www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

बाहिर सहमतिको सरकार भित्रभित्रै सत्ताको लागि डकार
कांग्रेस, एमाले र फोरमद्वारा प्रधानमन्त्री पदका लागि दाबी?

काठमाडौं, August 4, 2008- काम चलाउ सरकारका प्रधानमन्त्री गिरिजाप्रसाद कोइराला र नेकपा एमालेका निवर्तमान महासचिव माधवकुमार नेपालबीच मुलुकको पछिल्लो परिस्थितिबारे कुराकानी भएको छ ।

कोलम्बोमा रहनुभएका कोइराला र भारतीय कम्युनिष्ट पार्टी माक्स्रवादीका पूर्व महासचिव हरकिसन सिंह सुरजितको अन्त्येष्टि समारोहमा नयां दिल्ली पुग्नुभएका नेपालबीच सोमबार विहान टेलिफोनमा कुराकानी भएको हो ।

जानकारी अनुसार दुई नेताबीच आपसी सहमति बनाएर अघि बढ्नेबारे छलफल भएको थियो । खासगरी नयाँ सरकार गठन प्रकृयाबारे पनि दुई नेताबीच छलफल भएको छ । नेकपा माओवादीले नयाँ सरकार गठन प्रकृया अगाडि बढाइरहँदा कोइराला र नेपालबीच भएको टेलिफोन कुराकानीलाई अर्थपूर्ण रुपमा हेरिएको छ । माओवादीका कारण कोइराला र नेपाल दुबै राष्ट्रपति हुन नपाएपछि माओवादीसँग क्रुद्ध छन् ।

ठूला चार दलबीच सरकार गठनका सम्बन्धमा आइतबार आपसी वार्ता भएपनि आगामी सरकारको रुपरेखा अझै तैयार हुन सकेको छैन । कांग्रेस एमाले र फोरमले देखावटी रुपमा माओवादी नेतृत्वमा राष्ट्रिय सरकार बन्नुपर्ने बताएपछि भित्रभित्रै उनीहरु आफै सरकारको नेतृत्वमा जाने तैयारीमा छन् । तर तीन दलबीच सरकारको नेतृत्व कसले गर्ने भन्ने विषयमा विवाद छ भने आवस्यक बहुमत पुग्दैन कि भन्ने डरपनि उनीहरुलाई छ ।

श्रोतका अनुसार माओवादीको सरकार गठन हुँदा सरकारको नेतृत्व आफूले गर्न पाउनुपर्ने दावी कांग्रेस, एमाले र फोरमले गरेका छन् । कांग्रेस माओवादी पछि सबैभन्दा ठूलो दल आफू भएकाले सरकारको नेतृत्व आफूले गर्न पाउनुपर्ने दावी गरिरहेको छ भने एमाले राष्ट्रपति कांग्रेसको भएकाले प्रधानमन्त्री आफ्नो हुनुपर्ने बताउँदैछ । उता राष्ट्रपति चुनावभन्दा अघि भएको अनौपचारिक सहमति अनुसार सरकारको नेतृत्व आफूले गर्न पाउनुपर्ने फोरमको दावी छ ।

तर तीनै दल एकले अर्कालाई सरकारको नेतृत्व गर्ने प्रधानमन्त्री पद दिने पक्षमा छैनन् । कांग्रेसको दावी छ- 'सभामुख एमालेले र फोरमले उपराष्ट्रपति पाइसकेकाले उनीहरुले सरकारको नेतृत्व गर्ने दावी त्याग्नुपर्छ ।' एमालेको भनाईपनि उस्तै छ अर्थात् राष्ट्रपति र उपराष्ट्रपति कांग्रेस र फोरमले पाइसकेकाले सरकारको नेतृत्व एमालेले पाउनुपर्छ भन्ने एमालेको दावी रहँदै आएको छ ।

फोरमलेपनि राष्ट्रपति र सभामुखजस्ता प्रमुख पद कांग्रेस र एमालेले पाएकाले सरकारको नेतृत्व आफूले पाउनु दावी गरिरहेको छ । 'सरकारको नेतृत्व कसले गर्ने भन्ने विवाद छ, त्यसैले धेरै कुरा बाहिर आएका छैनन्' श्रोतले भन्यो- 'साथै तीन दल मिल्दाको अवस्थामापनि अरु साना दलले समर्थन नगिरंदिदा उनीहरुको सरकार बन्न सक्दैन । त्यसैले बिस्तृत कुरा बाहिर नआएको हो । बाहिर सबै दल सम्मिलित राष्ट्रिय सरकारको कुरा गरेर भित्रभित्रै माओवादीबाहेकको सरकार बनाउने प्रयत्न भैरहेछ ।'

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»