www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

नेपालको मौद्रिक नीति सार्वजनिक

काठमाडौँ, September 28, 2008- नेपाल राष्ट्र बैंकले आर्थिक वर्ष २०६५/६६ को लागि सतर्कपूर्ण र कडा मौद्रिक नीति अपनाउने भएको छ।

पेट्रोलियम पदार्थको मूल्यमा थप समायोजन भएन भने यसवर्षको औसत मुद्रास्फीति ७.५ प्रतिशत रहने राष्ट्र बैंकले मौद्रिक नीतिमा प्रक्षेपण गरेको छ।

मूल्य वृद्धि, अधिक मौद्रिक विस्तारले वस्तु र सेवाको मूल्य बढ्न सक्ने भएकाले सतर्कपूर्ण मौद्रिक नीति ल्याइएको बैंकले जनाएको छ । नेपाल सानो तथा खुला अर्थतन्त्र र स्थिर विनिमय दर प्रणाली रहेको मुलुकको सन्दर्भमा आन्तरिक उपभोक्ता मुद्रा स्फिती अन्तर्राष्ट्रिय मूल्यबाट बढी प्रभावित हुने देखिए तापनि अधिक मौद्रिक विस्तारले अल्पकालमा शेयर, रियल इस्टेट, घरजग्गा र मुद्राको मूल्यलाई प्रभाव पार्ने सम्भावना समेतलाई आर्थिक वर्ष २०६५/६६ को मौद्रिक नीतिले दृष्टिगत गरेको छ ।

बैंक तथा वित्तीय संस्थाहरुले शेयरको धितोमा अत्यधिक कर्जा प्रवाह गर्दा शेयरको मूल्य माथि गई तल झर्दा निष्कृय कर्जाको मात्रा बढ्ने र बैंकिङ्ग क्षेत्रमा सङ्कट आउने स्थितिलाई ध्यानमा राखी मौद्रिक नीतिको अडान तय गरिएको हो ।

बैंकहरुले रियल इस्टेटमा प्रवाह गरेको कर्जाको उल्लेख्य मात्रा र रियल इस्टेटको बढ्दै गरेको मूल्यलाईसमेत दृष्टिगत गरी आर्थिक वर्ष २०६५/६६ को मौद्रिक नीतिको अडान तय गरिएको छ । उच्च मुद्रास्फीतिका कारण यथार्थ ब्याजदर लामो समयसम्म ऋणात्मक रहेको कारण बैंक तथा वित्तीय संस्थाहरुसँग निक्षेप यथेष्ट मात्रामा रहे तापनि वित्तीय साधनको कुशल बाँडफाँड हुन नसकेको स्थितिलाईसमेत सम्बोधन गर्ने उद्देश्यले आर्थिक वर्ष २०६५/६६ को मौद्रिक नीतिको अडान तय गरिएको राष्ट्र बैंकले जनाएको छ ।

यस्तै आर्थिक वर्ष २०६५/६६ को मौद्रिक नीतिको दोस्रो प्राथमिक लक्ष्यको रुपमा कम्तीमा ६ महिनाको वस्तु तथा सेवा आयात धान्न सक्ने विदेशी विनिमय सन्‍चितिलाई लिइएको छ । विदेशी विनिमय सन्‍चितिको लक्ष्य हासिल गर्न आर्थिक वर्ष २०६५/६६ को लागि शोधनान्तर बचत लक्ष्य रु १२ अर्ब राखिएको छ ।

आर्थिक वर्ष २०६५/६६ को बजेट वक्तव्यमा उल्लेखित ७.० प्रतिशतको आर्थिक वृद्धि हासिल गर्न आवश्यक पर्ने मौद्रिक तरलताको व्यवस्थापन गरिने र आर्थिक वर्ष २०६५/६६ मा विस्तृत मुद्रा प्रदायको वृद्धिदर १८.५ प्रतिशत रहने प्रक्षेपण छ ।

यस्तै आर्थिक वर्ष २०६५/६६ मा कुल आन्तरिक कर्जा २३.३ प्रतिशतले वृद्धि हुने राष्ट्र बैंकले प्रक्षेपण गरेको छ।

यसैगरी मौद्रिक तथा कर्जा उपायमा केन्द्रीय बैंकले आर्थिक वर्ष २०६५/६६ देखि वाणिज्य बैंकहरुका अतिरिक्त विकास बैंक र वित्त कम्पनीलाई पनि मौद्रिक नीति सन्‍चालनका निम्ती समकक्षीको रुपमा लिने व्यवस्था गरिएको छ । राष्ट्र बैंकले समकक्षीको रुपमा वाणिज्य बैंक, विकास बैंक र वित्त कम्पनीसँग दोस्रो खुला बजार कारोबार सन्‍चालन गर्ने भएको छ । नेपाल सरकारको ट्रेजरी बिल्स र विकास ऋणपत्रको धितोमा अल्पकालीन स्थायी तरलता सुविधा यसअघि वाणिज्य बैंकलाई मात्र दिएकोमा अबदेखि विकास बैंक र वित्त कम्पनीलाई पनि सो सुविधा दिइने छ।

आर्थिक वर्ष २०६५/६६ को बजेट आउन ढिलाइ भएकाले मौद्रिक नीति सार्वजनिक गर्न ढिलो भएको हो ।

-Santa Bagam in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»