www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

नेपाली कांग्रेसको संघीय संरचनामा ६ प्रदेशको अवधारणा

काठमाण्डौं, November 30, 2008- संविधान सभामा सहभागी अधिकांश दलहरुले राज्यको पुनःसंरचना सम्बन्धीको अवधारणा सार्वजनिक गरिसकेको अवस्थामा प्रमुख प्रतिपक्षी दल नेपाली कांग्रेसले पनि संघीय संरचनाको अन्तिम तयारी गरिरहेको छ ।

कांग्रेसले अघि ल्याउन लागेको राज्यको पुनःसंरचनासम्बन्धीको अवधारणा ६ प्रदेशको हुने स्रोतले बताएको छ ।

कांग्रेसले पूर्व प्रदेश, मध्यप्रदेश, बाग्मती प्रदेश, गण्डक प्रदेश, पश्चिम प्रदेश र कर्णाली प्रदेश गरी ६ प्रदेशको अवधारणा सार्वजनिक गर्दैछ ।

नेपाली कांग्रेसका एक केन्द्रीय सदस्यले कांग्रेसको यससम्बन्धी अवधारणाको अन्तिम तयारी पूरा भएको र चाँडै सो अवधारणा सार्वजनिक गरिने यूएसनेपाल अनलाईनसँग बताउनुभयो ।

कांग्रेसले अघि सार्ने अवधारणामा पूर्व प्रदेशमा इलाम, ताप्लेजुङ, पाँचथर, तेह्रथुम, संखुवासभा, भोजपूर, सोलुखुम्बु, ओखलढुंगा, खोटाङ र उदयपूर गरी १४ जिल्ला समेटिएको छ भने मध्यप्रदेशमा सप्तरी, सिरहा, धनुषा, महोत्तरी, सर्लाही, सिन्धुली, रामेछाप, रौतहट, बारा, पर्सा र मकवानपूर गरी ११ जिल्ला समेटिएको छ ।

यसैगरी बाग्मती प्रदेशमा काठमाण्डौं, ललितपुर, भक्तपुर, नुवाकोट, रसुवा, धादिङ, दोलखा, सिन्धुपाल्चोक र काभ्रे गरी ९ जिल्लाको प्रस्ताव गरिएको छ । त्यस्तै चितवन, गोर्खा, लमजुङ, तनहुँ, स्याङ्जा, कास्की, मनाङ, मुस्ताङ, म्याग्दी, पर्वत, बाग्लुङ, पाल्पा र नवलपरासी गरी १३ जिल्लाको गण्डक प्रदेश बनाउन लागिएको छ।

यसैगरी पश्चिम प्रदेशमा रुपन्देही, अर्घाखाँची, गुल्मी, कपिलवस्तु, प्युठान, रोल्पा, डोल्पा, रुकुम, सल्यान, दाङ, बाँके, बर्दिया, सुर्खेत र जाजरकोट गरी १३ जिल्लालाई समेटिएको छ भने कर्णाली प्रदेशमा दार्चुला, जुम्ला, कालिकोट, मुगु, हुम्ला, बाजुरा, बझाङ, दैलेख, अछाम, डोटी, कैलाली, कन्‍चनपुर, डडेल्धुरा र बैतडीलाई समेट्ने प्रयास गरिएको छ ।

कांग्रेसले ६ प्रदेशको प्रस्ताव अघि बढाउन खोजे पनि यस्तो खाकाले कांग्रेसलाई झन् कमजोर बनाउने भनेर कांग्रेसभित्रै मतान्तर भइरहेको स्रोतले बताएको छ ।

स्रोत साधनले सम्पन्न भएका अन्य कतिपय जिल्लाहरुलाई मिलाएर ऐतिहासिक आधारमा जाति, भाषा र जनसंख्यालाई मिलाइएको खाका अघि सार्न केहि नेताहरुले जोड दिएको पनि स्रोतले बताएको छ ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»