूल्य १ सय रुपैयाँबाट घटाएर ९५ रुपैयाँमा झारिएको छ । यसअघि पेट्रोलको मूल्य ८० रुपैयाँबाट बढाएर १ सय रुपैयाँ पुर्याइएको थियो । जानकारीअनुसार मूल्य घटाइएपनि पेट्रोलबाट निगमलाई अझैपनि ११ रुपैयाँ नाफा हुनेछ । यसअघि मासिक डेढ अर्वसम्म घाटामा रहेको निगम अन्तर्राष्ट्रिय बजारमा पेट्रोलियम पदार्थको मूल्य घटेपछि मासिक एक करोडभन्दा बढि नाफा कमाउन थालेको छ ।

यसैगरी डिजेलको मूल्यपनि प्रतिलिटर ७० रुपैयाँ कायम गरिएको छ । यसअघि यसको मूल्य ८० रुपैयाँ पुगेको थियो । मूल्य घटाइँदा डिजेलमा अहिले प्रतिलिटर २ रुपैयाँ घाटा रहेको आपूर्ति मन्त्री राजेन्द्र महतोले बताएका छन् । हवाई इन्धनमापनि यसअघिको प्रतिकिलोलिटर एक हजार ५ सय अमेरिकी डलरबाट घटाएर १ हजार ४ सय डलर पुर्याइएको छ ।

पेट्रोलमा अहिलेपनि ११ रुपैयाँ नाफामा रहेको निगम हवाई इन्धनमा प्रतिलिटर १६ रुपैयाँ नाफामा रहेको बताइएको छ । पेट्रोल डिजेल र हवाई इन्धनमा मूल्य घटाइएपनि निगमले मट्टितेल र ग्याँसमा घाटा रहेको बताउँदै मट्टितेल र ग्याँसको मूल्य भने घटाएको छैन । निगमकाअनुसार प्रति सिलिण्डर ग्याँसमा ३ सय ७४ रुपैयाँ र मट्टितेलमा प्रतिलिटर ७ रुपैयाँ घाटा छ । बजारमा ग्याँस र मट्टितेलको अभाव अहिलेपनि कायम छ ।

नेपालका सबै मालबाहक गाडीहरु पेट्रोल र डिजेलबाट चल्दै आएका छन् । त्यसैले पेट्रोल र डिजेलको मूल्यबृद्धिसँगै गाडीबाट ओसार-पसार हुने दैनिक उपभोग्यलगायतका बस्तुहरुकोपनि मूल्यबृद्धि हुने गरेको छ । पेट्रोलियम पदार्थमा यसअघि भएको मूल्यबृद्धिका कारण यी बस्तुको मूल्य साविककोभन्दा ३०-४० प्रतिसत बृद्धि भैसकेको छ । तर सोमबार मूल्य घटेपनि व्यापारीहरुले दैनिक उपभोगका बस्तुहरुको मूल्य घटाउने तरखर भने गरेका छैनन् ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»