www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

निर्माण शुरु गरेको २५ वर्षपछि जाजरकोटको सदरमुकाम खलंगामा बल्ल मोटर पुग्यो

बीरेन्द्रनगर सुर्खेत, December 11, 2008- सडक निर्माण थालेको २५ वर्ष पछि मध्यपश्चिमको पहाडी जिल्ला जाजरकोटमा हिजो पहिलो पटक यात्रुवाहक गाडी पुगेका छन्‌ ।

यात्रुहरुले खचाखच भरीएका १० वटा यात्रुवाहक बस सदमुकाम खलंगाको शान्तिचौतारा पुग्दा स्थानिय बासिन्दाले चालक र यात्रुलाई फुलमाल तथा अबिर लगाएर भव्य रुपमा स्वागत गरेका थिए ।

सल्यानको सल्लीबजारबाट छुटेका भेरी गंगामाला यातायात व्यवसायी समितिका बसहरु दिउसो खलंगा पुगेका हुन्‌ । गाडि हेर्न जम्मा भएका सयौ स्थानियबासीले पहिलो पटक आफनै घरआगनमा गाडी गुडेको देखेपछि खुशीले गदगद हुदै आफना दुखका दिन गएको सम्झेका छन्‌ । 'वषैदेखिको सपना पुरा भएको छ' खलंगा गैरीखालीका टेकजङ्गशाहले भने 'अव दुई दिनको वाटो हिडेर गाडि भेटाउन सल्लिबजार पुग्ने दिन गए ।' खलगाबासीले अवदेखि नियमिति रुपमा यातायात सेवा संचालन गर्न गाडि चालक र यातायात व्यावसायी सगँ माग गरेका छन्‌ ।

साँघुरो सडकमा जोखिम मोलेर खलंगामा पहिलो पटक गाडि पुन्याउन सफल चालक नारायण महतराले सडकमा नियमित रुपमा गाडि चलाउन अझै निकै काम गर्न बाकी रहेको बताएका छन्‌ । उनले भने सडकका ठाउँ ठाउँमा खाल्डाखुल्डी छन्‌, मोडहरु साघुरा भएका कारण गाडि चलाउन चुनौतिपूर्ण छ । छेडा खोलामा पुल बने र सडक मर्मत गरे अवदेखि नियमिति रुपमा गाडि चल्न सक्ने महतले बताएका छन्‌ ।

यता छिन्चु जाजरकोट सडक निर्माणको जिम्मा लिएर नेपाली सेनाको सडक निर्माण कार्यदलका प्रमुख मेजर बिश्ववन्दु पहाडीले सडक निर्माणको काम द्रुत गतिमा भैरहेको जानकारी दिएका छन्‌ । उनले भने सडकको पहिलो चरणको काम पुरा भैसकेको छ दोस्रो चरणको काम अन्र्तगत सडक चौडा गर्ने, खाल्डाखुल्डी पुर्ने, कर्भडहरु बनाउने काम भैरहेको छ ।

द्धन्द्धको बेलामा सडक निर्माणको लागि ल्याएका बिस्फोटक पदार्थ माओवादीले लुटेपछि अवरुद्ध भएको सडक निर्माण कार्य शान्ति स्थापनासगै नेपाली सेनाले जिम्मा लिएको थियो । सुर्खेतको औल्झ्यामबाट खलंगासम्मको ३० किलोमिटर सडक खण्डको ट्याक नेपाली सेनाले गतवर्ष खोलको थियो । त्रयाक खोल्ने काम भएपछि गतवर्ष नै खलंगामा साना जीप तथा ट्याक्टरहरु पुगेका थिए ।

सुर्खेतको छिन्चुदेखि जाजरकोट खलंगासम्मको १ सय ७ किलोमिटर सडकको निर्माणको सुरुवात २५ वर्ष अघि भएको थियो । तर माओावादी द्धन्द्धका कारण बीचमा केही समय सडक निर्माण रोकिन पुगेको थियो।

-Geban Mijhar in Birendranagar, Surkhet

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»