www.USNepalOnline.Com: Nepalese News Live from the capital of the world-New York City

News from Nepal & New York

Inside This:
यस भित्रका खुराकहरु:
संपादकीय Editorial
साताको कुराकानी Interview
साप्‍ताहिक झटारो
हाम्रो बोली
अन्‍रांष्‍ट्रीय खबरहरु
International News
न्‍यूयोर्कमा आगामी कायंक्रमहरु
Upcoming Events in NYC & USA
न्‍यूयोर्क शहरमा एक साँझ
An Evening Out in New York
न्‍यूयोर्कका नेपाली संघ-संस्‍थाहरु
Nepalese Orgs in NYC
न्‍यूयोर्कमा नेपाली ब्‍‍यावसायहरु
Nepalese Business in NYC
अमेरिकामा नेपाली संस्‍थाहरु
Nepalese Orgs in USA
अमेरिकामा नेपाली ब्‍‍यावसायहरु
Nepalese Business in USA
समकालिन साहित्य-रचना
Contemporary Writings
कविता Poetry
मनोरन्जन Entertainment
दोहोरी लोक भाकाहरु सुनौं
Nepalese Folk Music & Dance
पाठक प्रतिकृया Readers' Comments
Audio Archive/Video Archive
नेपालका आदिवासी-जनजातिहरु
Indigenous People of Nepal
प्रवासी नेपाली संस्थाह्‍रू
Nepali Diaspora Orgs
Nepali News Media
नेपाली पत्रपत्रिकाहरू
दैनिक Daily
साप्‍ताहिक Weekly
Monthly & Other Media
Nepali Online Portals
Nepali Radio / F.M. / TV

तराई मधेश लोकतान्त्रिक पार्टीले समर्थन फिर्ताबाट कुनै असर नपर्ने
सामन्तहरुबाट कब्जा गरिएका घरजग्गा फिर्ता नहुने

काठमाण्डौं, January 3, 2009- सरकार र नेपाली कांग्रेसबीच माओवादी कब्जामा रहेका भनिएका सर्वसाधारणका घर-जग्गा तीन महिनाभित्र फिर्ता हुने सहमति भएपनि नेकपा माओवादीका वरिष्ठ नेता मोहन वैद्य 'किरण' ले भने सामन्तहरुबाट कब्जा गरिएका घरजग्गा फिर्ता नहुने बताएका छन् ।

शुक्रबार बुटवलमा आयोजित कार्यक्रममा बोल्दै माओवादी नेता किरणले माओवादीले सामन्तविरुद्ध जनयुद्ध गरेको बताउँदै सामन्तहरुको जग्गा कुनैपनि हालतमा फिर्ता नगरिने बताएका हुन् ।

'कोही साँच्चिकै पीडित रहेछन् सर्वसाधारण नै रहेछन् भने उनीहरुको घरजग्गा र सम्पत्ति फिर्ता गर्ने भनिएको हो तर जनतालाई शोषण गरी सम्पत्ति बटुलेका सामन्तहरुबाट कब्जा गरिएको घरजग्गा फिर्ता हुँदैन' किरणले भने- 'नेपाली कांग्रेससंग विहीबार गरिएको सहमति पुरानै हो त्यसमा नयाँ कुरा केहीपनि छैन ।'

प्रधानमन्त्री प्रचण्डले तीन महिनाभित्र कब्जा गरिएका घरजग्गा फिर्ता गर्ने समय-सीमासहितको प्रतिवद्धता व्यक्त गरेको भोलिपल्टै माओवादीका वरिष्ठ नेता किरणले त्यसमा सामन्तहरुको घरजग्गापनि फिर्ता गर्नुपर्ने प्रावधान नरहेको ब्याख्या गर्दै उपरोक्त कुरा बताएका हुन् । सामन्तहरुबाट कब्जा गरिएको भूमि कानुन बनाएर गरिब जनतालाई बाँडिने खुलाशासमेत उनले गरेका छन् ।

नेकपा माओवादीका लागि सरकारभन्दा जनता ठूलो भएको बताउँदै माओवादी नेता किरणले आफ्नो पार्टी जुनसुकै बेला सरकार छाडी जनतामाझ जानसक्ने बताएका छन् । नेपाली जनताको अधिकार स्थापना गर्न सरकार सदन र सडकबाट एकसाथ संघर्ष गर्ने पार्टीको नीति रहेको बताउँदै उनले तराई मधेश लोकतान्त्रिक पार्टीले सरकारलाई दिइआएको समर्थन फिर्ताबाट कुनै असर नपर्ने बताए । उनले भने- 'हामी जुनसुकै बेला सरकार छाडी सडकमा आउने सोचमा छौं भने तमलोपाको समर्थन फिर्ताले कुनै असर गर्दैन।'

संविधान सभामा पाँचौ ठूलो दल तमलोपाले विहीबार नै सरकारलाई दिएको समर्थन फिर्ता लिइसकेको छ भने शुक्रबार सोही दलको केन्द्रीय समितिको बैठकले आफ्ना मागहरु पुरा गराउन शान्तिपूर्ण आन्दोलन गर्ने चेतावनीपनि दिइरहेको छ । राष्ट्रपति निर्वाचनमा माओवादी समर्थित उम्मेदवार रामराजाप्रसाद िसंहको पक्षमा मतदान गरेको र माओवादी नेतृत्वको सरकारलाई समर्थन गर्दै आएको तमलोपाले सरकारप्रतिको समर्थन फिर्ता लिएको जनाएपनि माओवादी नेता किरणले तमलोपाको निर्णयले आफ्नो पार्टीलाई कुनै असर नपर्ने बताएका छन् ।

-Sitaram Baral in Kathmandu

तपाईंको भनाइ लेखी छाड्‍न र अरुको भनाइ पढ्न यहाँ क्लिक गर्नुहोस्
Please add yours and view our readers' comments at: Guest Book page»