www.USNepalOnline.Com: Nepalese News Live from the capital of the world-New York City

Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
Faces of the Week
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

मधेशीहरु भारतबाट आएका आप्रवासीहरु भएको ठोकुवा
असार २६ (जुलाई १०) गते झापादेखि कन्‍चनपुरसम्मका २४ जिल्ला बन्दको घोषणा

काठमाडौं, July 9, 2008- स्वायत्त थरुहट राज्य प्राप्तिकालागि राजधानीमा भएको थारुहरुको बृहत भेलाले थरुहट संयुक्त संघर्ष समिति गठन गरेको छ ।

गठनलगत्तै संघर्ष समितिले दुई बुँदे माग राख्दै माग पुरा गराउन भोलि असार २६ गते झापादेखि कन्‍चनपुरसम्मका २४ जिल्ला बन्दको घोषणा गरेको छ । बन्दलाई सफल बनाउन आज बेलुकी तराईका ती जिल्लाहरुमा मसाल जुलुश प्रदर्शनको कार्यक्रम गरिने बताइएको छ ।

Laxman Tharu. Photos: Sitaram

२०६३ फागुन २५ गते अन्तरिम संविधानमाथि पहिलो संसोधन गिरंदा तराईका २० जिल्लालाई मधेश नामाकरण गरिएकाले सो खारेज गर्ने तथा जातीय तथा ऐतिहासिक पृष्ठभूमिका आधारमा थरुहट स्वायत्त प्रदेश सुनिश्चित गर्नुपर्ने माग राख्दै समितिले बन्द लगायत संघर्षका कार्यक्रम घोषणा गरेको हो । संघर्ष कार्यक्रम घोषणा गर्दै थरुहट स्वायत्त राज्य परिषद्का अध्यक्ष लक्ष्मण थारुले भने- 'हामीले आन्दोलनको कार्यक्रममात्र घोषणा गरेका छैनौं प्रतिरोधको थालनीपनि गरेका छौं ।'

गत हप्तामात्र मधेशी जनअधिकार फोरम छाडेका थारु नेता किशोरकुमार विश्वासले मधेशीहरु भारतबाट आएका आप्रवासी भएको बताउँदै भारतीय आप्रवासीहरुले नेपालका आदिवासी थारुहरुमाथि शासन गर्न मधेश प्रदेशको कुरा ल्याएको बताए ।

Kishor Biswash

उनको भनाई थियो- 'मधेशीहरुले हामी थारुहरुलाई के के दिने भनेर निर्णय गर्ने होइन बरु हामी आदिवासी थारुहरुले उनीहरुलाई के दिने के नदिने भनेर निर्णय गर्ने हो ।'

उनले मधेशीहरुसँग नझुक्न राजनीतिक पार्टी र राजनीतिक दलहरुसँग अनुरोधपनि गरे । 'हुँदै नभएको मधेशको माग राखेर उनीहरुले सशस्त्र वा निशस्त्र आन्दोलनको चेतावनी दिन्छन् भने हामीपनि चुप लागेर बस्दैनौं' विश्वासको भनाई थियो- 'त्यो स्थितिमा तराईका थारुहरुले सीमानामा बसेर देशको रक्षा गर्नेछौं, मधेशीहरुले दिएको संघर्षको चेतावनीबाट सरकार र राजनीतिक दलहरु नडराए हुन्छ ।'

उनले मधेशवादी पार्टीमा राजावादी र भारतका दलालहरु रहेको आरोपपनि लगाए । 'ती पार्टीहरुमा भारतीय गुप्तचर संस्था 'र' का एजेन्टहरु छन् राजावादीहरुपनि छन्' उनले भने- 'राजतन्त्रको समाप्तिपछि उनीहरु देशलाई विखण्डित र अस्थिर बनाउन चाहिरहेका छन् त्यसैले सरकारले उनीहरुले जे भन्यो त्यो मान्नु हुँदैन नत्र राष्ट्रियता खतरामा पर्छ ।'

सो संघर्ष समितिमा थारु कल्याणकारी सभा, थरुहट स्वायत्त राज्य परिषद्, नेपाल लोकतान्त्रिक थारु संघ, नेपाल लोकतान्त्रिक समाजवादी दललगायत १८ वटा संघसंस्थाहरु समेटिएका छन् । समितिले आफ्ना माग पुरा नगरिए बन्दपछिपनि अन्य संघर्षका कार्यक्रम ल्याउने चेतावनी दिएको छ । असार २३ र २४ गते बसेको बृहद् भेलाबाट संघर्ष समितिको गठन भएको जानकारी बुधबार आयोजित पत्रकार सम्मेलनमा जानकारी दिइएको थियो ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»