www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

नयाँ नेपालको समावेशी संविधान २०६७ जेठ १४ गते आउने

काठमाण्डौं, November 14, 2008- नयाँ नेपालको समावेशी संविधान २०६७ जेठ १४ गते आउने भएको छ । सबै जाति, भाषा, क्षेत्र तथा पिछडिएका सम्पूर्ण समुदायको हक, अधिकार समेटिएको नयाँ संविधान एक राष्ट्रिय समारोहको आयोजना गरेर राष्ट्रपतिले सार्वजनिक गर्ने छन् ।

कार्यक्रम तालिकाअनुसार मंसिर १५ गते भित्र संविधान सभा उपाध्यक्षको निर्वाचन सम्पन्न भईसक्ने छ । संविधान सभाका समितिहरुको गठन, समितिका सभापतिको निर्वाचन र संविधान निर्माण कार्यमा आवश्यक विशेषज्ञ सेवाको क्षेत्र पहिचान गरी सोको विस्तृत विवरण बनाउने कार्य मंसिर ३० गतेसम्ममा सम्पन्न हुनेछ ।

यसैगरी पुस १ देखि १५ गते भित्र प्रत्येक समितिले आफ्नो कार्यक्षेत्र भित्र पर्ने विषय र सो अन्तर्गत साचालन हुने गतिविधि सहितको कार्यतालिका निर्माण, सबै समितिको कार्यतालिका अन्तिम रुप दिने र नागरिक शिक्षा तालिम तथा अभिमुखीकरण कार्यक्रमको शूरुवात गर्ने कार्य गरिने भएको छ ।
नयाँ संविधानको अवधारणाको सम्बन्धमा व्यापक छलफल, विचार, विमर्श नागरिक समाज, विशेषज्ञ र आम नागरिकबाट राय सुझाव लिने कार्य पुस महिनाभित्र सकिनेछ भने ०६५ फागुन र चैत्र महिनामा अवधारण पत्रको आधारमा विषयगत समितिहरुले संविधानको प्रारम्भिक मस्यौदा तयार गर्ने कार्य पुरा हुनेछ ।

यसैगरी २०६६ वैशाख र जेठ महिना भरीमा विषयगत समितिहरुले तयार पारेको अवधारणा पत्र र प्रारम्भिक मस्यौदा संविधान सभामा पेश गरी छफफल गरिने छ । संवैधानिक समितिले सभाले दिएको सुझाव र विषयगत समितिबाट पेश भएका मस्यौदालाई एकिकृत गरी नयाँ संविधानको पहिलो मस्यौदा तयार गर्ने कार्य सोही वर्षको असार र साउन महिनामा सकिने छ ।

भदौ महिना भित्र संवैधानिक समितिले तयार गरेको संविधानको पहिलो मस्योदा पूर्ण वैठकमा पेश गर्ने र छलफल गर्ने काम पुरा हुने छ । असोज १ देखि १४ गते भित्र संविधानको पहिलो मस्यौदालाई अन्तिम रुप दिई जनताको राय प्रतिकि्रयाको लागि नेपाल राजपत्रमा प्रकाशन गर्ने र जनमत संकलन र समन्वय समितिले संविधानको पहिलो मस्योदा माथि जनताको राय सुझाव लिने कार्ययोजना पुरा हुने गरिने तालिका बनेको छ ।

संविधानको पहिलो मस्यौदा माथि व्यापक सुनुवाई, गोष्ठी, अन्तकि्रया गराउने र जुनसुकै माध्यमबाट ग्रहण गर्ने तथा सभासदहरुले आ-आफनो जिल्ला क्षेत्र र मुलुकको विभिन्न भागमा जाने र जनताका राय, सुझाव लिनको लागि असोज १५ देखि मंसिर मसान्तसम्म छुट्टयाइएको छ । पुस महिना भित्र जनताको राय सुझाव सम्बन्धी विस्तृत प्रतिवेदन तयार गरी सभामा पेश गर्ने कार्यक्रम राखिएको छ ।

माघ १ देखि १४ गतेभित्र जनताको सुझा सम्बन्धी प्रतिवेदनमाथि पूर्ण वैठकमा छलफल हुनेछ । संविधानको पहिलो मस्यौदा जनताको राय बमोजिम परिमार्जन गरी संविधानको विधेयक सभामा पेश गर्न र संविधानको विद्येयकको प्रति सबै सभासदहरुलाई वितरण गर्ने कार्य माघ १५ देखि फागुन १७ गते भित्र सकिने छ । फागुन २३ गतेभित्र अन्तरिम संविधान र संविधान सभा नियमावली बमोजिम संविधानको विद्येयकमाथि सभामा सामान्य छलफल हुनेछ । विद्येयकमाथि सभासदहरुलाई संशोधन राख्ने म्याद फागुन ३० गतेसम्मलाई तोकिएको छ ।

संशोधन सहित विधेयकमाथिको दफाबार छलफल सभामा गर्ने र प्रत्येक धारामा उपधारामा निर्णय गर्दै जाने समय ०६६ चैत्र १ देखि ०६७ वैशाख ३० गतेसम्मलाई तोकिएको छ । जेठ १ देखि ७ गतेभित्र नयाँ संविधानको प्रश्तावना सहित सम्पूर्ण भाग सभाबाट पारित गरिने छ ।

कार्यतालिकाको अन्तिम हप्ता अर्थात २०६७ जेठ ८ देखि १४ गतेभित्र पारित संविधानको प्रकाणिकरण प्रति तयार गरी सभासदहरुले हरुताक्ष गर्ने सभाअयक्षले प्रमाणीकरण गर्ने र संविधानले औपचारिक राष्ट्रिय समारोहको आयोजना गरी अध्यक्षले पारित संविधान राष्ट्रपति समक्ष पेश गर्ने र राष्ट्रपतिले सोही समारोहबाट नेपाली जनता समक्ष संविधान सार्वजनिक गरी संविधान लागू भएको घोषणा गर्ने उल्लेख छ।

-Santa Bagam in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»