Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्ताहिक झटारो
हाम्रो बोली
Feature Story / News
स्थानीय खबरहरु
Local News
नेपालका खबरहरु
News from Nepal
अन्रांष्ट्रीय खबरहरु
International News
साताको अनुहार
Faces of the Week
Upcoming Events in USA
न्यूयोर्कमा आगामी कायंक्रमहरु
Upcoming Events in NYC
न्यूयोर्क शहरमा एक साँझ
An Evening Out in New York
न्यूयोर्कका नेपाली संघ-संस्थाहरु
Nepalese Orgs in NYC
न्यूयोर्कमा नेपाली ब्यावसायहरु
Nepalese Business in NYC
अमेरिकामा नेपाली संस्थाहरु
Nepalese Orgs in USA
अमेरिकामा नेपाली ब्यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
बगिंकृत विज्ञापन Classified
पाठक प्रतिकृया
Readers' Comments
पुराना कुराहरु News Archive
Audio Archive
Video Archive
बिबिध Miscellaneous
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्ताहिक Weekly
Monthly & Other Media
Nepali Online Portals
Nepali Radio / F.M. / TV
नेपाली अनलाइन् पोटंल
News from Nepal: नेपाली खबरहरु
चोरी गर्ने माओवादीलाई यसरी मारियो मतियारहरुबाट
काठमाडौं, May 17, 2008-माओवादीलाई
निकै अप्ठेरोमा पार्ने गरी 'जनमुक्ति सेना' भित्र चोरी काण्ड भएको छ । चोरी
काण्ड छानविनकै क्रममा आफूहरुले गरेको चोरीको गोप्यता 'लिक' गरेको भन्दै एक
माओवादी कार्यकर्तालाई जनमुक्ति सेनाका दुई सदस्यले हत्या गरेका छन् ।मारिने माओवादी कार्यकर्ता रामहरि श्रेष्ठ हुन् । हत्याको छानविनकालागि प्रहरीलाई सघाउन भन्दै जनमुक्ति सेनाका एक ब्रिगेड कमाण्डर प्रहरी कार्यालय गएका छन् । हिंसा जारी राखेको आरोप माओवादीमाथि अन्य पार्टीले लगाएका बेला माओवादी नेतृत्व यो घटनापछि थप अप्ठेरोमा परेको छ ।
Late Ramhari Shrestha and and Commander Govinda Batala 'Jibit'. Photo contributed: Sirab
जानकारी अनुसार चितवनको जुटपानीमा कार्यालय रहेको जनमुक्ति सेनाको तेश्रो डिभिजनको सम्पर्क कार्यालय काठमाडौंको कोटेश्वरमा रहेको मृतक श्रेष्ठको घरमा थियो । उनी माओवादीको काठमाडौ-रामेछाप गणतान्त्रिक मन्चका पूर्व अध्यक्षपनि थिए । गत चैत्र १४ गते श्रेष्ठको घरमा बसेका बेला तेश्रो डिभिजन कमाण्डर कालीबहादुर खाम 'बिबिध' को साथमा रहेको डिभिजन कार्यालयको १७ लाख रुपैयाँ र एक माउजर पिस्तोल अकस्मात चोरी भएको थियो ।
खोजीका क्रममा सो रकम र पिस्तोल जनमुक्ति सेनाकै सदस्य गंगाराम श्रेष्ठको कपडामा पोको पारेर लुकाइएको अवस्थामा फेला पर्यो । हराएको पैसा र हतियार पारेर ट्वाइलेट नजिक फेला परेको बताइएको छ । घटनाकाबारेमा माओवादीले चुनाव सकिएलगत्तै छानविन थालेको थियो । पैसा पोको पार्न गंगारामको कपडा प्रयोग गरिएकाले गंगाराम 'एटम' का अलवा शंकाको घेरामा आफ्नै कार्यकर्तासमेत रहेका श्रेष्ठ र जनमुक्ति सेनाकै सदस्य केशव अधिकारी 'रघु' माथि माओवादीले आन्तरिक अनुसन्धान थालेको थियो ।
ब्रिगेड कमाण्डर गोबिन्द बटाला 'जीवित' को संयोजकत्वमा गठित छानविन समितिले छानविन गर्दा शंकाको घेरामा परेका तीनै जनाले रकम आफूहरुले चोरेको स्वीकार गरेको डिभिजन कमाण्डर बिबिधको भनाई छ । उनका अनुसार कुनैपनि हालतमा रकम आफूहरुले चोरेको स्वीकार नगर्ने उनीहरुबीच सहमति थियो । तर छुट्टाछुट्टै राखेर बयान िलंदा पैसा तीनजना मिलेर चोरेको रहस्योद्घाटन श्रेष्ठले गरेका थिए । रकम आफूहरुले चॊरेको गोप्यता श्रेष्ठले लिक गरेपछि गंगाराम र केशव स्वीकार्न बाध्य भएका थिए ।
चोरीको घटनामा दोषी देखिएपछि तेश्रो डिभिजनले उनीहरुलाई जुटपानीमा रहेको डिभिजनको अस्थायी शिविरको एउटै कोठामा राखेको थियो । यसरी सँगै राखिएका तीनजनामध्ये जनमुक्ति सेनाका सेना सदस्य रहेका गंगाराम र केशवले सहमति विपरित चोरीबारे गोप्यता खोलेको भन्दै बैशाख ३१ गते राति रामहरि श्रेष्ठलाई निर्घात कुटपिट गरेका थिए । मरणासन्न अवस्थामा भेटिएका श्रेष्ठसहित गंगाराम र केशवलाई गाडीमा हाली तेश्रो डिभिजनका ब्रिगेड कमाण्डर जीवितको टोलीले त्यसै राति काठमाडौं ल्याएको थियो।
तर मुगलिननिर आइपुग्दा बीचैमा घाइते श्रेष्ठको मृत्यु भएको र मृतक श्रेष्ठलाई त्रिशुलीमा फालिएको ब्रिगेड कमाण्डरले बताएका छन् । उता छानविन गर्न श्रेष्ठलाई लगिएपछि उनकी श्रीमति रमिला श्रेष्ठ लगायत परिवारका सदस्यले उनलाई मुक्त गरिदिन माओवादी अध्यक्ष प्रचण्ड लगायतका नेतासँग अनुरोध गरेका थिए । तर मृतकका दाजु श्यामकाजी श्रेष्ठ केही नातेदारका साथ तेश्रो डिभिजन कार्यालय पुगेका थिए । त्यहाँ पुगेका उनीहरुलाई डिभिजन कमाण्डर 'बिबिध' ले आफ्ना कार्यकर्ताको कमजोरीका कारण मृत्यु भएको स्वीकार गरेका थिए ।
श्रेष्ठको मृत्यु भएको घटना सार्वजनिक भएपछि शुक्रबार कोटेश्वर क्षेत्र तनाबग्रस्त बन्न पुग्यो । मृतकका आफन्तहरुले कोटेश्वरस्थित तेश्रो डिभिजनको सम्पर्क कार्यालय तथा मृतकको घर घेराउ गर्न खोज्दा प्रहरीसँग भीडन्तसमेत भएको थियो । मृतकका आफन्तहरुले प्रदर्शनका क्रममा माओवादी अध्यक्ष प्रचण्ड र उनकी पत्नी सीता, बरिष्ठ माओवादी नेताहरु डा. बाबुराम भटराई र रामबहादुर थापा 'बादल' श्रेष्ठको घरमा बसी सँगै खाना खाएको तस्वीरपनि प्रदर्शन गरेका थिए ।
यो घटनापछि छानविन टोलीका संयोजक तथा बेथान स्मृति ब्रिगेडका कमाण्डर गोबिन्द बटाला शुक्रबार दिउसो चितवनस्थित जिल्ला प्रहरी कार्यालय पुगेका थिए । छानविनकालागि प्रहरीलाई सहयोग गर्न भनी उनी आफै त्यहाँ पुगेका हुन् । उनी शुक्रबार राति त्यहीं रहे । कमाण्डर बिबिधले घटनाका सम्बन्धमा प्रहरीलाई आफूहरुको पूर्ण सहयोग हुने बताएका छन् । उनले भने- 'त्यही सहयोगकालागि हामीले कमाण्डर जीवितलाई प्रहरी कार्यालय पठाएका हौं ।'
-Sitaram Baral in Kathmandu
Please add yours and view our readers' comments at: Guest Book page»