www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

नेपाल र भारतबीचको सन्‌ १९५० को सन्धि किन जलाइयो?

सन्धि जलाएपछि कार्यक्रममा नारावाजी गर्दै मोर्चाका अध्यक्ष फणिन्द्र नेपाललगायतका कार्यकर्ताहरु Photo: Sharmila

काठमाडौं, August 1, 2008- नेपाल र भारतबीच सन्‌ १९५० मा भएको सन्धि विहीबार केही राष्ट्रवादीहरुले जलाएका छन् । एकीकृत नेपाल राष्ट्रिय मोर्चाले नेपाल नामक संगठनले सन्धिका धारा ५ ६ र ७ नेपालको पक्षमा नभएको भन्दै राजधानीको पुरानो बसपार्कमा आयोजित कार्यक्रममा जलाएको हो । सन्धि जलालाउन लाग्दा प्रहरीले हस्तक्षेप गरेको दावी मोर्चाले गरेको छ । असमान र नेपालको सार्वभौमसत्ता विपरित भनिएको सो सन्धि भएको ठीक ५९ वर्ष पुगेको अवसर पारेर जलाइएको मोर्चाका अध्यक्ष फणिन्द्र नेपालले बताए । सन्धि १९५० को जुलाई ३१ मा गरिएको थियो ।

शान्ति तथा मैत्री सन्धिमा नेपालका तर्फबाट प्रधानमन्त्री मोहन शमशेर जबरा र भारतका तर्फबाट नेपालका लागि तत्कालीन भारतीय राजदूत चन्द्रेश्वरप्रसाद नारायण िसंहले हस्ताक्षर गरेका थिए । मोर्चाले सो सन्धी बदनियतपूर्वक भएको पनि आरोप लगाएको छ । स्मरणीय छ, सो सन्धि सन् १९५० को सन्धिको नामले चर्चित छ ।

सन्धिमा नेपालको सुरक्षा मामिलामा भारतीय संलग्नताको व्यवस्था गरिएको र त्यसले भारतीयहरुको आगमन अनियन्त्रित र तिनको संख्या अनिश्चित हुँदै आएको मोर्चाको भनाई छ । मोर्चाले भारतसँग भएका सबै असमान सन्धिका नेपालको हितविपरीतका धाराहरु हटाई समानताका आधारमा नयाँ सन्धि गर्न, आप्रबासी नियन्त्रण सम्बन्धी कानून अबिलम्ब लागू गर्न र पासपोर्ट प्रणालीद्वारा नेपाल-भारत खुल्ला सीमालाई तत्काल नियन्त्रण गर्न मागपनि गरेको छ ।

जलाइएका धारामध्ये धारा ५ मा नेपाल सरकारलाई आफ्नो सुरक्षाका लागि आवश्यक पर्ने हातहतियार, विस्फोटक सामग्री या गोलीगठ्ठा, कलपूर्जा आदि स्वतन्त्रतापूर्वक भारतीय भूमिबाट र भारतीय भूमि भएर आयात गर्ने अधिकार रहनेछ । यो प्रबन्धलाई कार्यरुप दिन दुबै सरकारले परस्परमा परामर्श गरी एउटा कार्यप्रणाली तय गर्नेछन् भन्ने कुरा उल्लेख छ भने धारा ६ मा 'दुबै सरकार नेपाल र भारतबीच विद्यमान असल छिमेकीपन र मित्रताको प्रतीकस्वरुप एकले अर्को देशका नागरिकहरुलाई आफ्नो मुलुकका औद्योगिक र आर्थिक विकासका मामिलाहरुमा सहभागी हुन तथा आर्थिक विकाससँग सम्बन्धित मामिलाहरुमा दिइने सहुलियत र ठेक्कापट्टाहरुमा राष्ट्रिय व्यवहार प्रदान गर्नेछन्' भनिएको छ ।

यसैगरी धारा ७ मा नेपाल र भारत दुबै देशका सरकारहरु समान आधारमा एक अर्को देशका नागरिकहरुलाई आ-आफ्नो भूभागमा बसोबास तथा सम्पत्तिको भोगचलन गर्ने, उद्योग र व्यापारिक कारोबारमा भाग लिने, डुलफिर गर्ने र यस्तै प्रकारका अन्य विशेषाधिकारहरु प्रदान गर्न स्वीकृति प्रदान गर्छन्' भन्ने कुरा उल्लेख छ।

-Sharmila Thapa in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»