www.USNepalOnline.Com: Nepalese News Live from the capital of the world-New York City

News from Nepal & New York

नेपाल विकसित र सम्बृद्ध बनाउन प्रवासी नेपालीहरुको भूमिका -परराष्ट्रमन्त्री यादव

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

Minister Upendra Yadav while he was in New York. Photo: eEyeCam

काठमाण्डौं, October 16, 2008-परराष्ट्र मन्त्री उपेन्द्र यादवले अमेरिकामा व्यवसाय गर्दै आएका एक इजरायली व्यापारीले आ-आफ्नो देशलाई सम्बृद्ध पार्न प्रवासी नागरिकहरुले के के गर्न सक्छन् भन्ने बारेमा आफूलाई भनेको एउटा कुरा निकै घतलाग्दो भएको बताएका छन् ।

संयुक्त राष्ट्र संघीय महासभामा भाग लिन अघिल्लो हप्ता न्यूयोर्क पुगेका परराष्ट्रमन्त्री यादवसँग अमेरिकामा बसोबास गरेका ती इजरायली व्यापारीको भेट भएको रहेछ ।

ती व्यापारीले मन्त्री यादवलाई भनेछन्- 'सन् १९५६ मा अरेवियन मुलुकहरुले हाम्रो देशमाथि निकै भीषण हमला गरे हमलाका कारण हाम्रो देशको अस्तित्व झण्डै लोप भएन । अन्तिम लडाईं इजरायलले जितेकाले देशको अस्तित्व समाप्त हुनबाट जोगियो । तर आक्रमणका कारण देश तहस नहस भएको थियो । यद्यपी हामी प्रवासी इजरायलीहरुको सहयोगका कारण आजको सम्पन्न इजरायल बनेको हो ।'

'हाम्रो देश सम्बृद्ध भएकैले हामीले यहाँ अमेरिकीहरुबाट इज्जत र सम्मान पाएका हौं' ती व्यापारीको थप भनाई रहेछ- 'यदि हाम्रो देश सम्बृद्ध नहुँदो हो त हामीले यस्तो इज्जत र सहयोग पाउने थिएनौं ।' नेपाललाई विकसित र सम्बृद्ध बनाउन प्रवासी नेपालीहरुलेपनि त्यस्तै भूमिका निर्वाह गर्नुपर्ने बताउँदै परराष्ट्रमन्त्री यादवले भने- 'अनिमात्र विश्वको जुन कुनामा गएपनि नेपालीहरुले इज्जत र मानसम्मान पाउनेछन् ।'

अमेरिकाको क्यालिफोर्नियामा रहेका नेपालीहरुको संस्था 'मदरल्याण्ड नेपाल' द्धारा राजधानीमा आयोजित कार्यक्रममा परराष्ट्रमन्त्री यादवले उपरोक्त मार्मिक भनाई सुनाए । सो संस्थाले 'शान्ति निर्माण प्रकृयामा प्रवासी नेपालीको भूमिका' बिषयक कार्यक्रमका प्रमुख अतिथि मन्त्री यादवले भने- 'प्रवासी नेपालीहरुले कमाएको सम्पत्ति र अनुभवले नेपाललाई सम्बृद्ध र शान्त बनाउन निकै ठूलो भूमिका खेल्न सक्छ ।'

नेपालमा जलश्रोत लगायतका प्राकृतिक श्रोत पर्याप्तमात्रामा भएको बताउँदै मन्त्री यादवले पूँजीको अभावका कारण यसलाई राष्ट्रको हितमा प्रयोग गर्न नसकिएको बताए । पूँजी भएका गैर आवासीय नेपालीहरुले नेपालमै आफ्नो पूँजी विकास निर्माणकालागि लगानी गर्न उनले आव्हानपनि गरे । उनको भनाई थियो- 'यसकालागि शान्तिको आवस्यकता छ शान्तिपूर्ण वातावरण निर्माण गर्न सरकार दत्तचित्त छ ।'

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»