www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

सत्तारुढ माओवादी र नेपाली सेनाबीच वाकयुद्ध सुरु

काठमाण्डौं, January 5, 2009- सत्तारुढ माओवादी र माओवादीविरुद्ध प्रयोग भएको सैन्य शक्ति नेपाली सेनाबीच वाकयुद्ध सुरु भएको छ । सरकार अन्तर्गत सेना रहने भएपनि सेना सरकारको भनाईको प्रतिवाद गर्न अग्रसर हुनुले सेनाको सरकारप्रतिको बफादारिताप्रति शंका उठ्न थालेको छ ।

सेना राजनीतिक संस्था नभएपनि प्रधानसेनापतिबाट राजनीतिक अभिव्यक्ति दिने क्रम जारी छ ।

प्रधानसेनापति रुक्माङ्गद कटवालले नुवाकोट पुगेर माओवादीले सेनालाई राजनीतिकरण गरेको आरोप अप्रत्यक्ष रुपले लगाएका छन् । 'सेना राजनीति भन्दा माथि छ' त्रिशुलीस्थित सैन्य तालिम केन्द्रमा सम्बोधन गर्दै प्रधानसेनापति कटवालले आइतबार भनेका छन्- 'तर यहाँ सेनालाई जुधाउने, फुटाउने र विवादमा तान्ने काम सुरु भएको छ ।'

रिक्त रहेका दरबन्दीमा सेनाले भर्ना प्रकृया सुरु गरेपछि माओवादी र राष्ट्रसंघीय मिसन 'अनमिन' ले आपत्ति जनाएका थिए । त्यसपछि रक्षा मन्त्रालयले भर्ना प्रकृया रोक्न सेनालाई पत्र पठाएको थियो । तर भर्ना प्रकृया रोक्न नमिल्ने जवाफ सेनाले मन्त्रालयलाई दिएको छ । यस्तो जवाफ दिएपछि सेना र सरकारबीचको सम्बन्ध चिसिएकोमात्र छैन सेना विवादमापनि तानिएको छ ।

शनिवार सम्पन्न जनमुक्ति सेनाको जनरल स्टाफको बैठकले सेनाले भर्ना प्रकृया रोक्नुपर्ने नरोकिए जनमुक्ति सेनालेपनि रिक्त पदमा भर्ना सुरु गर्ने निर्णय गरेको थियो । जनमुक्ति सेनाका कमाण्डरहरुले सरकारको आदेश नमाने प्रधानसेनापति रुक्माङ्गद कटवाललाई हटाउनुपर्ने मागपनि प्रधानमन्त्री प्रचण्डसँग गरेका थिए । यससम्बन्धी समाचार सार्वजनिक भएपछि प्रधानसेनापति अरु क्रुद्ध भएको बुझिएको छ ।

'सेना भर्ना प्रकृया सेनाको नियमति कार्य हो तर केही राजनीतिक दलले यसबारेमा अनर्गल प्रचार गरिरहेका छन्' माओवादीप्रति लक्ष्यित गर्दै कटवालले भनेका छन्- 'जे भएपनि सेना कसैबाट आत्तिने मात्तिने स्थितिमा छैन ।' राजनीतिक विश्लेषकहरुले कटवालको पछिल्लो भनाईलाई माओवादी नेतृत्वको सरकारप्रति चुनौतिको रुपमा लिएका छन् ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»