Inside This:
यस भित्रका खुराकहरु:
संपादकीय Editorial
साताको कुराकानी Interview
साताको दोहोरी भाका
साताको अनुहार
साप्ताहिक झटारो
हाम्रो बोली
Feature Story / News
स्थानीय खबरहरु
Local News
नेपालका खबरहरु
News from Nepal
अन्रांष्ट्रीय खबरहरु
International News
साताको अनुहार
Faces of the Week
Upcoming Events in USA
न्यूयोर्कमा आगामी कायंक्रमहरु
Upcoming Events in NYC
न्यूयोर्क शहरमा एक साँझ
An Evening Out in New York
न्यूयोर्कका नेपाली संघ-संस्थाहरु
Nepalese Orgs in NYC
न्यूयोर्कमा नेपाली ब्यावसायहरु
Nepalese Business in NYC
अमेरिकामा नेपाली संस्थाहरु
Nepalese Orgs in USA
अमेरिकामा नेपाली ब्यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
बगिंकृत विज्ञापन Classified
पाठक प्रतिकृया
Readers' Comments
पुराना कुराहरु News Archive
Audio Archive
Video Archive
बिबिध Miscellaneous
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्ताहिक Weekly
Monthly & Other Media
Nepali Online Portals
Nepali Radio / F.M. / TV
नेपाली अनलाइन् पोटंल
News from Nepal: नेपाली खबरहरु
काठमाडौं, June 19, 2008- शक्ति बाँडफाँडको विषयलाई लिएर तीन ठूला दलबीच दूरी बढिरहेका बेला संविधान सभाको चौथो ठूलो दल मधेसी जनअधिकार फोरमका उपल्ला नेताहरुबीच पनि दूरी बढ्न थालेको छ ।
विवादकै कारण फोरमको संविधान सभा दलको नेता चयन गर्ने काम अझै सम्पन्न हुन सकेको छैन । तेश्रो ठूलो मधेशी दल नेपाल सद्भावना पार्टीले भने बुधबारमात्र पार्टी अध्यक्ष राजेन्द्र महतोलाई दलको नेता चयन गरेको छ ।
संविधान सभामा दुई-दुई निर्वाचन क्षेत्रबाट जितेका फोरमका अध्यक्ष उपेन्द्र यादव र अर्का नेता विजय गच्छेदारमध्ये को संविधान सभा दलको नेता बन्ने भन्ने विवादका कारण अहिलेसम्म पनि दलको नेता चयन हुन नसकेको हो । जानकारी अनुसार कांग्रेस छाडी फोरम प्रवेश गर्ने बेला गच्छेदारले यादवसँग फोरमभित्र आफ्नो पदीय हैसियत के हुन्छ भन्ने जिज्ञासा राखेका थिए ।
संविधान सभामा फोरमको प्रतिनिधित्व यति धेरै होला भन्ने सोच्दै नसोचेका उपेन्द्रले गच्छेदारलाई 'चुनावपछि तपाईं संविधान सभा दलको नेता र सरकारमा पार्टीको तर्फबाट नेतृत्व गर्नुहोला' भन्ने आश्वासन दिएका थिए । तर चुनावमा फोरमले प्रत्यक्षतर्फ मात्रै ३० सिट जितेर कांग्रेस एमालेजस्ता ठूला दललाई पछ्यायो । सत्ताको चाबी अहिले करिव- करिव फोरमको हातमा पनि छ । शक्ति बाँडफाँडमा फोरमले उपराष्ट्रपति, उपप्रधानमन्त्री वा संविधानसभाको उपाध्यक्ष पद माग्नसक्ने स्थिति छ ।
त्यसैले संविधान सभा दलको नेता बन्ने उपेन्द्रको इच्छा पलाएको छ भने विजय गच्छेदार आफुलाई दिइएको पूर्ववचनअनुसार संविधान सभामा दलको नेता बनाइयोस् भन्दै दबाब दिइरहेका छन् । सहमतिका आधारमा आफुलाई नेता नबनाउने भए छनोटका लागि चुनाव गर्न पनि गच्छेदारले दबाब दिएको स्रोतले बताएको छ । संविधान सभामा जितेर आउने अधिकांश सदस्य अध्यक्ष यादव पक्षधर नै भएकाले यादवले नै जित्ने सम्भावना भए पनि चुनावै गर्दा सन्देश नराम्रो जाने भएकाले चुनाव गर्न भने यादव हिच्किचाइरहेका छन् ।
नेपाली कांग्रेस प्रजातान्त्रिकका महामन्त्रीसमेत रहिसकेका गच्छेदारलाई पार्टीमा कुनै महत्वपूर्ण जिम्मेवारीसमेत दिइएको छैन । दुई साताअघि बसेको केन्द्रीय समितिको बैठकले उनलाई 'वरिष्ठ नेता' बनाएको थियो । उनलाई त्यही बैठकबाट केन्द्रीय सदस्य पनि बनाइयो । संविधान सभा दलमा मात्र होइन केन्द्रीय समितिमा समेत बलियो पकड रहेका अध्यक्ष यादवले पछिल्लो समय रामसहाय यादवलाई महामन्त्री बनाएर पार्टी संगठनमा आफ्नो पकड मजबुत बनाएका छन् । यो गच्छेदारका लागि फोरमको संविधान सभा दलको नेता बन्ने र पार्टीको तर्फबाट सरकारको नेतृत्व गर्न जाने इच्छा पनि 'आकाशको फल आँखा तरी मर' भनेजस्तै हुने देखिएको छ ।
अर्को मधेसी दल तराई-मधेस लोकतान्त्रिक पार्टीले पनि अहिलेसम्म संविधान सभा दलको नेता चयन गर्न सकेको छैन । त्यहाँ पनि दुई नेताबीचको वरिष्ठतासम्बन्धी विवाद रहेको बताइन्छ । हृदयेश त्रिपाठी र महेन्द्र राय यादवबीच कसलाई दलको नेता बनाउने भन्ने अन्यौल देखिन्छ । समानुपातिकबाट निर्वाचित महेन्द्र राय यादवलाई दलको नेता बनाउने पक्षमा पार्टी अध्यक्ष महन्थ ठाकुर भए पनि पार्टीका २० जना सभासद्मध्ये सबैभन्दा वरिष्ठ हृदयेश त्रिपाठी मानिन्छन् ।
-Sitaram Baral in Kathmandu
Please add yours and view our readers' comments at: Guest Book page»